12 сакавіка у Гродне памёр вядомы літаратуразнаўца Аляксей Пяткевіч. Як педагог і прафесар трымаў ён цесны кантакт таксама з беларускімі літаратарамі з Падляшша.

Аляксей Пяткевіч нарадзіўся 30 сакавіка 1931 г. у вёсцы Новы Свержань каля Стоўбцаў. Закончыў філалагічны факультэт Беларускага Дзяржаўнага універсітэту ў Мінску па спецыяльнасці беларускай і рускай мовы і літаратуры. З 1957 г. жыў у Гродне. Працаваў у тамашнім універсітэце, якому з яго між іншым ініцыятывы прысвоена было імя Янкі Купалы. Як літаратуразнаўца напісаў шмат кніг і артыкулаў пра беларускую культуру і літаратуру. Даследаваў таксама творчасць Сакрата Яновіча і іншых „белавежцаў”.

Аляксей Пяткевіч памёр у шпіталі, хварэў на каранавірус. Светлая памяць…