Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Вайна па-суседску і мы

Дэманстрацыя перад беларускім консульствам у Беластоку супраць вайны ў Украіне. 27 лютага 2022 Радыё Рацыя
Дэманстрацыя перад беларускім консульствам у Беластоку супраць вайны ў Украіне. 27 лютага 2022
Радыё Рацыя

Украіну ад 24 лютага, калі напала на яе Расія, на працягу месяца пакінула ўжо звыш трох мільёнаў грамадзян. Каля двух мільёнаў бежанцаў – пераважна жанчыны і дзеці – апынулася ў Польшчы. Каб схавацца ад вайны, пэўная іх частка прыбыла таксама на Падляшша.

Улады ў Варшаве і гмінныя самаўрады адразу выйшлі бежанцам насустрач, аказваючы ім усякую дапамогу, перад усім ў раскватараванні і працаўладкаванні. Працягнулі да іх руку таксама звычайныя грамадзяне, аказваючы ім фінансавую і іншую дапамогу. Мы – беларусы на Падляшшы і ў іншых гарадах – зразумела, адгукнуліся на гэта ад усяго сэрца. Многія бежанцы з Украіны знайшлі прытулак у нашых дамах, а іх дзеткі пайшлі ў школу вучыцца разам з беларускімі і польскімі аднагодкамі.

Менавіта так паступаць і трэба – гуманна і па-хрысціянску. Тым больш, што, на жаль, ніхто не дасць поўнай гарантыі, ці часам мы не будзем вымушаны – не дай Бог – калісь так ратавацца як цяпер уцекачы з Украіны. Свет зрабіўся надта неспакойным, а мы на Падляшшы жывём вельмі блізка ваеннага тэатру з падаючымі на людзей бомбамі і ракетамі. З гэтай прычыны бежанцы з Украіны крыху пабойваюцца ехаць у Беласток і наш прымежны рэгіён. Кіруюцца пераважна ў глыб Польшчы, а то і далей – на захад у Еўропу.

Салідарызуючыся цяпер з Украінай мы так як увесь цывілізаваны свет рашуча супраць агрэсара – Расіі, таксама яго саюзніка – рэжыму Лукашэнкі. Таму ўлады гарадоў і гмінаў, у якіх пражывае наша меншасць, адразу спынілі супрацоўніцтва і кантакты з партнёрамі ў Расіі. Для прыкладу так вырашылі самаўрады Беластока, Бельска-Падляшскага, Гайнаўкі, Саколкі, Міхалова, а таксама соймік Падляшскеага ваяводства. У выпадку партнёрскіх дамоў з гарадамі ў Беларусі справа больш складаная. Некаторыя самаўрады (м.інш. сакольскі) звязаны яшчэ мільённымі кантрактамі ў рамках трансгранічнай праграмы Еўрапейскага Саюза.

За справай бежанцаў з Украіны, таксама палітуцекачоў з Беларусі, Польшча дэмаграфічна ўжо не так маналітная як дагэтуль. Вынікі мінулагодняга перапісу насельніцтва, якія неўзабаве стануць вядомымі, у гэтым выпадку будуць ужо ў значнай меры неактуальнымі.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (249) – 24.04.1775 г. у Будлеве Бельскага пав. Гродзенскай губ. (зараз гміна Вышкі, Бельскага пав. Падляшскага ваяв.) нар. кс. Якуб Забядэвуш Фалькоўскі, адзін з пачынальнікаў навучаньня глуханямых мове жэстаў, быў рэктарам піярскай школы ў Шчучыне, у 1817 г. адкрыў у Варшаве першую польскую школу для глуханямых. У 1826-1837 гг. быў першым пробашчам касьцёла сьв. Аляксандра ў Варшаве на Пляцы Трох Крыжоў, у якога падзямельлях пахаваны пасля сьмерці. Памёр у Варшаве 2.09.1848 г.
  • (139) – 24.04.1885 г. у Гродзенскай губ. (у Гродне або ў Кузьніцы) нар. Анна Саланка, настаўніца, якая ў 1909 г. разам з сястрой Марыяй і кс. Францішкам Грынкевічам заснавалі Гродзенскі гурток беларускай моладзі, першую беларускую арганізацыю на Гарадзеншчыне. У 1906 г. закончыла Гродзенскую жаночую гімназію і выехала на навуку ў Інсбрук, дзе з кс. кс. Ф. Грынкевічам і Адамам Лісоўскім заснавала беларускі гурток. У 1911 г. выйшла замуж за гімназіяльнага настаўніка Алексея Селівачова. Памерла ў Вільні 2.02.1915 г. Пахавана на могілках Росы.
  • (135) – 24.04.1889 г. у Стоўпцах нар. Юры Сабалеўскі, беларускі палітычны і нацыянальны дзеяч, пасол у польскі сойм у 1926-1928 гг. Арыштаваны НКВД пасьля 1939 г., уцёк з савецкай турмы ў канцы чэрвеня 1941 г. Актыўна ўдзельнічаў
  • (80) – 24.04.1944 г. у Суботніках каля Іўя нар. Зянон Пазьняк, археоляг і палітычны беларускі дзеяч. Зараз у эміграцыі. Жадаем шмат сілаў і нягаснучай надзеі на сапраўдную Беларусь!

Новы нумар / Novy numer

Папярэднія нумары

Усе правы абаронены; 2024 Czasopis