Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (1)

    Vielkija Aziarania, szto ŭ hminie Krynki, za Niemcami vielmi ciarpieli ad partyzantaŭ, usiakaj maści bandytaŭ i zładziejaŭ. Dajszło da taho, sztu ludzi zarhanizawali tut samaabaronu...ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    7. Moja klasa

    Časom lepi vtečy z lekciji v školi i poveselitisie z kolegami, bo teper, koli ja ohladajusie nazad, moju vsmiêsku vyklikajut ne škôlny ociênki, a vspominki. P. J. Abdul Kalam) U 1970-ch liêtach u Liceji nr 9 u Hajnuvci byli štyry rumnobiêžny klasy po pryblizno 30…ЧЫТАЦЬ ДАЛЕЙ / CZYTAJ DALEJ

RSS і Facebook

Надта актуальная выстава

На выставе „Высяленне” ў цэнтры ўвагі макет невялікага доміку, пастаўлены дагары нагамі Радыё Рацыя
На выставе „Высяленне” ў цэнтры ўвагі макет невялікага доміку, пастаўлены дагары нагамі
Радыё Рацыя

Навейшая мастацкая выстава Лявона Тарасэвіча „Высяленне”, якая 14 сакавіка адкрылася ў Вроцлаве, у сваім універсальным пераказе вельмі актуальная. Аўтар па-мастацку пераносіць гледача ў траўматычнае перажыванне бежанцаў, якім свет з дня на дзень пераварочваецца дагары нагамі. Гэта пакідае трывалы свет у агульнай свядомасці і гістарычнай памяці пацярпелага народу.

Тарасэвіч моцна свядомы, які вялікі боль, страх, фізічнае і псіхічнае цярпенне мусяць перажываць людзі, якім трэба ўцякаць з уласнага дому. Так як у 1915 г. ад вайны ўцякалі яго продкі разам з сотнямі тысяч беларусаў з Падляшша.

Як сказаў мастак для Радыё Рацыя рэалістычныя малюнкі не ў змозе перадаць душу бежанцаў і іх драматычны жыццёвы досвед, таму чалавечае ўяўленне трэба зварушваць сімваламі. Менавіта на выставе „Высяленне” ў цэнтры ўвагі макет невялікага доміку без вокнаў і падлогі, пастаўлены дагары нагамі. Над ім падвешаны копіі ікон – падляшскіх, украінскіх, нямецкіх, яўрэйскіх, ромскіх…

Домік на выставе памаляваны такім свойскім і блізкім для нас сінім колерам. У беларускіх дамах даўней такою сіняю глінкай часта фарбавалі сцены. Таксама намагільныя помнікі і прыдарожныя крыжы.

Невыпадкова такая выстава адкрылася ў Вроцлаве. Бо ж адгэтуль у 1945 г. выселілі немцаў. Цяпер гэта ўсё стала зноў актуальнае за справай болю бежанцаў з Украіны.

Тарасэвіч лічыць, што экспансія мацнейшых народаў і краін у свеце ніколі не скончыцца. Як сказаў у Радыё Рацыя, „чалавек – homo sapiens з’яўляецца думаючым тыпам жывёлы, і калі толькі з’яўляецца нехта мацнейшы, то ён стараецца падпарадкаваць іншых сабе. Няважна, які гэта будзе прынцып: рэлігійны, палітычны ці этнічны…”.

Як мудра і трапна заўважыў мастак – каб не дапусціць да гэтага, у грамадстве павінна быць заўсёды некалькі сілаў, якія ўзаемна сябе кантралююць не дазваляючы на насілле і дыктатуру. Сапраўды, каб так было ў Расіі, Пуцін вайны з Украінай не пачаў бы. Трэба, каб зразумелі тое і ў Беларусі, дзе Лукашэнку цяпер папраўдзе, на жаль, ніхто не кантралюе.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў сакавіку

    455 – 12.03.1569 г. Падляшскае ваяводзтва, якoе знаходзілася ў межах Вялікага Княства Літоўскага, на моцы каралеўскага універсала было інкарпаравана (уключана) у межы Каралеўства Польскага. 455 – 17.03.1569 г. у Заблудаве быў закончаны друк „Евангельля вучыцельнага”. 230 – 24.03.1794 г. пачалося …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (247) – 5.03.1777 г. у Гарадку на Віцебшчыне нар. Юзаф Маралёўскі, паэт і пэдагог. Закончыў езуіцкі калегіюм у Оршы, з 1794 г. настаўнічаў у езуіцкіх калегіюмах у Мсьціславе, Магілёве, Полацку, у 1814 – 1818 гг. кіраваў Полацкай Акадэміяй. Памёр 12.08.1845 г. на Валыні.
  • (128) – 5.03.1896 г. у в. Нізок каля Узды нар. Кандрат Крапіва (сапр. прозьвішча Атраховіч, пам. 8.01.1991 г.), пісьменьнік, мовазнавец, партыйны дзеяч. Аўтар папулярных баек і п’ес.
  • (114) – 5.03.1910 г. у Ціхінічах Рагачоўскага павету нарадзіўся Аўген Калубовіч (Каханоўскі – на эміграцыі) –  гісторык, палітычны дзеяч. У 1930 г. арыштаваны й прыгавораны на 3 гады лагера асобага прызначэньня. У 1939 г. вярнуўся ў БССР, у 1941 г. трапіў у баях пад Масквой у нямецкі палон. Актыўна ўдзельнічаў у беларускім палітычным і культурным руху падчас нямецкай акупацыі, між іншым зьвязаны быў зь Беларускай Цэнтральнай
  • (81) – 5.03.1943 г. у Менску загінуў у выніку скрытабойчага замаху Фабіян Акінчыц (нар. 20.01.1886 г. у в. Акінчыцы, Менскага павету), грамадзка-палітычны дзеяч. У 1913 г. скончыў юрыдычны факультэт Пецярбургскага Унівэрсытэту. У 1926 г. актыўна ўключыўся ў дзейнасьць Беларускай Сялянска-Работніцкай Грамады. У траўні 1928 г. быў асуджаны на 8 гадоў турмы. Вызвалены датэрмінова ў палове 1930 г. У канцы 1933 г. разам з У. Казлоўскім пачаў выдаваць „Новы Шлях” ды арганізаваць Беларускую Нацыянал-Сацыялістычную Партыю.
  • (24) – 5.03.2000 г. трагічна памёр Мікола Ермаловіч (нар. 29.04.1921 г. у в. Малыя Навасёлкі каля Койданава на Меншчыне), выдатны беларускі гісторык. Аўтар між іншым фундамэнтальных кніг „Старажытная Беларусь”, „Беларуская дзяржава Вялікае Княства Літоўскае”. Пахаваны ў Маладзечне.

Новы нумар / Novy numer

Папярэднія нумары

Copyright © 2024 Czasopis