Эканамічная сітуацыя ў Беларусі стала вельмі дрэннай. У дзяржавы няма грошай на неабходную мадэрнізацыю прадпрыемстваў, няма завельмі за што будаваць новую і рамантаваць існуючую інфраструктуру. Прыходзіцца штораз больш даплачваць да зарплатаў, пенсіяў, камунальных паслуг. Прадпрыемствы прыносяць затраты, людзям на працы няма чаго рабіць. Цэны амаль на ўсё растуць і растуць, а рэальная вартасць заробкаў падае.

Дзяржава ў значнай меры жыве за кошт крэдытаў, якія бярэ ад Расіі. За апошнія пятнаццаць гадоў Масква пазычыла Беларусі агулам каля 40 мільярдаў долараў. Кіраўнік дзяржавы Аляксандр Лукашэнка сам прызнаўся, што гэтыя крэдыты надта дарагія. Беларусі прыходзіцца плаціць касмічныя адсоткі, каля 25 прац. Пазычыўшы мільярд долараў, трэба аддць мільярд дзвесце тысяч.

Выглядае на тое, што Расія памалу ставіць Беларусь пад сценку. Выкарыстоўвае тое, што краіна залежная ад газу, нафты і яшчэ шмат чаго з усходу. Вось 13 снежня ў Брэсце расійскі прэм’ер міністр Дзмітры Мядзведзеў падчас сустрэчы з кіраўніком беларускага ўраду Сяргеем Румасам адкрыта сказаў, што Беларусь павінна ўвесці расійскі рубель як сваю валюту, а таксама мець адзіную з Расіяй мытню і падліковую палату.

– Алюзію понял, – пракаментаваў такую прапанову Лукашэнка. – Атрымаеце нафту і газ, але ўзамен ліквідуеце дзяржаву і ўваходзіце ў склад Расіі. Гэтага ніколі не будзе!

Каб высветліць актуальную сітуацыю ў адносінах з Расіяй, Лукашэнка ў канцы снежня двойчы лётаў у Маскву, каб перагаварыцца з прэзідэнтам Пуціным. Вынікі гэтых размоў пакуль невядомыя.

Беларусь не першы раз знайшлася на такім раздарожжы. Гэта толькі пацвярджае тое, што інкарпарацыя Беларусі Расіяй становіцца штораз больш рэальнай. Прыменены можа быць варыянт Крыму. Але Лукашэнка сувернітэт Беларусі будзе абараняць да канца. Бо інакш страціць уладу. Нездарма Беларусь не прызнала дагэтуль анексію Крыма ці псеўданезалежнасці адарваных ад Грусіі Абхазіі і Паўднёвай Асеціі.

Юрка Хмялеўскі