У чэрвені Універсітэт у Беластоку будзе адзначаць 25-годдзе свайго існавання як самастойнай вышэйшай навучальнай ўстановы. Раней была яна філіялам Варшаўскага ўніверсітэта.
З нагоды юбілею ўніверсітэцкі Сенат прыняў рашэнне прысвоіць званне doctor honoris causa свайму першаму рэктару праф. Адаму Ямрузу і мастаку праф. Лявону Тарасэвічу. Рэктар праф. Роберт Цібароўскі сказаў, што гэта вялікі гонар у юбілейным годзе ў такі спосаб ушанаваць іх вышэйшым акадэмічным званнем.
У выпадку Тарасэвіча падкрэслены былі яго заслугі ў грамадскай дзейнасці ў карысць шматкультурнасці Падляшша і польска-беларускага памежжа, што з’яўляецца ён старшынём Фонду Віла Сакратас, які прапагуе ідэі з творчасці і спадчыны Сакрата Яновіча.
Дагэтуль званне doctor honoris causa беластоцкага ўніверсітэту было прысвоена 21-й асобе. Варта згадаць, што разам з ператварэннем філіяла ў самастойны ўніверсітэт была ў ім паклікана таксама кафедра беларускай культуры. На жаль, дзесяць гадоў таму яе ліквідавалі.
Фота са старонкі Універсітэта ў Беластоку (аўтар – Міхал Грэсь)
