22 снежня ў Цэнтры праваслаўнай культуры ў Беластоку прайшла перадкалядная сустрэча прымеркаваная да творчасці вядомага паэта Віктара Шведа, які памёр 22 кастрычніка 2020 г. Вечарына была зладжана па ініцыятыве ўладыкі Якава. Падрыхтавала яе жонка паэта Валянціна Швед пры фінансавай падтрымцы Маршалкоўскай управы.

Сустрэчу вялі дзяўчынкі з Пачатковай шклы н-р 4 у Беластоку, якія дэкламавалі таксама вершы Віктара Шведа. Сышлося шмат народу. Дарафей Фіёнік з Музея Малой айчыны ў Студзіводах расказаў як калісь рыхтавалі і праводзілі каляду на Бельшчыне і ў родным старонні Віктара Шведа на Гайнаўшчыне. З сямейным гуртом з калектыву „Жэмэрва” выступіў таксама з кароткім канцэртам калядак. Жонка паэта з дапамогай сваіх сяброў падрыхтавала традыцыйнае каляднае застолле. Падчас вечарыны прагучалі калядкі на словы Віктара Шведа – аўтарскія і папулярныя ў нас у яго перакладзе са славянскай, рускай і ўкраінскай моваў. Між іншым былі гэта творы, запісаныя на пачатку дзевяностых гадоў гуртом „Анонім”. Падчас вечарыны можна было іх пачуць у выкананні дзетак з беларускага прадшколля ў Беластоку, дуэту Ала Каменская і Анна Бабік, Янкі Хохі з дачкою Монікай і Мартай Драль.