18 лютага ў Варшаўскім універсітэце адбылася вечарына памяці Юркі Туронка, які памёр 2 студзеня г.г. Ладзілі яе Беларуская нацыянальная памяць і Кафедра інтэркультурных студыяў Сярэдне-ўсходняй Еўропы Варшаўскага ўніверсітэта. Сустрэчу вёў праф. Вячаслаў Швед. Вечарына пачалася з ушанавання памяці Юркі Туронка хвілінай маўчання. Затым Аляксей Дзікавіцкі – радны БНР і намеснік дырэктара тэлебачання Белсат уручыў на рукі Зінаіды Туронак медаль з нагоды 100-годдзя БНР, якім Рада БНР уганаравала памерлага за яго прыжыццёвую дзейнасць на карысць Беларусі і беларускасці.

Зінаіда Туронак у слове падзякі сказала, што яе муж усё жыццё прысвяціў Беларусі і таксама стварыў беларускі дом і беларускую сям’ю. Паказаны былі таксама фрагменты з рабочых здымкаў над фільмам пра ІІ сусветную вайну для телеканалу Белсат, у якіх выказваўся Юры Туронак. Гісторыка ўспаміналі Лена Глагоўская, Анатоль Міхнавец, Лёнік Тарасэвіч. Праф. Юры Грыбоўскі прэзентаваў 4 нумар «Przegl№du Њrodkowo-Wschodniego”, ахвяраванага да 90-ых угодкаў Юркі Туронка. На вечарыне прысутнічалі таксама дочкі памерлага: Ганна і Наталля, супрацоўнікі Кафедры інтэркультурных студыяў ды варшаўскія-беларускія сябры Юркі Туронка.

Думаю, што варта да гадавіны смерці гісторыка падрыхтаваць памятную кнігу, а магчыма таксама сарганізаваць канферэнцыю яму прысвечаную. Шмат хто з нас шмат чым забавязаны перад с.п. Юрым Туронкам.

Лена Глагоўская