Як павядоміла Радыё Рацыя, пражываючы ў Беластоку палітычны ўцякач з Беларусі Ануфрый Рамановіч вяртаецца на радзіму. Былы маёр КДБ і віцебскі прадпрымальнік з’ехаў у Польшчу пасля прэзідэнцкіх выбараў у сваёй краіне ў 2006 г. У Беларусі ўзнята была супраць яго крымінальная справа за эканамічныя злачынствы. Ануфрый Рамановіч казаў, што стаў рэпрэсаваны па палітычных прычынах, паколькі быў заангажаваны ў прэзідэнцкую кампанію апазіцыйнага кандыдата Аляксандра Мілінкевіча. У 2008 г. з Беларусі быў дасланы ў Польшчу запыт на яго экстрадыцыю. Беластоцкі суд не знайшоў для гэтага аднак ніякіх падстаў. І толькі ў гэтым годзе Ануфрый Раманавіч даведаўся, што ў Беларусі справу супраць яго закрылі яшчэ ў 2009 г. Здзіўляецца, чаму яго пра гэта ніхто раней не павядоміў, паколькі ўжо дзесяць гадоў мог бы зноў жыць у Беларусі. Як толькі аб гэтым даведаўся, вырашыў вярнуцца да сям’і ў Віцебск, нягледзячы на тое, што ў Польшчы страціць статус палітычнага ўцекача.

Пражываючы ў Беластоку Ануфрый Рамановіч наведваў і нашу рэдакцыю. Цікавіўся беларускімі справамі на Падляшшы, можна яго было пабачыць на нашых культурных імпрэзах.