Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Мінск – Варшава і беларусы ў Польшчы

З 11 па 14 лютага з чатырохдзённым візітам у Польшчы пабываў старшыня Нацыянальнага сходу Рэспублікі Беларусь Міхаіл Мясніковіч. Гэта быў першы ад ажно 90-х гадоў візіт так высокага рангу прадстаўніка беларускай дзяржавы ў польскай краіне. Мясніковіч, які ў 2010-2014 гг. быў прэм’ер-міністрам, гэта цяпер афіцыйна правая рука прэзідэнта Аляксандра Лукашэнкі. Яго лютаўскі візіт у Польшчы гэта вынік новага разделу ў палітычных адносінах на лініі Варшава – Мінск, які запачаткаваў урад Права і Справядлівасці. Трэба напомніць, што апошнім часам Беларусь наведвалі папярэдні міністр замежных спраў Вітольд Вашчыкоўсі і маршал Сената Станіслаў Карчэўскі. Рэвізіт Мясніковіча планаваўся яшчэ восенню мінулага года, але па невядомых прычынах быў адкліканы.

 

Сімвалічным пунктам праграмы візіту было наведанне Залешанаў (Фота Радыё Рацыя)
Сімвалічным пунктам праграмы візіту было наведанне Залешанаў
(Фота Радыё Рацыя)

Польскі бок дамагаўся м.інш. уладкавання дзейнасці нелігітымнага цяпер Саюзу палякаў у Беларусі. Другі бок падымаў пытанне фінансавання Варшавай беларускай апазіцыі, тэлеканалу Белсат ды накіраваных на ўсход радыёвяшчанняў.

Дэкларацыя пра садзейнічанне беларускай дзяржавы захаванню тоеснасцi беларусаў у Польшчы была б больш надзейная, каб сама Беларусь была больш беларускай.

 

Старшыня Нацыянальнага сходу Рэспублікі Беларусь у Варшаве сустрэўся з усімі вышэйшымі прадстаўнікамі польскай улады – прэзідэнтам, прэм’ер-міністрам, маршалкамі Сейма і Сената і міністрам замежных спраў. У размовах абмяркоўваліся галоўным чынам пытанні двухбаковага супрацоўніцтва ды сітуацыя польскай нацыянальнай меншасці ў Беларусі. Мясніковіч заахвочваў, каб польскі бізнес намнога больш інвеставаў у Беларусі чым цяпер. Дамагаўся таксама фінансавання ў галіне міждзяржаўнай бяспекі з фонадаў Еўразвязу і паглыблення еўрапейска-беларускага супрацоўніцтва ў рамках Усходняга партнёрства. Польскі бок найбольш дамагаўся ўладкавання дзейнасці нелігітымнага цяпер Саюзу палякаў у Беларусі ды адмены абмежавання для душпастырскай працы святароў з Польшчы ў беларускіх каталіцкіх парафіях.

Мясніковіч у адказ заступаўся за беларусамі ў Польшчы – так за нашай меншасцю, як і пражываючымі тут грамадзянамі Беларусі, дамагаючыся, каб за такую працу як палякі атрымоўвалі не меншыя за іх зарплаты. Неафіцыйна вядома, што разглядаючы адмен усё яшчэ жорсткіх палітычных адносін паміж Польшчай і Беларуссю, падымалася таксама пытанне фінансавання Варшавай беларускай апазіцыі, тэлеканалу Белсат ды накіраваных на ўсход радыёвяшчанняў. Польшча, мабыць, пайшла на нейкія ўступкі, бо якраз у час візіту стала вядома, што апазіцыйнаму парталу Хартыя 97, які пяць гадоў таму пераехаў у Варшаву, мае быць спыненае ажно ў пяць разоў фінансаванне з бюджэта поьскага МЗСу (за пасрэдніцтвам польскай Фундацыі міжнароднай салідарнасці, якая фінансуе яшчэ шмат іншых беларускіх апазіцыйных праектаў).

