Pa prostu / Па-просту

  • Szucman z Nowaj Wioski

    Z cyklu "Płacz zvanoŭ" (Cz. 25)

    – Trzeba, żeby wszyscy Polacy chwycili się za prawo, bo jeśli Białorusy wezmą władzę w swoje ręce, to wszystkim będzie źle… Usim wiadomo, szto kali wosieniaj 1939 roku sawiety zajmali Zachodniuju Biełaruś, z wielkaj radaściu prywitali ich asobienno prawasłaŭnyja. Heto mieło swaje pryczyny, bo pad…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Словы за круглым сталом

Літаратурны семінар

Літаратурны семінар
Удзельнікі семінара. Другая злева Міра Лукша

У рамках ХII Рэспубліканскага фестывалю нацыянальных культур у Гродне (1 – 2 чэрвеня 2018 г.) праводзіліся таксама літартурныя сустрэчы. Арганізатарамі мерапрыемстваў былі Гродзенскі дзяржаўны ўніверсітэт імя Янкі Купалы, абласная навуковая бібліятэка імя Яўхіма Карскага, дзяржаўны гісторыка-археалагічны музей, Саюз пісьменнікаў Беларусі, выдавецкі дом „Звязда”, выдавецтва „Мастацкая літаратура”, Гродзенскі абласны і гарадскі выканаўчыя камітэты і Міністэрства інфармацыі РБ. Літаратурныя сустрэчы ва ўніверсітэце, бібліятэцы імя Я. Карскага і музеі Максіма Багдановіча сабралі пісьменнікаў, перакладчыкаў і даследчыкаў з Беларусі, Казахстана, Літвы, Азербайджана, Польшчы, Малдовы, Францыі, Латвіі, Расіі, Украіны і іншых краін. Ад 2007 года Міністэрства інфармацыі Беларусі і выдавецкі дом „Звязда” праводзяць міжнародныя круглыя сталы пад ідэяй „Мастацкая літаратура як шлях адзін да аднаго”. Адбываліся яны таксама ў межах Дзён беларускага пісьменства. Ад 2015 года ў Мінску праводзіцца міжнародны сімпозіум літаратараў „Пісьменнік і час”, на які збіраюцца таксама прадстаўнікі розных краін і розных нацыянальных літаратур.

Літаратурны семінар
Удзельнікі семінара. Першы злева Яронімас Лауцюс

Мадэратарам семінара «Мастацкі тэкст у арыгінале і перакладзе» быў Аляксей Чарота, намеснік выдавецкага дому «Звязда», галоўны рэдактар чаопіса «Нёман». Даклады датычылі тэм «Янка Купала. Дыялог культур», «Янка Купала на мовах свету». Сярод іншых выступоўцаў перакладчык і прафесар французскай літаратуры Жан Гараньён абмяркоўваў «Захаванне спецыфікі арыгінала ў пракладзе прозы і паэзіі», тэму, якая вельмі цікавіць перакладчыкаў літартуры і выклікала гарачую дыскусію. Пра рэаліі і перспектывы міжнародных літаратурных кантактаў» разважаў паэт, празаік, дзеяч беларускай дыяспары ў Расіі Валерый Казакоў. Адзначыў ён, што ў час, калі няма дзяржаўнага мецэната над выдаваннем твораў аўтараў з іншых краін у перакладзе, важныя сяброўскія кантакты паміж аўтарамі і перакладчыкамі ды сустрэчы на міжнародных форумах, якія вядуць да збліжэння і знаёмства з культурай іншых народаў.

За круглым сталом пісьменнікаў у біліятэцы Я. Карскага «Дыялог літаратур – дыялог культур» (мадэратары Алесь Бадак – дырэктар выдавецтва «Мастацкая літартура» і Аляксей Чарота) адбыліся выступленні на тэмах: «Літаратурныя узаемасувязі з кантэксце міжнародных агульнакультурных узаемаадносін» – рэаліі і перспектывы міжнародных літаратурных кантактаў і роля ў іх перакладу нацыянальных культру і іншыя мовы», а таксама сумесныя выдавецкія праекты як спосаб расшырэння культурных узаемных дзеянняў. Краналіся тэмы «Літаратурнай перыёдыкі як сродка расшырэння культурных узаемасувязяў», мастацкі пераклад на старонках літаратурных часопісаў і газет, сумесныя праекты як спосаб пашырэння культурных супольных дзенняў, літаратурны партал – плошча для развою міжнародных літаратурных кантактаў». Выступілі між іншым рэдактары літарутурных часопісаў з Літвы, Латвіі, Польшчы, Азербайджана, Казахстана.

