Pa prostu / Па-просту

  • Płacz zwanoŭ

    19.Szalony kamandant z Sannikoŭ

    Pośle taho, jak letam 1944 r. Krasnaja Armia prahnała ad nas hitleraŭcaŭ, z zaniatych viosak na front brali maładych mużczyn. Tak mabilizavali miż inszym Kola K. z Sannikoŭ – apuściełaj cipier vioski pad Krynkami, pamiż Kruszynianami i Szaciłami. Jon naradziŭso ŭ 1916 r. Za polskim…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

RSS і Facebook

Папулярная радыёперадача вярнулася ў эфір з новым вядучым

Айцец Георгій Рой Фота з Фейсбука
Айцец Георгій Рой
Фота з Фейсбука

Пасля некалькіх гадоў перапынку на хвалі Беларускага Радыё Рацыя вярнулася рэлігійная перадача „Крыначка”. Ад 9 ліпеня гучыць яна кожную нядзелю ў 7.05 раніцы (паўтор у 18.05). Гэтую адну з найбольш папулярных перадач у эфіры Радыё Рацыя вядзе цяпер праваслаўны святар Георгій Рой. Да ліпеня 2021 г. быў ён настаяцелем Пакроўскага сабора ў Гродне. Знялі яго і адправілі служыць у храме ў вёсцы Квасоўка пасля прымусовай адпраўкі на пенсію архіепіскапа Арцемія, які выступаў супраць рэпрэсіяў удзельнікаў масавых пратэстаў у Беларусі ў 2020 г. Тады ў верасні таксама а. Рой маліўся за „як найхутчэйшае вырашанне няпростай сітуацыі ў краіне”. У красавіку 2022 г. падпісаў ён зварот святароў Рускай Праваслаўнай Царквы з заклікам супраць вайны ва Украіне.

На весну 2023 г. а. Рой разам з матушкай і чацвярма дзецьмі пакінулі Беларусь і пачалі жыць у Вільні. Там разам з мінскім іерэем Аляксандрам Кухтам святар звярнуўся да патрыярха Варфаламея прыняць іх ва Усяленскі Канстанцінопальскі Патрыярхат, на што атрымалі згоду. Цяпер святар служыць у храме ў Вільні і кожную нядзелю адпраўляе два набажэнствы – адно для беларускай грамады, другое для ўкраінскай.

Калі раней вядучым „Крыначкі” быў а. Кастусь Бандарук, а. Георгій Рой супрацоўнічаў з праграмай, даваў для яе шмат каментароў і інтэрв’ю. 

Вяртанне ў эфір перадачы з пропаведдзю на біблейскія тэмы, весткамі з рэлігійнага жыцця і багаслоўскімі разважаннямі слухачы Радыё Рацыя ўспрынялі з задавальненнем. Сваю радасць выказаў таксама папярэдні вядучы, а. Кастусь Бандарук. Свайму пераемніку параіў, каб перадача не была „вузкаправаслаўнай”. Айцец Георгій Рой запэўніў пра сваю адкрытасць для слухачоў усіх канфесій. „Буду імкнуцца рабіць праграму ў агульна-хрысціянскім ключы,” – напісаў святар у Фейсбуку.

Праграма „Крыначка” з’явілася ў эфіры яшчэ пры „першай” Рацыі, гучала амаль тры гады на пераломе дзевяностых і двухтысячных. Тады кіраўніцтва вяшчання хацела, каб рыхтавалася яна ў супрацоўніцтве з Праваслаўнай царквой у Польшчы. На гэта не было аднак бласлаўлення іерархаў.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • у верасні