Характэрнае аднак тое, польскія сродкі масавай інфармацыі гэтаму візіту не прысвяцілі шмат увагі. У час пасяджэння Сената, на якое прыбыў Мясніковіч, прадстаўнікі апазіцыйнай Грамадзянскай платформы дэманстратыўна выйшлі з залы. „Нашай прысутнасцю не будзем легітымізаваць гэтага высокага прадстаўніка рэжыму Аляксандра Лукашэнкі” – так рашэнне патлумачыў сенатар Багдан Кліх.

Міхаіл Мясніковіч адзначыў падзякамі і дыпломамі шэраг асоб з беларускага асяроддзя Падляшша. Уручыў таксама народныя касцюмы калектывам з белліцэяў у Бельску і Гайнаўцы ды музею ў Студзіводах  (Фота Міры Лукшы)
Міхаіл Мясніковіч адзначыў падзякамі і дыпломамі шэраг асоб з беларускага асяроддзя Падляшша. Уручыў таксама народныя касцюмы калектывам з белліцэяў у Бельску і Гайнаўцы ды музею ў Студзіводах
(Фота Міры Лукшы)

Пасля Варшавы старшыня Нацыянальнага сходу Рэспублікі Беларусь Міхаіл Мясніковіч наведаў нашае Падляшша. У Беластоку сустрэўся з маршалкам ваяводства Артурам Касіцкім і ваяводам Багданам Пашкоўскім. Падчас гэтых размоў абмярокоўваліся перадусім патанні памежнага супрацоўніцтва.

Сымбалічным пунктам праграмы візіту было наведанне Залешанаў, дзе Міхаіл Мясніковіч стаў на калена і пакланіўся перад крыжам, усталяваным у памяць ахвяр „Бурага”, памардавных узімку 1946 г. – „Бурага” ў ніякім выпадку нельга лічыць героем, яго салдаты – бандыты, – сказаў падчас сустрэчы з беларускай дэлегацыяй, якую арганізаваў бургамістр Кляшчэляў.

Міхаіл Мясніковіч стаў на калена і пакланіўся перад крыжам, усталяваным у памяць ахвяр „Бурага” (Фота Радыё Рацыя)
Міхаіл Мясніковіч стаў на калена і пакланіўся перад крыжам, усталяваным у памяць ахвяр „Бурага” (Фота Радыё Рацыя)

Апошнім пунктам праграмы быў „Беларускі вечар” у Падляшскай оперы і філармоніі ў Беластоку, дзе высокапастаўлены госць з Беларусі сустрэўся з прадстаўнікамі польскіх беларусаў. Пасольствам Беларусі ў Польшчы было запрошаных каля 200 чалавек. Міхаіл Мясніковіч выступаючы перад імі заявіў, што „супрацоўніцтва з беларусамі замежжа ў Польшчы атрымала новы імпульс” і абяцаў падтрымку Рэспублікі Беларусь у розных галінах. Што беларуская дзяржава будзе дапамагаць беларусам у Польшчы ў захаванні нацыянальнай тоеснасці, беларускай культуры і мовы.

Міхаіл Мясніковіч адзначыў падзякамі і дыпломамі шэраг асоб з беларускага асяроддзя Падляшша. Дыпломы (выпісаны міністрам інфармацыі яшчэ ў кастрычніку мінулага года) атрымалі м. інш. арганізацыя БГКТ, яе старшыня Ян Сычэўскі, намеснік Васіль Сегень, сакратар Валянціна Ласкевіч, дырэктар Бельскага дома культуры Альжбета Фіёнік, старшыня Рады Гайнаўскага павета, былы дырэктар Гайнаўскага белліцэя Яўген Сачко, галоўны рэдактар штомесячніка „Przegląd Prawosławny” Яўген Чыквін, старшыня Фонда імя князя Канстанціна Астрожскага Анна Радзюкевіч, старшыня беларускага літаб’яднання „Белавежа” Ян Чыквін.

Высокапастаўлены беларускі госць уручыў таксама падарункі. Беларускім ліцэям у Бельску і Гайнаўцы былі перададзены касцюмы для школьных калектываў. Народныя жаночыя і мужчынскія касцюмы атрымаў таксама Музей малой Айчыны ў Студзіводах.

