На пачатку траўня Аляксандрам Лукашэнкам памілаваны былі браты Станіслаў і Ілля Косцевы, прыгавораны да смяротнага пакарання. Гэта толькі другі такі выпадак ў гісторыі незалежнай Беларусі. Апошні раз такое здарылася каля дваццаці гадоў таму, напрыканцы 90-х.
19-гадовы Станіслаў і 21-гадовы Ілля атрымалі смяротныя прысуды 10 студзеня 2020 г. на выязным паседжанні Магілёўскага абласнога суда. Яны абвінавачаны ў забойстве настаўніцы і падпале яе дому, у якім недалёка ад іх пражывала.
Браты склалі апеляцыйную скаргу ў Вяроўны суд, які 22 мая 2020 г. яе адхіліў. Маці (бацька рана памёр) і сястра прысуджаных звярнуліся тады да кіраўніка дзяржавы з прашэннем памілавання. Іх падтрымалі ў гэтым каардынатары кампаніі „Праваабаронцы супраць смяротнага пакарання”, таксама міжнародная арганізацыя Amnesty Internetional. Хаця надзея была невялікая, іхнюю просьбу Лукашэнка адобрыў. Гэта выклікала меркаванне, што такі акт міласэрнасці – пачатак адхілення ў краіне пасмяротнага пакарання. Беларусь астаецца адной з нямногіх краін у свеце, у якіх выконваюцца смяротныя пакаранні. Ужо паўтара года не было аднак такога выпадку. Апошні смяротны прысуд быў выкананы ў снежні 2019 года.
Магчыма браты Косцевы былі памілаваны з увагі на іх малады яшчэ ўзрост. Хаця, калі толькі іх арыштавалі, Лукашэнка публічна заявіў, што гэта бандыты, якія ўжо раней дапускаліся злачынстваў. Цяпер памілаваў іх, што абазначае змену смяротнага пакарання на пажыццёвае зняволенне. Але праз 20 гадоў будуць мець магчымасць звярнуцца з прашэннем выпусціць іх на волю.
