Pa prostu / Па-просту

  • Płacz zwanoŭ

    20. Szpieg z pastarunku milicji ŭ Szudziałavie

    Kali ŭ żnivo 1944 r. krasnaarmiejcy asvabadzili tutejszyja ziemli ad hitleraŭcaŭ, kala Szudziałava ażyvilisa katoliki, jakija jaszcze za Niemca zapisalisa da Armii Krajovaj. Takuju jaczejku ŭ Kazłovym Łuzie sarhanizavaŭ vosieniu 1942 r. Adolf Filipowicz z susiedniaho Biełaha Łuha. U AK ŭstupiŭ miż inszym Adolf Ogilba…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    4. Hajnuvka zbliźka

    To był maj, pachniała Saska Kępa / Szalonym, zielonym bzem – spivała Maryla Rodowicz u radivi kirovcy autobusa, kotorym my, dvadceť učenikôv škoły v Horodčyni i jeji dyrektorka pani Renia, voročalisie dochaty z vyciečki do Varšavy…ЧЫТАЦЬ ДАЛЕЙ / CZYTAJ DALEJ

RSS і Facebook

Нацыянальна-патрыятычным сілам Беларусі трэба супрацьстаяць Расіі

Уладзімір Някляеў – пісьменнік і грамадска-палітычны дзеяч
Уладзімір Някляеў – пісьменнік і грамадска-палітычны дзеяч

У апошні час многія сродкі масавай інфармацыі Еўропы пішуць пра тое, што Расія хоча далучыць да сябе Беларусь. Яшчэ ў снежні мінулага года беларусы атрымалі шок ад ультыматуму Масквы, якая дэ-факта паставіла пытанне пра інкарпарацыю пад маркай выканання гэтак званай саюзнай дамовы. Што Вы на гэты конт скажаце? І ці мажліва сёння такое? Адказвае Уладзімер Някляеў.

– Пасля крамлёўскіх сустрэч Лукашэнкі з Пуціным напярэдадні 2019 года пачаліся гаданні на кісялі: што будзе з Саюзнай дзяржавай, дамову пра стварэнне якой (што азначае паглынанне Беларусі Расіяй) падпісаў Лукашэнка яшчэ 20 гадоў таму? А што тут гадаць? Калі Лукашэнка заяўляе: «Мы з прэзідэнтам Расіі вызначыліся: сёння пытанне пра аб’яднанне не стаіць», – і тут жа выказваецца за далейшае «саюзнае будаўніцтва» з аб’яднаннем мытнай службы, суда і г.д. ажно да ўвядзення адзінай валюты, – што гэта значыць? Гэта значыць, што пытанне аб’яднання расійскім бокам пастаўленае. І, мяркуючы па тым, як закруціўся ўюном на патэльні Лукашэнка, пастаўленае жорстка. «Хочаш і далей мець халяўныя грошы? Аддавай пад заклад Беларусь». Беларускія баюны, усялякія аналітыкі з палітолагамі (і не толькі лукашэнкаўскія) заспакойваюць беларусаў. Даводзяць, што інкарпарацыя Беларусі ў склад Расійскай Федэрацыі, дзе сёння процьма ўнутраных і знешніх праблем, немагчымая. Але гэтаксама апалагеты «славянскага братэрства» даводзілі, што немагчымая вайна Расіі супраць Украіны. Так, праз «крымнаш» у Расіі, вядома, з’явілася шмат праблем. Палітычных, эканамічных. І дадаваць праблему «беларусьнаша» як бы не варта. Небяспечна. Наступствы інкарпарацыі Беларусі могуць быць куды цяжэйшымі за цяперашнія санкцыі, звязаныя з расійска-ўкраінскай вайной. І кіраўніцтва ніякай іншай краіны на тое не пайшло б. Але ж гэта Расія. Гэта «духоўная скрэпы»! Гэта збіранне зямель! Гэта «крэўнае славянскае братэрства», якое мацуецца ўжо тры стагоддзі. І калі мацаваць, дык мацаваць. Каб косткі трашчалі. Дзеля гэтага Расія ніколі, нічога і нікога не шкадавала. Што мы чуем з сённяшняй Расіі? Тое самае, што з колішняй. Што беларусы (як і ўкраінцы) не народ. Частка «русского мира». Што Беларусь (як і Украіна) – не дзяржава. Гістарычная памылка, выпраўленне якой – мэта палітыкі кіраўніка цяперашняй Расіі. І ён будзе дамагацца гэтай мэты столькі, колькі буде жыць. Ва ўсякім разе ў палітыцы. Не бачыць рэальнасці, сутнасці расійскага неататалітарызму, рабіць выгляд, што небяспекі інкарпарацыі не існуе, – гэта здрадніцтва. Дзяржаўнае злачынства. Нацыянальна-патрыятычным сілам трэба супрацьстаяць гэтаму ад сёння. І найперш неабходна пазбавіцца ад самага слабога звяна ў ланцугу абароны нашай незалежнасці: яе «адзінага гаранта». Для чаго расійскае кіраўніцтва ў 1996 годзе зратавала Лукашэнку ад імпічменту? Дзеля чаго ў 2010 годзе дапамог яму застацца ва ўладзе Пуцін? Для чаго Расія, падтрымліваючы Лукашэнку, не пашкадавала для яго больш як 100 мільярдаў долараў? Усё дзеля таго, каб ён стаў гарантам незалежнасці? Нехта ўсур’ёз можа думаць, што гэтак Лукашэнка Пуціна перахітрыў?.. У напружанасці адносінаў з Расіяй для Лукашэнкі ёсць свая выгода. Як для Пуціна ёсць выгода ў эскалацыі ваенных дзеянняў ва Украіне. Гэта стварае эфект, вядомы ў паліталогіі як «яднанне вакол сцяга». Фактычна гэта патрыятычная мабілізацыя вакол асобы лідара, што ў сённяшніх варунках жыццёва неабходна абодвум дыктатарам. І гэта калі не ва ўсім, дык шмат у чым вызначае (і тлумачыць) тое, чаму мы так, а не іначай, ужо чвэрць стагоддзя жывем. Як можа адказаць на расійскі інтаграцыйны ультыматум, падставы для якога праз дамову аб Саюзнай дзяржаве сам ён стварыў, Лукашэнка? Сыйсці. Больш ніяк. Толькі іншы (хоць з улады, хоць з апазіцыі) кіраўнік дзяржавы, які не мае дачынення да згубнай палітыкі Лукашэнкі, да ягоных здрадлівых дзеянняў, да хапання траянскіх расійскіх пазыкаў, – выйсце з інтэграцыйнай пасткі.

