Pa prostu / Па-просту

  • Płacz zwanoŭ

    19.Szalony kamandant z Sannikoŭ

    Pośle taho, jak letam 1944 r. Krasnaja Armia prahnała ad nas hitleraŭcaŭ, z zaniatych viosak na front brali maładych mużczyn. Tak mabilizavali miż inszym Kola K. z Sannikoŭ – apuściełaj cipier vioski pad Krynkami, pamiż Kruszynianami i Szaciłami. Jon naradziŭso ŭ 1916 r. Za polskim…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

RSS і Facebook

Лягчэйшы колас і фарбаваныя туі

Рыхтуючыся да абласных дажынак камунальнікі у Ганцавічах пафарбавалі засохлыя туі Фота з Фейсбука
Рыхтуючыся да абласных дажынак камунальнікі у Ганцавічах пафарбавалі засохлыя туі
Фота з Фейсбука

У палове жніўня дзяржаўнае агенцтва БелТА паведаміла, што сёлета да гэтага дня ў Беларусі намалацілі 5,2 млн тон збожжа і ўраджай сабралі з 65,8 прац. палёў. Прагназуемы ўвесь збор збожжа, уключаючы рапс і кукурузу, складзе крыху больш за 9 млн тон. Гэта менш чым у мінулым годзе.

Аляксандр Лукашэнка падчас сустрэчы з аграрнікамі напомніў, што па ўраджаю 2023 года „была пастаўлена задача замацавання на ўзроўні прыкладна 9,5-10 млн тон збожжа ўсіх відаў”, аднак з-за ўплыву надвор’я „колас у гэтым годзе будзе лягчэйшы на 10-15 прац.”.

Лукашэнка заявіў пра неабходнасць скарыстацца момантам і закупіць па нізкіх коштах збожжа ў Расіі. „Цана пакуль блізкая сабекошту нашага збожжа, гэта значыць яно таннае,” – сказаў. Адначасова раскрытыкаваў ён беларускіх аграраў за недагляды падчас уборачнай кампаніі – нізкія тэмпы работ, недастатковы ўзровень падрыхтоўкі тэхнікі, неўкамплектаванне механізатарскага складу. „І самае гадкае – крадзеж і п’янства. Жніво толькі пачалося, а за крадзяжы паліва і збожжа было ўзбуджана 61 крымінальную справу і выяўлена амаль 2,2 тыс. адміністрацыйных правапарушэнняў. Канфіскавана 30 тон скрадзенага паліва, каля 40 тон збожжа і амаль 5 тон угнаенняў. Падчас кантролю выяўлены 831 нецвярозы працаўнік! Працверазіце іх так, каб больш не схацелася,” – загадаў Лукашэнка.

На Гродзеншчыне. Грузавікі звозяць зерне на сушку, скідаючы яго пад голым небам не зважаючы на дажджы Фота з Фейсбука
На Гродзеншчыне. Грузавікі звозяць зерне на сушку, скідаючы яго пад голым небам не зважаючы на дажджы
Фота з Фейсбука

Тым часам у краіне рыхтуюцца ўжо да дажынак. На Берасцейшчыне пройдуць яны як абласныя ў раённым гарадку Ганцавічы. Як паведаміла Радыё Рацыя, рыхтуючыся да свята камунальнікі пафарбавалі там дзве засохлыя туі. Яны выразна адрозніваюцца ад жывых сясцёр.

Такія метады напамінаюць фарбаванне травы ў Савецкім Саюзе на прыезд высокага начальства. У тыя часы ў мястэчку Малеч на Берасцейшчыне дзень перад прыездам Брэжнева пасадзілі бярозы, якія паваліліся пры пасадцы верталёта. 

У Беларусі, аказваецца, робіцца такое і цяпер перад прыездам Лукашэнкі. Пры галоўнай вуліцы, якою ён праязджае, напрыклад фарбуюць старыя абшарпаныя дамы толькі ад фронту.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • у верасні

