Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Невялікі ўплыў рэлігійных канфесій на падзеі

Айцец Уладзімір Драбышэўскі з Гомеля (на здымку) гэта адзіны ў Беларусі праваслаўны святар, які асабіста ўключыўся ў жнівенскія пратэсты. За гэта праседзеў дзесяць дзён у арышце Фота Тэлеграм
Айцец Уладзімір Драбышэўскі з Гомеля (на здымку) гэта адзіны ў Беларусі праваслаўны святар, які асабіста ўключыўся ў жнівенскія пратэсты. За гэта праседзеў дзесяць дзён у арышце
Фота Тэлеграм

Рашучую роль у палітычных пераменах у Польшчы адыграў Каталіцкі касцёл, асабліва з моманту, калі рымскім папам стаў кардынал родам з-пад Кракава Караль Вайтыла, вядомы як Ян Павал ІІ. Цяпер у Беларусі такіх аналогій не відаць.

Праваслаўная царква, дамінуючая канфесія, намагаецца заставацца нейтральнай калі ідзе наогул пра палітыку, хаця ў сваёй натуры ёсць праўладная (так як і ў многіх краінах на свеце). Аднак крывавая жнівеньская канфрантацыя многім іерархам і святаром не дазволіла быць абыякавымі. Некаторыя з іх адкрыта скрытыкавалі ўладу за жорсткія метады, недапушчальныя рэлігіяй. Аляксандр Лукашэнка меў за гэта прэтэнзіі.

Новы патрыярхальны экзарх у Беларусі, мітрапаліт Веніямін – беларус, які нечакана змяніў на гэтай пасадзе расейца мітрапаліта Паўла – паводзіць сябе даволі стрымана.

18 верасня ў Мінску адбылося грандыёзнае праўладнае жаночае форум „За Беларусь” з удзелам каля пяці тысяч удзельніцаў, якіх аўтобусы прывезлі з усёй Беларусі. Гэта быў адказ Лукашэнкі на суботнія маршы пратэстуючых жанчын. У праўладным форуме прыняла ўдзел м.інш. праваслаўная манашка з Гродна, матушка Гаўрыіла. Агітавала за Лукашэнкам, а яго апанентаў, якіх сотні тысяч што нядзелю выходзяць на беларускія вуліцы, назвала „шалёнымі”. Сваю „пропаведзь” чытала яна з карткі, значыць – было гэта рэжысіраванае.

На другі дзень прэсавы сакратар беларускай Царквы напісаў у інтэрнэце, што „матушка Гаўрыіла бясспрэчна парушыла прынцып апалітычнасці беларускай Царквы, але выказала толькі ўласныя погляды, яе асабістыя”.

Каталіцкі касцёл, які налічвае нашмат менш вернікаў, вуснамі іерархаў і ксяндзоў болей адназначна выказваецца ў справе цяперашняга драматычнага крызісу ў Беларусі. Моліцца за поспех пераменаў і заклікае да дыялогу ўлады з пратэстуючымі.

Становішча Царквы і Касцёла аднак не мае вялікага значэння, паколькі грамадзяне Беларусі ў сваёй масе не надта ўжо веруючыя. Цяперашнія паводзіны пастыраў, асабліва праваслаўных, на жаль, гэтага не мяняюць.

Юрка Хмялеўскі

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com