Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Мяняем не толькі выгляд

Jerzy Chmielewski

Шаноўныя чытачы, пасля паўгадовага перапынку наш штомесячнік ізноў выходзіць.Спыніць выдаванне вымусілі фінансавыя праблемы. Каб ізноў атрымаць датацыю, мы як рэдакцыя вырашылі заадно памяняць выдавецкі фармат. Такая змена стала проста неабходнай. Найперш з увагі на тое, што наогул чытанне папяровых выданняў ёсць ужо нейкім рэліктам, бо ўсе кінуліся ў інтэрнэт. Гэта, праўда, не так ізноў добрая з’ява, бо традыцыйны друк усё ж такі ёсць культурнай каштоўнасцю як гістарычнае дасягненне цывілізацыі. Тымчасам е-выданні гэта папраўдзе толькі
імітацыя друку.

Таму прыдумалі мы, што Часопіс у новым фрмаце будзе спалучуннем дзвюх гэтых формаў. Папяровы варыянт застаецца. Хаця таксама будзе іншы – у новым графічным афармленні, з інакш выдзеленымі рубрыкамі. Большы, аднак, націск робім на Інтэрнэт.

Нашу сціплую дагэтуль е-старонку пераўтворым з часам у больш прафесійны партал. У інтэрнэце тэксты будуць з’яўяцца часцей чымсьці раз у месяц.

Не мяняецца адно – асноўны змест Часопіса. Так як дагэтуль будзе ён беларускім грамадска-культурным выданнем прысвечаным пытанням сучаснасці, гісторыі, літаратуры і мастацтва, месца чалавека ў свеце. Усё гэта з нашага пункту гледжання – беларусаў з Падляшша. Надалей Часопіс будзе таксама форумам думкі не толькі нас, але ўсіх тых, каму блізкая беларуская тэматыка. Такі вось гарызонт абноўленага Часопіса.
Прыпамінаю, што тэксты ў Часопісе публікуюцца на мове арыгіналу – па-беларуску або па-польску. Беларушчыну, хаця завужае нам чытацкае кола, трэба берагчы. Таму нашых аўтараў заахвочваю як мага больш звяртаць на гэта ўвагу, знаходзіць месца беларускаму слову нават у тэкстах на польскай мове, якая цяпер у друку больш зразумелая ўсё-такі для некаторых чытачоў.

Характэрнымі для Часопіса будуць таксама тэксты на карэнных мовах беларусаў Падляшша – па-просту і по-пудляську. Гэтыя ж словы маланкава знікаюць са штодзённага ўжытку, а мала дзе яны і запісаныя. Няхай тады пажывуць яшчэ на нашых старонках, бо з’яўляюцца яны вялікай каштоўнасцю як надзвычай важны элемент нашай тоеснасці.

Сапраўды, на фоне сённяшняга штучнага масавага медыйнага свету наш Часопіс ёсць чымсьці непаўторным, а ў новым выглядзе, з больш разнастайным, багацейшым зместам і адмененай выдавецкай канцэпцыяй будзе – я ў гэтым перакананы – яшчэ больш цікавым і вартасным.

Запрашаю таксама на наш сайт Czasopis.pl, дзе весткі і артыкулы будуць паяўляцца мінімум два-тры разы ў месяц. Заставайцеся тады з намі.

Юрка Хмялеўскі
Галоўны рэдактар

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com