Pa prostu / Па-просту

  • Płacz zwanoŭ

    23. Zabytaja tragedia kala Krynak (1)

    U viosaczcy Trejgli niedaloka Krynak za sanacji żyli bahatyja haspadare Jurczeni, jakija mieli 23 ha ziamli. „Bahatyroŭ” u czerwcu 1941 r. enkavudzisty vyvieźli na Sibir (viarnulisa ŭ 1946 r.). Z hetaj pryczyny pośle pajszła ŭ vioscy i vakolicy nizhoda. Syn „kułakoŭ” Edzik za sanacji byŭ…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    11. Jabłyka i pomarančy

    Knižki i filmy podôbny do jabłyk i pomarančuv. Odny i druhi naležat do ovocuv, ale smakujut preč po-raznomu. (Steven King) To było tohdy, jak ja brontavsie hołodny po Krystijaniji, siêtum divovidnum miêsti, kotoroho čołoviêk ne pokine, poka vono ne nakłade na joho svojoji pôznaki… Siêty… ЧЫТАЦЬ ДАЛЕЙ / CZYTAJ DALEJ

RSS і Facebook

Мільёны грошай у другой раздачы Польскага ладу. На гэты раз таксама для Міхалова

Пад канец траўня былі абвешчаны вынікі другога адбору Праграмы стратэгічных інвестыцый у рамках урадавага фонду Польскі лад. Мільённыя датацыі атрымалі ўсе самаўрады ў Польшчы. Таксама гміны і паветы на Падляшшы, дзе пражываюць беларусы. Будуць яны прызначаны на пабудову дарог, водаправодаў, ачышчальняў сцёкаў, мадэрнізацыю сістэм абагравання, таксама для культуры і спорту.

Для прыкладу Орля атрымала амаль дзесяць мільёнаў злотых (папярэднім разам удвая менш) на пабудову вадасховішча і часткова на аднаўленне цэнтра мястэчка. Столькі грошай прызналі гміне Бельск-Падляшскі на пабудову мясцовых дарог. Сам горад атрымаў 13 млн зл. і будуць яны прызначаны на разбудову самаўрадавага прадшколля і рамонт вуліц.

За 6,4 млн зл. з праграмы ў Гарадку мае быць разбудаваны будынак гміннай управы. Самаўрад шукаў грошай на гэта звыш дзесяці гадоў.

На гэты раз датацыю атрымала таксама суседняе Міхалова. За амаль пяць мільёнаў злотых будзе там пабудавана спартыўная зала. Гэта была адна з чатырох маштабных заявак пасланых яшчэ на першы адбор. Тады аднак гміна Міхалова як адзіная ў павеце не атрымала ні адной залатоўкі. Вядома, што бурмістру Марку Назарку не так залежала на грошах на пабудову спартыўнай залы, колькі для пабудовы прадшколля, інтэрнату сярэдняй школы ці канферэнцыйна-выставачнага цэнтра. У першай раздачы Міхалова склала на гэта запатрабаванне агулам на больш за 60 млн зл. Жыхарам такія маштабныя інвестыцыі не ёсць неабходныя, тым больш, што іх будаўнічыя праекты яшчэ і перабольшаны, беручы пад увагу патрэбы. Там ужо і так шмат гмінных будынкаў, з выкарыстаннем якіх ёсць праблемы. Пабудова чарговых гэта новы фінансавы цяжар з увагі на дадатковыя вялікія кошты іх утрымання.

Праўда, Міхалова мае даволі вялікія ўласныя грошы. Гэта перад усім заслуга аграмаднага фінансавага прыбытку ад падаткаў мясцовай перапампоўні газу. У сувязі з санкцыямі накладзенымі на Расію ёсць рэальная пагроза, што хутка такіх грошай (якія складаюць амаль траціну гміннага бюджэту) не стане. Тады прыйдзецца, пэўна, спыніць не толькі інвестыцыйны размах, але і зачыніць магчыма існуючыя аб’екты, напрыклад басейн. Пра такую пагрозу гаварылася ў гміне ўжо даўно. Што трэба на такую эвентуальнасць падрыхтавацца і весці больш стрымана інвестыцыйную палітыку, прыцягваць інвестараў з улікам на большыя прыбыткі з падаткаў. Назарка гэтага і слухаць не хацеў. – Будзем клапаціцца, калі такое здарыцца, – гаварыў.

Праблемай ёсць таксама паводзіны Назаркі ў контры да ўраду (хаця б падчас міграцыйнага крызісу на польскай мяжы) і яго цесны кантакт з апазіцыяй.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў ліпені-жніўні

    710 – перамога дружын Давыда Гарадзенскага у 1314 г. над войскамі крыжакоў пад Наваградкам. 625 – 12 жніўня 1399 г. паражэньне войск Вялікага Княства Літоўскага на чале з князем Вітаўтам у бітве супраць войскаў Залатой Арды на рацэ Ворскла. 510 …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (818) – у 1206 г. пачаўся захоп інфлянцкімі (лівонскімі) крыжакамі Кукенойскага княства (населенага Крывічамі і балцкімі плямёнамі), у якім панаваў полацкі князь Вячка (Вячаслаў), які загінуў у бітве з крыжакамі ў 1224 годзе.
  • (131) – 17.07.1893 г. у Варшаве нар. Аляксандр Вянгерка, польскі акцёр і рэжысёр. Акцёрскую кар’еру пачынаў у 1912 г. у Вільні, пазьней працаваў у тэатрах Варшавы, Кракава і Лодзі, у 1939 г. заснаваў Дзяржаўны Польскі Тэатр БССР у Беластоку. У 1941 г. арыштаваны гестапа, загінуў.

Новы нумар / Novy numer

Папярэднія нумары

Усе правы абаронены; 2024 Czasopis