Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (1)

    Vielkija Aziarania, szto ŭ hminie Krynki, za Niemcami vielmi ciarpieli ad partyzantaŭ, usiakaj maści bandytaŭ i zładziejaŭ. Dajszło da taho, sztu ludzi zarhanizawali tut samaabaronu...ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    7. Moja klasa

    Časom lepi vtečy z lekciji v školi i poveselitisie z kolegami, bo teper, koli ja ohladajusie nazad, moju vsmiêsku vyklikajut ne škôlny ociênki, a vspominki. P. J. Abdul Kalam) U 1970-ch liêtach u Liceji nr 9 u Hajnuvci byli štyry rumnobiêžny klasy po pryblizno 30…ЧЫТАЦЬ ДАЛЕЙ / CZYTAJ DALEJ

RSS і Facebook

Рэферэндум у цяні вайны ў Украіне

Тэлеграм-канал
Тэлеграм-канал

Нядзеля 27 лютага – гэта быў асноўны дзень рэспубліканскага рэферэндуму па зменах у канстытуцыі дзяржавы. Раней на працягу тыдня адбывалася датэрміновае галасаванне. Хаця лукашэнкаўская прапаганда імкнулася зрабіць рэферэндум важнай падзеяй, стаўленне да яго грамадства было даволі абыякавае. Прапанаваныя змены пераважна для жыцця людзей не мелі вялікага значэння, а большасць праекту змененай канстытуцыі нават не бачыла.

Рэферэндум праходзіў толькі на тэрыторыі Беларусі. Замежных участкаў для галасавання ў консульствах на гэты раз не было. Афіцыйна з-за каранавіруса. Папраўдзе аднак рэжым вырашыў у такі спосаб пазбегчы таго, каб беларусы за мяжой – яны ж відавочная апазіцыя – не папсавалі яму выбарчых статыстык. Сфальшаваць вынікі ў сябе можна (што і адбылося), там – гэта больш складанае.

Камісіі былі сфармаваныя з асоб верных рэжыму, незалежных назіральнікаў звычайна не дапусцілі. Паводле афіцыйных вынікаў яўка была вельмі высокая, бо 78,6 прац. За змененай канстытуцыяй аддадзеных было нібыта 82,86 прац. галасоў. Пра колькасць няважных бюлетэняў Цэнтральная выбарчая камісія не інфармавала. А такія, безумоўна, былі, паколькі апазіцыя заклікала паставіць два крыжыкі.

Паводле вынікаў апытання, праведзенага нефармальна адным з незалежных аналітычных цэнтраў, на выбарчыя ўчасткі пайшло 50 прац. выбаршчыкаў. Палова была са зменамі ў канстытуцыі, а другая палова супраць або ўкінула перакрэсленыя няважныя бюлетэні.

У дзень рэферэндуму многія людзі, ідучы на ўчасткі, пратэставалі супраць вайны Расіі з Украінай. Яны скрыта крычалі „Слава Украіне” і „Не вайне”. Паводле праваабаронцаў сілавікі затрымалі больш за трыста асоб па ўсёй Беларусі.

4 сакавіка Аляксандр Лукашэнка паставіў свой подпіс пад „рашэннем рэспубліканскага рэферэндуму”, аб’яўляючы, што абноўленая канстытуцыя стане законнай з 15 сакавіка – у Дзень Канстытуцыі Рэспублікі Беларусь.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • у лютым

    185 – 12 (24).02.1839 г. быў скліканы сабор вуніяцкай царквы, які прыняў рашэньне пра яе далучэньне да праваслаўнай царквы. Каля 1,5 мільёна вернікаў (на беларускіх землях) было далучана да праваслаўя, частка з вуніятаў стала рыма-католікамі. Вунія на землях Каралеўства Польскага …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (131) – 26.02.1893 г. у Драздах Дзісенскага пав. нар. кс. Язэп Гайлевіч, дзеяч беларускага руху ў Латвіі (навучаў закону божага ў беларускіх школах). Звязаны з парафіяй (1921-1934, 1943-1949, 1959-1971) у Бальбінаве, дзе памёр 18.10.1971 г. З 1949 па 1956 г. знаходзіўся ў лагеры ў Мардовіі.
  • (116) – 26.02.1908 г. у Пецярбурзе нарадзіўся Аўген Бартуль, беларускі паэт і дзеяч Беларускага студэнцкага саюзу, закончыў права на Віленскім унівэрсытэце. Пасьля ІІ сусьветнай вайны жыў і працаваў судзьдзёй і натарусам у Лембарку на Памор'і. Памёр там 22.06.1992 г.
  • (113) – 26.02.1911 г. в. Трашчычы Наваградзкага павету нар. а. Леў Гарошка (пам. 28.07.1977 г. у Парыжы), беларускі сьвятар, рэлігійны і грамадзкі дзеяч, дасьледчык гісторыі рэлігіі ў Беларусі, літаратар, аўтар многіх артыкулаў, кніжак, між іншым склаў  грэка-лацінска-царкоўнаславянска-беларускі слоўнік (20 тыс. слоў). Пахаваны на могілках сьв. Панкрата ў Лондане.
  • (92) – 26.02.1932 г. у Менску выйшаў І нумар тыднёвіка „Літаратура і Мастацтва”.
  • (81) – 26.02.1943 г. у Самаркандзе памёр Канстанцін Алексютовіч, балетмайстар (нар. 20.05.1884 г. у Бахаравічах каля Пухавіч), у 20-ыя і 30-ыя гады быў аўтарам пастановак балету, м. ін. „Капэлія” Л. Дэліба, „Зачараваны лес” Р. Грыга. Пахаваны на Усходніх могілках у Менску.
  • (68) – 26.02.1956 г. у Беластоку адбыўся І арганізацыйны Зьезд Беларускага Грамадзка-Культурнага Таварыства. Адначасна быў надрукованы сыгнальны нумар беларускага тыднёвіка ў Польшчы „Ніва”.

Новы нумар / Novy numer

Папярэднія нумары

Copyright © 2024 Czasopis