Pa prostu / Па-просту

  • Szucman z Nowaj Wioski

    Z cyklu "Płacz zvanoŭ" (Cz. 25)

    – Trzeba, żeby wszyscy Polacy chwycili się za prawo, bo jeśli Białorusy wezmą władzę w swoje ręce, to wszystkim będzie źle… Usim wiadomo, szto kali wosieniaj 1939 roku sawiety zajmali Zachodniuju Biełaruś, z wielkaj radaściu prywitali ich asobienno prawasłaŭnyja. Heto mieło swaje pryczyny, bo pad…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Украіна – не Беларусь, а мова Кіева іншая ад падляшскай

Выгляд на левабярэжны Кіеў (Вікіпэдыя)
Выгляд на левабярэжны Кіеў
(Вікіпэдыя)

Вынікі прэзідэнцкіх выбараў ва Украіне паказалі, што ўкраінскі народ патрабуе іншай улады. З увагі на надта песімістычныя настроі ў грамадстве дзейнічаючы прэзідэнт Пятро Парашэнка не меў шанцаў, каб быць абраным на наступны тэрмін. Украінцы паставілі на Валадзіміра Зяленскага, крыху выпадковага маладзенькага яшчэ і недасведчанага палітыка, па прафесіі актора-коміка. Атрымаў ён ажно 75 прац. галасоў. Такім чынам выбаршчыкі праявілі свае спадзяванні, што зможа ён нешта змяніць у краіне, каб людзям жылося лепш і больш справядліва. Безумоўна, можна гэта зразумець, калі толькі ў Польшчу за хлебам выехала ўжо звыш 2 млн украінцаў. Аднак вынікі выбараў успрымаць можна проста як жэст адчаю гэтага народа.

Ва Украіне адбыліся сапраўды свабодныя і дэмакратычныя выбары. Дзейнічаючы прэзідэнт, які пад сабою меў увесь адміністрацыйны апарат, армію і спецслужбы, не толькі не фальшаваў выбараў, але прызнаў свой пройгрыш. Гэта паказвае, што Украіна стала ўжо еўрапейскай дзяржавай з прынятымі ў вольным свеце дэмакратычнымі стандартамі. Розніца ў гэтым паміж Кіевам і Мінскам аграмадная. Бо ж кожныя выбары ў Беларусі адбываюцца пад жорсткім кантролем улады. Тут свой Зяленскі немагчымы таксама таму, што ў беларусаў проста іншая ментальнасць. Хаця падчас нейкага апытання з’явіліся галасы, што патэнцыйным кандыдатам у прэзідэнты з беларускіх артыстаў мог бы стаць, напрыклад, Лявон Вольскі.

У русіфікаванай Беларусі падчас выбарчай кампаніі нават апазіцыя часта выступае на рускай мове. Ва Украіне многія палітыкі і чыноўнікі таксама яшчэ рускамоўныя, але публічна прамаўляюць па-ўкраінску. Прэзідэнцкая дэбата на кіеўскім стадыёне праходзіла выключна на ўкраінскай мове, хаця Зяленскі натаваў свае пытанні па-руску. Дзякуючы інтэрнэту гэтую дэбату маглі пабачыць мільёны людзей ва ўсім свеце. Жыхары Бельшчыны і Гайнаўшчыны, дзе ў карэннай мове шмат ёсць слоў украінскага паходжання, напэўна заўважылі, што мова Кіева, аднак, амаль зусім не такая як падляшская.

Юрка Хмялеўскі

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у чэрвені

    – у 1519 г. Францыск Скарына выдае ў Празе Кнігу Руф, Кнігу Эсфір, Кнігу Плач Іяэміі. – 28.06.1660 г. войскі Вялікага Княства Літоўскага і польскія разбілі каля вёскі Палонка Слонімскага павету войскі расейскага агрэсара (камандуючы Іван Хаванскі). – 7.06.1825 г. …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (453) – 23.06.1572 г. у Кнышыне на Беласточчыне памёр Зыгмунт Аўгуст (нар. 1.08.1520 г.), апошні кароль Польшчы ды Вялікі князь літоўскі з роду Ягелёнаў.
  • (79) – 23.06.1946 г. заснаваньне ў Рэгенсбургу (Нямеччына) Крывіцкага Навуковага Таварыства імя Пранцішка Скарыны, якога старшынёй стаў др. Янка Станкевіч. Таварыства між іншым публікавала навуковы часопіс „Веда”.
  • (33) – 23.06.1992 г. у Варшаве быў падпісаны старшынёй Вышэйшай Рады Рэспублікі Беларусь Станіславам Шушкевічам і прэзыдэнтам Рэчыпаспалітай Польскай Лехам Валэнсам польска-беларускі Трактат пра добрае суседзтва і сяброўскае супрацоўніцтва

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com