Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

У Беларусь – без візаў. Ехаць туды аднак не рэкамендуюць

Нечакана 1 ліпеня ўрад у Мінску ўвёў бязвізавы рэжым для грамадзян Польшчы. Да 31 снежня каб уехаць у Беларусь, хопіць толькі пашпарт і медыцынская страхоўка, а калі на аўтамашыне, яшчэ зялёная карта. Такі ход упісываецца ў прапаганду Лукашэнкі. Падпісаў ён гэты ўказ, каб – як цынічна патлумачыў – „захаваць добрасуседскія адносіны”. Калі Польшча адгароджваеца ад Беларусі высокім жалезным плотам, тая запрашае да сябе палякаў – прыязджайце да нас, калі ласка. Прытым Лукашэнка адкрыта абвінавачвае ўлады ў Варшаве ў тым, што хочуць перасоўваць межы і прылучыць да сябе заходнюю частку Беларусі як перад другой сусветнай вайною.

Адзіны дарожны пропуск, праз які можна з Польшчы дабрацца ў Беларусь, гэта на сёння Баброўнікі – Бераставіца. За пяць дзён бязвізу перасячы мяжу адважыліся толькі крыху больш за 150 чалавек. З 15 красавіка беларускіх візаў не патрабуюць таксама ад Літвы і Латвіі. З іх боку зацікаўленне большае. На працягу трох месяцаў з безвізавага рэжыму скарысталі 68,7 тыс. грамадзян Літвы і 8,6 тыс. грамадзян Латвіі.

Спрошчаным ўездам у Беларусь карыстаюцца не турысты, толькі звычайныя пакупнікі таннейшых тавараў, перадусім паліва. Паколькі літр бензіну ў Польшчы каштуе недзе 7 зл., то там у пералічэнні толькі 3 зл.

Міністэрства замежных спраў Польшчы сваім грамадзянам не рэкамендуе паездак у Беларусь. Асцерагае, што ў выпадку абвастрэння сітуацыі і напрыклад закрыцця межаў эвакуацыя адтуль палякаў можа быць складанай.

Ёсць іншая пагроза, асабліва для тых, якія на інтэрнэт-парталах і ў сацсетках жорстка атакуюць цяпер улады ў Мінску і на Крамлі. Тамтэйшыя спецслужбы, вядома, за гэтым дакладна сочаць. Як хтосьці пракаментаваў, у багажы аўтараў такіх допісаў, калі адважацца яны паехаць у Беларусь, раптам могуць знайсці падкінуты мяшочак наркотыкаў ці іншую кантрабанду. Можна сабе ўявіць, чым гэта можа кончыцца.

З магчымасці безвізавага ўезду ў Беларусь на пачатку жніўня скарыстаў Кшыштаф Талвінскі, былы намеснік міністра фінансаў у польскім урадзе і былы віцэ-маршалак Падляшскага ваяводства. Быў ён з візітам – па бізнэсу, каб знайсці партнёраў – у Ваўкавыску, дзе сустрэўся з рэжымнымі мясцовымі ўладамі. Гэтым адразу пакарысталася беларуская прапаганда. Афіцыйны партал Ваўкавыска „Наш час” паінфармаваў (па-руску), што „Ваўкавыскі раён наведала дэлегацыя Падляшскага ваяводства Рэспублікі Польшча”. Аспрэчваць гэта вымушаны быў падляшскі маршалак Артур Касіцкі, які пра скандальную сустрэчу Талвінскага ў ваўкавыскім райвыканкаме павядоміў міністра замежных спраў Польшчы.

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com