    1040 – У 983 г. вялікі князь Уладзімір на чале дружын, аснову якіх складалі дрыгавіцкія і крывіцкія воі, рушыў супраць яцьвягаў. Армія перайшла па землях сёньняшняй Беласточчыны і паводле „Повести временных лет” як напісана „Въ лето 6491 иде Володимир на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (258) – 25 верасьня 1765 г. у Гузаве (зараз Мазавецкае ваяв.) нарадзіўся Міхал Клеофаc Агінскі – дзяржаўны дзеяч, дыпламат, кампазітар (памёр 15.10.1833 г. у Флярэнцыі (Італія), дзе пахаваны ў пантэоне Санта Кручэ).
  • (175) – 25.09.1848 г. у Магілёве нар. Вацлаў Федаровіч, краязнавец, калекцыянер, юрыст, член-карэспандэнт Кракаўскай АУ. З 1884 г. жыў у Віцебску, працаваў намесьнікам старшыні Віцебскай вучонай архіўнай камісыі. Пісаў артыкулы па гісторыі краю ў „Витебские губернские ведомости”. Памёр 11.01.1911 г. у Рызе, пахаваны ў Віцебску на могілках касьцёла сьв. Варвары.
  • (148) – 25 верасьня 1875 г. у в. Асаўцы Кобрыньскага павету нарадзіўся Сяргей Паўловіч, настаўнік, нацыянальны дзеяч. У 1925-1928 гг. быў дырэктарам Віленскай Беларускай Гімназіі. Адзін з кіраўнікоў Таварыства Беларускай Школы. За беларускую, патрыятычную дзейнасьць пазбаўлены правоў навучаньня. Актыўна выступаў супраць палянізацыі беларускага насельніцтва. Між іншым быў рэдактарам дзіцячага царкоўна-культурнага часопіса „Снапок” (у 1937-1939 гадах), аўтарам школьных падручнікаў ды дапаможнікаў на беларускай мове. Памёр 16.09.1940 г. у Вільні, пахаваны на праваслаўных Свята Ефрасіньнеўскіх могілках.
  • (110) – 25.09.1913 г. у в. Нобель Пінскага павета нар. Сяргей Грахоўскі, беларускі пісьменьнік. У 1936 г. закончыў літаратурны факультэт Мінскага пэдагагічнага Інстытута, працаваў рэдактарам на Беларускім радыё. У 1936 г. рэпрэсаваны, 10 гадоў быў у лагеры. У  1946 – 1949 гг. выкладаў рускую мову і літаратуру ва Урэцкай сярэдняй школе на Случчыне. Пасьля паўторна арыштаваны і сасланы на вечнае пасяленьне ў Новасібірскую вобласьць. Пасьля рэабілітацыі ў 1955 г. вярнуўся ў Беларусь, працаваў на радыё, у часопісах „Бярозка”, „Вясёлка”. Першы верш надрукаваў у 1926 г. У 1973 і 1983 гг. выдаваліся яго „Выбраныя творы” ў 2 тамах. Памёр 11.12.2002 г. у Менску, пахаваны на Усходніх могілках.
  • (109) – 25.09.1914 г. у Зэльве Гродзенскага пав. нар. Аўген Смаршчок, праваслаўны сьвятар, старшыня Саюза Беларусаў у Бэльгіі. Рукапаложаны ў сан сьвятара Беларускай аўтакефальнай праваслаўнай царквы (БАПЦ) у 1950 г., быў адным з ініцыятараў і арганізатараў БАПЦ у Бэльгіі. Памёр 25.09.1984 г. у Грэверы каля Лювэну ў Бэльгіі.
  • (102) – 25-28.09.1921 г. у Празе адбылася Першая Усебеларуская Канфэрэнцыя – сход прадстаўнікоў беларускіх арганізацыяў з Заходняй Беларусі, Латвіі, Летувы, Нямеччыны, Чэха-Славакіі. Прысутныя падтрымалі прынцып поўнай незалежнасьці ды непадзельнасьці Беларусі. Між іншым удзельнікі сходу сьцьвердзілі, што лічаць ворагамі беларускага народу кожнага хто прызнае Рыжскі мірны трактат, які падзяліў беларускія землі між Расею і Польшчу. Прысутная на канфэрэнцыя была беларуская дзеячка родам з падбеластоцкіх Агароднічак Вера Маслоўская (Матэйчук).
  • (85) – 25.09.1938 г. у Краснасельскім каля Ваўкавыска нар. Вячаслаў Целеш, мастак і беларускі дзеяч у Латвіі. Жыве ў Рызе. Віншуем!
  • (58) – 25.09.1965 г. у Гільдэсгайм у Нямеччыне памёр Міхась Маскалік (нар. 18.03.1903 г. у Гарадзеі), каталіцкі сьвятар усходняга абраду, беларускі хадэцкі дзеяч.

Новы нумар / Novy numer

Папярэднія нумары

Copyright © 2023 Czasopis