Pa prostu / Па-просту

  • Płacz zwanoŭ

    24. Dochtar Maroz (6)

    U archiwie IPN kromie dakumentaŭ UB majuć jaszcze druhuju dakumentacju – z Wajskowaho rajanowaho sudu ŭ Biełastoku, dzie krychu bolsz infarmacjaŭ pra sprawu Wacława Maroza. Baraniŭ jaho adwakat Alaksandar Saroka z Warszawy. 26 kwietnia 1950 r. jak obrońca wojskowy pasłaŭ da suda ŭ Biełastoku piśmo,…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Suprać łomu niama pryjomu

11 sakavika 2019 na sajcie Instytutu Pamięci Narodowej (IPN) źjaviłasia paviedamleńnie, što w świetle obowiązującego prawa Romuald Rajs i Kazimierz Chmielowski są (…) niewinni.

Chto taki Romuald Rajs „Bury” – tłumačyć, dumaju, nia treba. Nahadaju tolki, što Kazimierz Chmielowski „Rekin” – heta namieśnik „Buraha”, jaki razam ź im paliŭ vjoski Zalešany, Volka, Špaki, Zani i Kancavizna dy rasstrelvaŭ cyvilnych biełarusaŭ (79 čałaviek) u studzieni-lutym 1946.

U 2005 hodzie IPN zakončyŭ śledztva pad kiraŭnictvam prakurora Dariusza Olszewskiego ŭ spravie dziejnašci addziełu „Buraha” i pryjšoŭ da vysnovy, što hetaja dziejnaść nosiła znamiona ludobójstwa.

A voś ciapier IPN paviedamlaje, što w świetle najnowszych badań naukowych informacje z ustaleń końcowych śledztwa w sprawie „Burego” w wielu obszarach są wadliwe. I robić vysnovu, što za „Burym” i jaho namieśnikam, u śviatle ciapierašnich zakonaŭ, niama nijakaj viny.

Pakolki ja nie juryst, to pakinu pa-za kadram pytańnie, jakim čynam artykuły ŭ piśmie społeczno-historycznym, na jakija paklikajecca kamunikat IPN, upłyvajuć na polskaje zakanadaŭstva i farmalnyja rašeńni ŭ prakurorskich i sudovych raśśledavańniach. Odznaču tolki, što ŭ kamunikacie, jaki apraŭdvaje „Buraha”, ni słovam nia zhadvajecca ab niejkim novym śledztvie ŭ jaho spravie ci ab tym, chto sa śledčych IPN persanalna padpisaŭsia pad ciapierašnim „apraŭdańniem”. Vyhladaje na toje, što jurydyčnuju prablemu vyrašyli historyki i publicysty, a nie prakurory z sudździami.

Z Kazimierzem Krajewskim, adnym z nazvanych u kamunikacie historykaŭ, jakija paličyli śledztva IPN z 2005 hodu wadliwym, pahavaryła Radyjo Svaboda. Akazvajecca, jon pravioŭ „pryvatnaje śledztva” ŭ spravie „Buraha”. „My razmaŭlali z žycharami niekatorych viosak u vakolicy, jakija pryhadvajuć adnosiny z žaŭnierami „Buraha”, z veteranami hetych farmavańniaŭ, – cytuje Krajewskiego Radyjo Svaboda. – Absalutnuju bolšaść pravasłaŭnych biełarusaŭ, ź jakimi mieŭ dačynieńnie „Bury”, nie zabivali, a prosta adpuskali”. I jašče, pavodle hetaha historyka, na karyść „Buraha” śviedčyć taki niemałavažny fakt: „U „Buraha” była mahčymaść spalić nia piać viosak, a značna bolš, ale jon hetaha nie zrabiŭ”. Tamu, robić vysnovu doktar Krajewski, heta nie było ludobójstwo.

