Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Тур з новай кніжкай Уладзіміра Някляева

Тодар Вайцюшкевіч, Уладзімір Някляеў і Яраслаў Іванюк 1 снежня падчас прэзентацыі кніжкі ў беластоцкіх „Spodkach” Фота Радыё Рацыя
Тодар Вайцюшкевіч, Уладзімір Някляеў і Яраслаў Іванюк 1 снежня падчас прэзентацыі кніжкі ў беластоцкіх „Spodkach”
Фота Радыё Рацыя

У канцы лістапада выйшла кніжка „Гэй Бэн Гіном” Уладзіміра Някляева, паэта, драматурга, кандыдата на пост прэзідэнта Рэспублікі Беларусь у 2010 г.  Гэта раман, які аўтар напісаў у 2016-2020 гадах у Мінску, а таксама м.інш. у Маскве, Вільні і Нью-Ёрку. Кніга выдадзена беластоцкім фондам Kamunikat.org. Яго старшыня Яраслаў Іванюк разам з рознымі партнёрамі сарганізаваў цыкл прэзентацый рамана ў найбуйнейшых цэнтрах беларускай эміграцыі ў Польшчы і Літве. Такія сустрэчы – з удзелам аўтара і беларускага музыкі Тодара Вайцюшкевіча – у канцы лістапада і на пачатку снежня адбыліся ў Кракаве, Уроцлаве, Познані, Гданьску, Варшаве, Лодзі, Беластоку, Бельску-Падляшскім і Вільні.

– Нам вельмі хочацца, каб гэтая кніжка трапіла да беларускага чытача, – сказаў Іванюк. – Аднак па палітычных прычынах перадаць яе ў Беларусь будзе вельмі цяжка, або і нават нерэальна.

Някляеў пачынаў пісаць сваю кніжку як гістарычны раман пра Янку Купалу ў рэаліях сталінскіх рэпрэсій. Але выйшла так, што атрымаўся актуальны сучасны аповед. – Сёння адбываецца тое самае, што пры бальшавіках у 30-40-ыя гады, – расказваў аўтар падчас сустрэчаў, – людзей ні за што арыштоўваюць, нявечаць і забіваюць. У фабулу ўплеценыя таксама аўтабіяграфічныя моманты. Герой з прозвішчам Магер – малады паэт, які спаборнічае з Купалам – нарадзіўся там дзе Някляеў, мае прозвішча яго маці і напісаў такія ж творы што і ён. Магера апісаў аўтар амаль як самога сябе. – Я падумаў, што я ў сваім узросце ўжо магу сабе дазволіць казаць пра сябе чыстую праўду, – прызнаецца Някляеў.

Паводле арганізатараў прэзентацыя кніжкі прайшла паспяхова. Падчас кожнай сустрэчы было відаць зацікаўленне раманам „Гэй Бэн Гіном” таксама з боку палякаў, але найбольш было, вядома, беларусаў. Раней твор у часопісным варыянце друкаваўся на старонках „Дзеяслова”.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (622) – 1402 г. – крыжацкі наезд на Гарадзеншчыну (таксама на частку Беласточчыны), аблога Гарадзенскага замку.
  • (70) – 22.04.1954 г. у Латвіі памёр Сяргей Сахараў (нар. 29.09.1880 г. у Полацку), беларускі фальклярыст і пэдагог, закончыў унівэрсытэт у Тарту (1911), узначальваў Беларускі аддзел Міністэрства асьветы Латвіі (1921-1925), у 1925-1932 гг. дырэктар Дзьвінскай Беларускай Гімназіі.

Новы нумар / Novy numer

Папярэднія нумары

Усе правы абаронены; 2024 Czasopis