Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Дзень Волі падчас пандэміі

Святкаванне 102 гадавіны з моманту заснавання Беларускай народнай рэспублікі было, бадай, найбольш дзіўным за доўгі час. Галоўнае дзівацтва – не перашкоды з боку ўладаў (хоць і без гэтага і не абышлося), але пандэмія. З-за эпідэміі COVID-19 было адмоўлена ад афіцыйнага публічнага святкавання. Але ў Менску Дзень Волі адбыўся – хоць і ў змененым фармаце.

Святкаванне анлайн

Калі толькі з’явілася навіна аб адмене святкавання Дня Волі ў Горадні з-за каронавірусу, спачатку гэта выглядала смешна. Маўляў, такія захады мусяць адбывацца ў Італіі ці ў Гішпаніі, дзе колькасць хворых перавысіла дзясяткі тысячаў. Беларусі з ейнымі некалькімі тады дзясяткамі пацверджаных выпадкаў, баяцца няма чаго.

Але далей падзеі развіваліся так хутка, што стала відавочна: адзначыць свята ў звычайным фармаце ледзь немагчыма. Таму канцэртную праграму было вырашана перанесці ў анлайн-фармат. Культурніцкая сядзіба symbal.by зладзіла святочны канцэрт, які з-за перашкодаў уладаў быў паказаны ў запісаным выглядзе.

На тэлеканале «Белсат» была арганізавана адмысловая ўрачыстая трансляцыя. Апроч канцэрту распавядалі цікавосткі пра БНР і Дзень Волі. Разынка – інтэрв’ю са старшынёй рады БНР Івонкай Сурвілай, дзеля якой журналісты тэлеканалу адправілася ў доўгае падарожжа ў Канаду.

Захоўваем традыцыі

Але група энтузіястаў ці, калі заўгодна, аматараў беларушчыны, не спынілася, і вырашыла сабрацца ў традыцыйны час у традыцыйным месцы – славутай менскай чабурэчнай. Месца было абранае невыпадкова. Менавіта ў гэтым будынку ў цэнтры беларускай сталіцы па адрасе Валадарскага 9, якраз насупраць сумнавядомага СІЗА, была падпісаная трэцяя ўстаўнага грамата.

Сёння там знаходзіцца звычайны бар, які належыць менскаму райпо. Напэўна, у звычайныя дні туды часта зазіраюць супрацоўнікі міністэрства ўнутраных спраў ці СІЗА, але раз на год, 25 сакавіка, да 23 вечара, там гучна іграюць песні Лявона Вольскага ды Dziecіuki, размаўляюць па-беларуску і прыгадваюць славутых айцоў-заснавальнікаў БНР.

«Я ведаю, што зараз пандэмія і рэкамендуецца не выходзіць у людныя месцы, але мне цяжка адмовіцца ад звычак», – кажа Павал Кузьміч, які традыцыйна адзначае Дзень Волі ў Чабурэчнай.

«Жыве Беларусь!». Тост за БНР Фота Ксеніі Тарасевіч
«Жыве Беларусь!». Тост за БНР
Фота Ксеніі Тарасевіч

Сапраўды, нягледзячы на засцярогі ад медыкаў (не наведваць шматлюдныя публічныя прасторы!), у Чабурэчнай было больш за сорак чалавек. Апрацоўваючы рукі антысептыкам, яны ахвотна бралі куфлі з півам і падпявалі класіцы беларускага нацыянальнага рока.

Але былі і тыя, якія ў самаізаляцыі засталіся ў хаце.

«Я засталася ў хаце, бо ўжо два тыдні не выходжу з хаты на розныя мерапрыемствы ці ў кавярні. Нават жадання не было выходзіць – настолькі я карані пусціла. Сказала ціхенька «Жыве» і ўсё», – кажа Саша Кузьміч, праектная менеджарка ў некамерцыйнай арганізацыі.

Класічная праграма

Падчас гэтага Дня Волі была выкананая абсалютна ўся класічная праграма. Быў зачытаны тэкст Трэцяй устаноўчай граматы БНР. Ахвотныя чыталі свае вершы, прамаўлялі тосты і, канешне, крычалі «Жыве Беларусь!».

Але нават у такім камерным фармаце не абышлося без правакацыяў. Калі «маладафронтаўцы» і абаронцы Курапатаў фатаграфаваліся на фоне культавага месца з бел-чырвона-белым сцягам, па іншым баку дарогі іх фатаграфавалі і здымалі на камеру супрацоўнікі міліцыі ў цывільным. Традыцыі мусяць захоўвацца…

Маладафрантоўцы Фота Ксеніі Тарасевіч
Маладафрантоўцы
Фота Ксеніі Тарасевіч

У гэты неспакойны час, калі паўсюль закрытыя межы, каранціны, забаронена выходзіць лішні раз з хаты, важна мець нешта стабільнае і пільнае. Магчыма, для Беларусі Дзень Волі – гэта ледзь не адзінае, што можа гэтую стабільнасць падтрымліваць.

Жыве Беларусь!

Ксенія Тарасевіч

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (210) – 18.04.1814 г. у Лагойску нар. Яўстафій Тышкевіч, археоляг, гісторык і краязнавец. Закончыў Менскую гімназію (1831), заснаваў Віленскі музэй старажытнасьцяў і Віленскую археалягічную камісію, вывучаў курганы, гарадзішчы і
  • (121) – 18.04.1903 г. у Пабокавічах каля Бабруйска нар. Платон Галавач, пісьменьнік. Друкаваўся з 1921 г., аўтар зборнікаў „Дробязі жыцьця” (1927), „Хочацца жыць” (1930), „Апавяданьні” (1934). Расстраляны 29.10.1937 г., праўдападобна ў Курапатах.
  • (103) – 18.04.1921 г. афіцыйнае адкрыцьцё ў Менску Беларускага Дзяржаўнага Унівэрсытэту.
  • (58) – 18.04.1966 г. памёр у Кліўлендзе (ЗША) беларускі нацыянальны дзеяч Станіслаў Грынкевіч (народжаны 23.02.1913 г. у Новым Двары на Дуброўшчыне).

Новы нумар / Novy numer

Папярэднія нумары

Усе правы абаронены; 2024 Czasopis