Kali kamu cikava, całkam hetuju razmovu možna pračytać na sajcie Radyjo Svaboda. A ja chaču tut paŭtaryć, štó pra „pakłońnikau Buraha” ja napisaŭ u hetym miescy ŭ lutym: „Nijakija polska-biełaruskija dyjalohi piered televizijnymi kamerami ci pa-za imi nikoli nie pierakanajuć ich, što jany ŭzniali na svaje štandary zabojcu i vajennaha złačyncu. Dyj stolki siłaŭ u nas niama, kab vieści takija sprečki i dyskusii z palakami, nia kažučy ŭžo ab tym, kab u takich sprečkach i dyskusijach dakazać svaju racyju”.

Nam treba padbać pra značna važniejšaje: jak pieradać abjektyŭnuju infarmacyju pra toje, što adbyvałasia na Biełastoččynie paśla vajny, najmałodšym pakaleńniam biełarusaŭ, jakija abjektyŭnych histaryčnych pracaŭ nie čytajuć, a na historuju hladziać tak, jak jaje padajuć u medyjach historyki nakštałt pana Krajewskiego. Dziela hetaha patrebny supolny vysiłak i biełaruskich historykaŭ, i biełaruskich žurnalistaŭ, i nastaunikaŭ biełaruskaj movy ŭ škołach, i pravasłaŭnych śviataroŭ.

Kali kazać kankretna, my pavinny padrychtavać vydańnie pra „čas Buraha” na polskaj movie, na staronak 40-50, u jakim faktahrafičny materyjał, dakładna vyvierany našymi historykami, pavinien być padadzieny ŭ formie dastupnaj razumieńniu padletkaŭ.

Takuju knižačku treba vydać masavym nakładam (masavym, kali mieć na ŭvazie pamiery našaj mienšaści) i raspaŭsiudzić jaje praz usie dastupnyja padlaskim biełarusam kanały, u tym liku carkoŭnyja. I takuju knižačku treba vydać na hramadzkija hrošy, sabranyja siarod ludziej na Padlaššy, a nie na dziaržaŭnuju datacyju.

Jan Maksimjuk

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у чэрвені

    – у 1519 г. Францыск Скарына выдае ў Празе Кнігу Руф, Кнігу Эсфір, Кнігу Плач Іяэміі. – 28.06.1660 г. войскі Вялікага Княства Літоўскага і польскія разбілі каля вёскі Палонка Слонімскага павету войскі расейскага агрэсара (камандуючы Іван Хаванскі). – 7.06.1825 г. …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (771) – перамога дружын Давыда Гарадзенскага у 1314 г. над войскамі крыжакоў пад Наваградкам.
  • (649) – у 1376 г. войскі Вялікага Княства Літоўскага на чале з князямі Кейстутам, Ягайлам, Любартам зваявалі Любліншчыну і Сандамершчыну і падышлі аж пад Кракаў. Вярнуліся зь вялікай здабычай дамоў.
  • (431) – 1494 г. – атрыманьне горадам Высокае самакіраваньня паводле магдэбургскага права.
  • (221) – 1.06.1804 г. у Наваспаскім на Смаленшчыне нар. Міхал Глінка, кампазітар, заснавальнік рускай клясычнай музыкі. Найбольш вядомыя яго творы: оперы „Жыцьцё за цара” (1836), „Руслан і Людміла” (1842), „Вальс-фантазія” (1839), скерца для аркестра „Камарынская” (1848). Памёр 15.02.1857 г. у
  • (132) – 1.06.1893 г. у Варшаве памёр Аляксандр Валіцкі (нар. 27.01.1826 г. у Вільні), кнігар, выдавец, музычны крытык і сьпявак, выканаўца песень Станіслава Манюшкі і першы ягоны бібліёграф (у 1873 г. выйшла яго кніга пра С. Манюшку).
  • (88) – 1.06.1937 г. з вакна будынку Народнага Камісарыята Унутраных Спраў БССР у Менску выкінуўся Мікалай Галадзед (нар. 21.05.1894 г. у Старым Крыўцы каля Новазыбкава), дзяржаўны дзеяч БССР, у 1927-1937 гг. старшыня СНК БССР. 14.06.1937 г. арыштаваны ў Маскве і накіраваны ў Менск.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com