Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Дзясятая пятніца пасля Пасхі ў Райску

5 ліпеня (дзясятая пятніца пасля Пасхі – дзень Пяценкі) адбываліся урачыстасці прыходскага свята Багародзіцы у парафіі Святых апосталаў Пятра і Паўла ў Райску. Неабходным элементам гэтага свята ёсць малітвенная памяць пра памерлых. Традыцыяй парафіі Райск ёсць памінанне памерлых у нядзелю пасля свята. У набажэнствах прынялі ўдзел парафіяне, госці і шматлікія прыбылыя прадстаўнікі духавенства.

У дзень Пяценкі Літургіі ў гэтым годзе старшыняваў мітрафорны протаіерэй Грыгорый Місіюк, настаяцель парафіі святога Георгія Пабеданосца што ў Беластоку, а разам з ім – дванаццаць святароў благачыння Бельск-Падляшскі, а таксама з Ласінкі, Гайнаўкі, Кастамалотаў, Любліна і Вроцлава. Пасля чытання Евангелля з казаннем да вернікаў звярнуўся айцец протаіерэй Марк Якімюк, настаяцель парафіі што ў Малешах.

Пасля Літургіі адбыўся святочны хрэсны ход, падчас якога маліліся і над каляцаркоўнай магілай за святароў Андрэя і Іосіфа Сасноўскіх, Стэфана Іванкевіча і ўсіх трагічна загінулых у Райску, а таксама адмовілі малітву на дабраславенне руты і іншых ядомых зёлак. Напрыканцы за актыўны ўдзел і малітвенны настрой падзякаваў духавенству і ўсім вернікам а. Грыгорый Місіюк і настаяцель парафіі а. Яраслаў Годун. Падчас урачыстасці спяваў прыходскі хор, які праводзіла матушка Ірэна Годун.

Сёлета у нядзелю (7 ліпеня) Літургія і Паніхіда ладзіліся у капліцы святой пакутніцы Параскевы на прыходскіх могілках ў Райску, адбылося таксама асвячэнне магіл святарамі які прыбылі з Плёсoк і Варшавы.

Варта адагнаць пра факт, што на тэрыторыі прыходскіх могілак, заснаваных ў 1855 годзе, знаходзіцца памятны надмагільны помнік сям’і Нікіціных. Увесь надмагільны ансамбль – помнік з белага мармуру і чыгунная агароджа у мінулым годзе адагнаць. Дзякуючы сацыяльнай камісіі аднаўлення помніка і дзейнасці настаяцеля парафіі ўдалося атрымаць грант з Маршалкоўскага упраўлення Падляшскага ваяводства і правесці ў 2018 годзе абнаўленне помніка пад наглядам Ваяводскага кансерватара абароны помнікаў ў Беластоку.

Айцец Андрэй Канаховіч

Фота: аўтар

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com