У праграме сустрэчы не было размовы і пытанняў. Толькі рэпарцёры Радыё Рацыя у журналіскай размове закранулі пытанне акрэдытацый, якія ім забаронены. Міхаіл Мясніковіч быў гэтым здзіўлены, не ведаў, што такое пытанне наогул існуе. Параіў звярнуцца да яго з афіцыйным пісьмом, абяцаючы, што яго разгляне.

Міхаіл Мясніковіч заявіў, што супрацоўніцтва з беларусамі замежжа ў Польшчы атрымала новы імпульс і абяцаў падтрымку Рэспублікі Беларусь у розных галінах (Фота Міры Лукшы)
Міхаіл Мясніковіч заявіў, што супрацоўніцтва з беларусамі замежжа ў Польшчы атрымала новы імпульс і абяцаў падтрымку Рэспублікі Беларусь у розных галінах
(Фота Міры Лукшы)

Лютаўскі жэст высокапастаўленага прадстаўніка афіцыйнага Мінска да нас, беларусаў у Польшчы, безумоўна, быў важны. Намеснік старшыні БГКТ Васіль Сегень журналістам сказаў, што гэта „важны голас падтрымкі ў цяжкі для нас час”. Што канкрэтна меў на ўвазе віцэ-старшыня, невядома. Праблемы і клопаты беларускай меншасці ў Польшчы падчас сустрэчы амаль не падымаліся. Шкада, бо прысутныя прадстаўнікі польскай улады ў Беластоку лепш зразумелі б нашы цяжкасці і патрэбы.

Некаторыя ўдзельнікі сустрэчы з Міхаілам Мясніковічам заўважылі, што яго дэкларацыя пра садзейнічанне беларускай дзяржавы захаванню тоеснасцi беларусаў у Польшчы была б больш надзейная, каб сама Беларусь была больш беларускай. Бо, як сказаў дырэктар бельскага белліцэя Андрэй Сцепанюк, „мы не чакаем нейкай матэрыяльнай падтрымкі, больш духоўнай”.

Юрка Хмялеўскі

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (249) – 24.04.1775 г. у Будлеве Бельскага пав. Гродзенскай губ. (зараз гміна Вышкі, Бельскага пав. Падляшскага ваяв.) нар. кс. Якуб Забядэвуш Фалькоўскі, адзін з пачынальнікаў навучаньня глуханямых мове жэстаў, быў рэктарам піярскай школы ў Шчучыне, у 1817 г. адкрыў у Варшаве першую польскую школу для глуханямых. У 1826-1837 гг. быў першым пробашчам касьцёла сьв. Аляксандра ў Варшаве на Пляцы Трох Крыжоў, у якога падзямельлях пахаваны пасля сьмерці. Памёр у Варшаве 2.09.1848 г.
  • (139) – 24.04.1885 г. у Гродзенскай губ. (у Гродне або ў Кузьніцы) нар. Анна Саланка, настаўніца, якая ў 1909 г. разам з сястрой Марыяй і кс. Францішкам Грынкевічам заснавалі Гродзенскі гурток беларускай моладзі, першую беларускую арганізацыю на Гарадзеншчыне. У 1906 г. закончыла Гродзенскую жаночую гімназію і выехала на навуку ў Інсбрук, дзе з кс. кс. Ф. Грынкевічам і Адамам Лісоўскім заснавала беларускі гурток. У 1911 г. выйшла замуж за гімназіяльнага настаўніка Алексея Селівачова. Памерла ў Вільні 2.02.1915 г. Пахавана на могілках Росы.
  • (135) – 24.04.1889 г. у Стоўпцах нар. Юры Сабалеўскі, беларускі палітычны і нацыянальны дзеяч, пасол у польскі сойм у 1926-1928 гг. Арыштаваны НКВД пасьля 1939 г., уцёк з савецкай турмы ў канцы чэрвеня 1941 г. Актыўна ўдзельнічаў
  • (80) – 24.04.1944 г. у Суботніках каля Іўя нар. Зянон Пазьняк, археоляг і палітычны беларускі дзеяч. Зараз у эміграцыі. Жадаем шмат сілаў і нягаснучай надзеі на сапраўдную Беларусь!

Новы нумар / Novy numer

Папярэднія нумары

Усе правы абаронены; 2024 Czasopis