Літаратурны семінар
Удзельнікі семінара. Трэці злева Валерый Казакоў

У музеі Максіма Багдановіча галоўны рэдактар часопіса „Малодосць” прадставіла перад пісьменнікамі вынікі часопіснага праекта і інтэрнэт-акцыі „Максім Багдановіч на мовах народаў свету”. Вакол верша М. Багдановіча „Я хацеў бы спаткацца з Вамі на вуліцы” вёўся ўвесь сцэнар сустрэчы, з чытаннем перакладаў верша М. Багдановіча на іншыя мовы.  На імпрэзу прыехалі між іншым Глеб Кудрашоў, філолаг, публіцыст, краязнавец, дацэнт кафедры журналістыкі Палтаўскага нацыянальнага педагагічнага універсітэта імя В. Караленкі (Украіна), Марыя Кобец, паэтэса, перакладчыца, журналістка з Пінскага раёна Брэсцкай вобласці, Яронімас Лауцюс, паэт, дырэктар і галоўны рэдактар выдавецтва „Тры зорачкі”, заснавальнік Сусветнай асацыяцыі літоўскіх дзяцей „Літоўская дзіцячая кніга”, Сандра Ратніеце, член праўлення Саюза пісьменнікаў Латвіі, журналістка (Латвія), Марат Гаджыеў, галоўны рэдактар выдавецтва „Каўказскі экспрэс” і Каўказскай літаратурна-мастацкай газеты „Горцы”, дырэктар „Каўказскага дома перакладаў”, куратар дагестанскага кніжнага кірмашу „Тарко-Тау” Саід Ніналалов – пісьменнік, публіцыст (Дагестан).

Міжнародныя сустрэчы аўтараў, перакладчыкаў і выдаўцоў за сяброўскімі круглымі сталамі павінны прынесці плён – шырэйшую вядомасць літаратуры нашых суседзяў і беларускай сярод шырокага свету.

Міра Лукша

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у чэрвені

    – у 1519 г. Францыск Скарына выдае ў Празе Кнігу Руф, Кнігу Эсфір, Кнігу Плач Іяэміі. – 28.06.1660 г. войскі Вялікага Княства Літоўскага і польскія разбілі каля вёскі Палонка Слонімскага павету войскі расейскага агрэсара (камандуючы Іван Хаванскі). – 7.06.1825 г. …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (248) – 24.06.1777 г. у Крывічах Вялейскага пав. нар. Ян Ходзька (Барэйка, Jan ze Świsłoczy), пісьменьнік, публіцыст, грамадзкі дзеяч. Памёр 10.11.1851 г. у Менску. Пахаваны ў Заслаўі.
  • (213) – 24.06.1812 г. пераправа войск Напалеона І цераз раку Нёман, пачатак вайны з Расіяй.
  • (125) – 24.06.1900 г. у маёнтку Боркі, Слуцкага павету нар. Кузьма Чорны (сапраўднае прозьвішча Мікалай Раманоўскі, пам 22.11.1944 г. у Менску) выдатны пісьменьнік-празаік, драматург, публіцыст). Пахаваны на Вайсковых могілках у Менску.
  • (118) – 24.06.1907 г. у Восаве Ігуменскага пав. нар. Язэп Зазека, пісьменьнік, навуковец, пэдагог. Быў м. інш. выкладчыкам у Беластоцкім Пэдагагічным Інстытуце ў 1940-1941 гг.. Памёр 27.08.1977 г. у Менску.
  • (76) – 24.06.1949 г. у Менску нар. Уладзімір Тоўсьцік, мастак. Закончыў Беларускі Тэатральна-мастацкі Інстытут (1972). З 1976 г. выкладчык  Беларускай Акадэміі Мастацтваў. Аўтар карцін на гістарычныя тэмы: „Легенда старога замка”, „Год 1863. Паўстаньне”, партрэтаў: Вінцэнта Дуніна-Марцінкевіча,
  • (75) – 24.06.1950 г. у Лондане памёр Валяр'ян Харкевіч (нар. у 1890 г.), гісторык, публіцыст і паэт, звязаны з віленскай газэтай „Słowo”, закончыў Віленскі унівэрытэт, аўтар публікацыяў пра рэлігійныя адносіны на землях Вялікага Княства Літоўскага, м. iнш.: „Zmierzch unji kościelnej na Litwie i Białorusi” (Wilno 1929), „Żyrowice – łask krynice” (Słonim 1930).
  • (36) – 24-25.06.1989 г. у Вільні адбыўся І Устаноўчы З’езд Беларускага Народнага Фронту „Адраджэньне”.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com