    1040 – У 983 г. вялікі князь Уладзімір на чале дружын, аснову якіх складалі дрыгавіцкія і крывіцкія воі, рушыў супраць яцьвягаў. Армія перайшла па землях сёньняшняй Беласточчыны і паводле „Повести временных лет” як напісана „Въ лето 6491 иде Володимир на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (258) – 25 верасьня 1765 г. у Гузаве (зараз Мазавецкае ваяв.) нарадзіўся Міхал Клеофаc Агінскі – дзяржаўны дзеяч, дыпламат, кампазітар (памёр 15.10.1833 г. у Флярэнцыі (Італія), дзе пахаваны ў пантэоне Санта Кручэ).
  • (175) – 25.09.1848 г. у Магілёве нар. Вацлаў Федаровіч, краязнавец, калекцыянер, юрыст, член-карэспандэнт Кракаўскай АУ. З 1884 г. жыў у Віцебску, працаваў намесьнікам старшыні Віцебскай вучонай архіўнай камісыі. Пісаў артыкулы па гісторыі краю ў „Витебские губернские ведомости”. Памёр 11.01.1911 г. у Рызе, пахаваны ў Віцебску на могілках касьцёла сьв. Варвары.
  • (148) – 25 верасьня 1875 г. у в. Асаўцы Кобрыньскага павету нарадзіўся Сяргей Паўловіч, настаўнік, нацыянальны дзеяч. У 1925-1928 гг. быў дырэктарам Віленскай Беларускай Гімназіі. Адзін з кіраўнікоў Таварыства Беларускай Школы. За беларускую, патрыятычную дзейнасьць пазбаўлены правоў навучаньня. Актыўна выступаў супраць палянізацыі беларускага насельніцтва. Між іншым быў рэдактарам дзіцячага царкоўна-культурнага часопіса „Снапок” (у 1937-1939 гадах), аўтарам школьных падручнікаў ды дапаможнікаў на беларускай мове. Памёр 16.09.1940 г. у Вільні, пахаваны на праваслаўных Свята Ефрасіньнеўскіх могілках.
  • (110) – 25.09.1913 г. у в. Нобель Пінскага павета нар. Сяргей Грахоўскі, беларускі пісьменьнік. У 1936 г. закончыў літаратурны факультэт Мінскага пэдагагічнага Інстытута, працаваў рэдактарам на Беларускім радыё. У 1936 г. рэпрэсаваны, 10 гадоў быў у лагеры. У  1946 – 1949 гг. выкладаў рускую мову і літаратуру ва Урэцкай сярэдняй школе на Случчыне. Пасьля паўторна арыштаваны і сасланы на вечнае пасяленьне ў Новасібірскую вобласьць. Пасьля рэабілітацыі ў 1955 г. вярнуўся ў Беларусь, працаваў на радыё, у часопісах „Бярозка”, „Вясёлка”. Першы верш надрукаваў у 1926 г. У 1973 і 1983 гг. выдаваліся яго „Выбраныя творы” ў 2 тамах. Памёр 11.12.2002 г. у Менску, пахаваны на Усходніх могілках.
  • (109) – 25.09.1914 г. у Зэльве Гродзенскага пав. нар. Аўген Смаршчок, праваслаўны сьвятар, старшыня Саюза Беларусаў у Бэльгіі. Рукапаложаны ў сан сьвятара Беларускай аўтакефальнай праваслаўнай царквы (БАПЦ) у 1950 г., быў адным з ініцыятараў і арганізатараў БАПЦ у Бэльгіі. Памёр 25.09.1984 г. у Грэверы каля Лювэну ў Бэльгіі.
  • (102) – 25-28.09.1921 г. у Празе адбылася Першая Усебеларуская Канфэрэнцыя – сход прадстаўнікоў беларускіх арганізацыяў з Заходняй Беларусі, Латвіі, Летувы, Нямеччыны, Чэха-Славакіі. Прысутныя падтрымалі прынцып поўнай незалежнасьці ды непадзельнасьці Беларусі. Між іншым удзельнікі сходу сьцьвердзілі, што лічаць ворагамі беларускага народу кожнага хто прызнае Рыжскі мірны трактат, які падзяліў беларускія землі між Расею і Польшчу. Прысутная на канфэрэнцыя была беларуская дзеячка родам з падбеластоцкіх Агароднічак Вера Маслоўская (Матэйчук).
  • (85) – 25.09.1938 г. у Краснасельскім каля Ваўкавыска нар. Вячаслаў Целеш, мастак і беларускі дзеяч у Латвіі. Жыве ў Рызе. Віншуем!
  • (58) – 25.09.1965 г. у Гільдэсгайм у Нямеччыне памёр Міхась Маскалік (нар. 18.03.1903 г. у Гарадзеі), каталіцкі сьвятар усходняга абраду, беларускі хадэцкі дзеяч.

Новы нумар / Novy numer

Папярэднія нумары

Copyright © 2023 Czasopis