Апытваў Сяргей Чыгрын

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў снежні

    760 – У 1263 г. паявілася першая пісаная зьвестка пра вядомы Ляшчынскі манастыр, які знаходзіўся на прадмесьці Пінска. 755 – 9.12.1268 г. быў забіты галіцкім князем Львом Данілавічам Войшалк, князь наваградзкі, вялікі князь ВКЛ (1263 – 1267) 735 – Пасьля …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (428) – у 1595 г. казацкае паўстаньне С. Налівайкі ахапіла беларускія землі. Казацкія атрады занялі Слуцак, спалілі Магілёў.
  • (186) – 5.12.1837 г. на Віцебшчыне нар. Аляксандар Вярыга (пам. 26.03.1905 г. у Адэсе), хімік, педагог, выпускнік Пацярбурскага Унівэрсытэту, вучань Д. Мендзялеева, пашыраў свае веды за мяжой. Дасьледаваў хімічны склад прыроднага газу, прафэсар Новасібірскага Унівэрсытэту, аўтар шэрагу дасьледаваньняў па хіміі.
  • (156) – 5.12.1867 г. у маёнтку Зулава Сьвянцянскага пав. нар. Юзаф Пілсудскі (пам. 12.05.1935 г.), выдатны польскі палітычны дзеяч.
  • (137) – 5.12.1886 г. у маёнтку Капланцы, Ігуменскага павету нар. Мікола Равенскі (пам. 9.03.1953 г. у Лювэне, Бэльгія), кампазытар, дырыгент, музычны крытык. Напісаў музыку да многіх вершаў беларускіх паэтаў, таксама кампанаваў рэлігійную музыку. Зьяўляецца між іншым аўтарам музыкі на словы Н. Арсеньневай „Магутны Божа”. У апошнія гады жыцьця кіраваў хорам беларускіх студэнтаў у Бэльгіі, зь якім даў многа канцэртаў у краінах заходняй Эўропы.
  • (106) – 5-17 (18-30).12.1917 г. у гарадзкім тэатры ў Менску адбыўся І Усебеларускі з’езд, на якім вырашалася пытаньне пра самавызначэньне і дзяржаўнасьць Беларусі. Удзельнічала 1872 дэлегатаў. Бальшавікі арыштавалі прэзідыюм з’езду. Рада з’езду працягвала дзейнасьць, быў створаны Выканаўчы Камітэт Рады, які падрыхтаваў акты незалежнасьці Беларусі.
  • (76) – 5.12.1947 г. у в. Сялец Бярозаўскага раёна нар. Алесь Разанаў – паэт, пэдагог, рэдактар. Актыўны дзеяч дэмакратычнай плыні беларускай літаратуры. Памёр 26.08.2021 г. у Менску.

Новы нумар / Novy numer

Папярэднія нумары

Copyright © 2023 Czasopis