15-18 ліпеня ў Віцебску трыццаты раз адбыўся „Славянскі базар”. З увагі на палітычныя абставіны шмат запрошаных эстрадных зорак з замежжа адмовілася ад удзелу ў гэтым буйным фестывалі. На сцэне выступілі пераважна спевакі з былых савецкіх рэспублік. Рэдка хто спяваў на айчыннай мове, толькі па-руску або, як ні дзіўна, па-ангельску (напрыклад выканаўца з Кіргізстану).
Пара канферанс’е, што забаўляла публіку, таксама вяла канцэрт, вядома, па-руску. Пасля выступу кожнага выканаўцу называлі яны тры стравы і прасілі згадаць якая з іх беларуская. Пры тым яўна пасмейваліся з традыцыйных прысмакаў беларусаў („вось, што ядуць гэтыя бульбашы”).
На сцэне „Славянскага базару” з прамовай выступіў таксама Аляксандр Лукашэнка. Падчас тэлевізійнай трансляцыі можна было заўважыць, што не ўсе з гледачоў аднак апладзіравалі.
