Pa prostu / Па-просту

  • Płacz zwanoŭ

    23. Zabytaja tragedia kala Krynak (3)

    Na UB u Sakołcy i pośle ŭ sudzie ŭ Biełastoku abvinavaczanych i śviedkaŭ asablivo szczacielno raspytvali pra sąd doraźny, jaki Niemcy pierad rasstrełam zrabili ŭ vadzianym mlinie ŭ Nietupie. Hety dzieravianny budynak staić i dziś nad reczkaj pry szasie da Kruszynianaŭ nidaloko vioski Biełahorcy. Daŭno…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • „Ja choču byti bliźka ludiam”

    Rozhovôr Jana i Haliny Maksimjukov z poetkoju Zojoj Sačko

    Jan: Čy pomniš, koli v tebe zjavivsie impuls, kob napisati peršy viêrš? I na jakôj movi tobiê napisałosie? Zoja: O, ja dumała, što ty tak i načneš… Ja učyłaś u školi v Parcievi, de była prykładnoju učenicieju. Pan od pôlśkoji movy skazav prynesti viêršyki pud… ЧЫТАЦЬ ДАЛЕЙ / CZYTAJ DALEJ

RSS і Facebook

Каментары і фельетоны / Komentarze i felietony

Кадравыя змены ў Маршалкоўскай управе

     ад      Камэнтары / Komentarze

Калі пасля восеньскіх самаўрадавых выбараў уладу ў Падляшскім ваяводстве пераняло ПіС, стала вядома, што будуць змены на кіраўнічых пасадах у Маршалкоўскай управе ў Беластоку. Сапраўды, больш як паўгода месяц у месяц а то і часцей маршалак Артур Касіцкі аб’яўляе фармальныя конкурсы на шэфаў і намеснікаў падлягаючых яму структураў. Хаця прыступаць можа да іх  кожны, хто  мае адпаведныя кваліфікацыі, то і так у выніку выйгрываюць кандыдаты павязаныя з ПіС.

Маршалкоўская ўправа з’яўляецца найбольшай адміністрацыйнай установай у ваяводстве. У яе структурах працуе агулам больш як тысяча людзей. Працу знайшлі там таксама праваслаўныя і беларусы. На кіраўнічых пасадах нашых, праўда, ніколі амаль не было. Але сярод звычайных чыноўнікаў вядома – не адны католікі. „Нашых людзей” нямала працуе так у Маршалкоўскай управе, як і падлягаючых ёй установах – ці то ў Ваяводскай управе працы, ці нават у Падляшскай оперы і філармоніі.

Кадравая структура ў самаўрадзе была даволі стабільнай, калі на працягу шмат гадоў пры ўладзе была кааліцыя Грамадзянскай платформы і Польскай сялянскай партыі. Яна, вядома, на працу прымала перадусім сваіх, асабліва на вышэйшых пастах. І ПіС цяпер іх мяняе. На пачатку чэрвеня маршалак Касіцкі адклікаў з пасады дырэктара Дэпартамента культуры Анатоля Вапа – бадай адзінага беларуса на такім высокім узроўні ва ўсёй управе. Працу страціла і яго намесніца Эдыта Юркевіч, таксама праваслаўная.

ПіС, якое кіруе самаўрадам ваяводства, хутка пазбудзецца вышэйшых чыноўнікаў, звязаных з папярэднімі ўладамі, значыць, з апазіцыяй. Было б аднак вар’яцтвам, каб „чыстка” кранула яшчэ ніжэй, а не дай Бог праваслаўных, якія гэтага пабойваюцца, што зразумелае.

У нядаўніх выбарах у Еўрапарламент на ПіС свой голас аддала таксама частка праваслаўнага электарату, што раней не здаралася. Але прыцягнуць да сябе яшчэ больш выбаршчыкаў, палохаючы месцамі працы, прынясе жа адваротны вынік. Думаю, што ПіС гэта разумее. З другога боку гэта сітуацыя даказвае, што рызыкоўна рабіць нам стаўку на адну толькі палітычную сілу, як было гэта дагэтуль з дамовамі з Грамадзянскай платформай, а раней з СЛД. Найлепш рашэнне пакінуць самім выбаршчыкам. А мо прыйшоў час паклікаць своў уласны выбарчы камітэт?

Юрка Хмялеўскі

 

P.S. Неафіцыйна вядома, што Анатоль Вап, мабыць, атрымае іншую высокую пасаду ва ўстанове, падлягаючай падляшскаму самаўраду.

 

Вярнуцца на галоўную старонку / Powrót na stronę główną

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў кастрычніку

    1005 – 1019 г. першая згадка ў летапісах пра Бярэсьце. 710 – 1314 г. князь Давыд Гарадзенскі разбіў вялікі паход крыжакоў на Наваградак. 625 – 1399 г. паражэньне ад татараў арміі Вялікага Княства Літоўскага на чале зь князём Вітаўтам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (592) – 15.10.1432 г. князь Вялікага Княства Літоўскага Жыгімонт (малодшы брат Вітаўта) аднавіў унію з Польшчай, але пасьля перамогі над Сьвідрыгайлам зноў вырашыў вызваліцца ад саюза з Польшчай.
  • (307) – У 1717 г. нар. Кароль Вырвіч (пам. у 1793 г.), пэдагог, філёзаф. Паходзіў зь сям’і незаможнага беларускага шляхціца з Браслаўшчыны. Выкладчык Collegium Nobilium. Аўтар падручнікаў „Паходжаньне сучасных дзяржаў і народаў”, „Кароткае сыстэматычнае выкладаньне ўсеагульнай гісторыі”, „Сучасная геаграфія”, „Усеагульная геаграфія”.
  • (207) – 15.10.1817 г. у Золотурне ў Швайцарыі пам. Андрэй Тадэвуш Банавэнтура Касьцюшка (нар. 30.11.1745 г. у фальварку Сяхновічы на Берасьцейшчыне ў сям’і  беларускага шляхціца) – вядомы палітычны дзеяч Рэчы Паспалітай.
  • (191) – 15.10.1833 г. у Флярэнцыі пам. Міхал Клеофас Агінскі (нар. 25.09.1765 г. у Гузаве пад Варшавай), дзяржаўны дзеяч, кампазітар, аўтар слыннага паланэза „Развітаньне з радзімай”.
  • (146) – 15.10.1878 г. памёр Ігнацы Касовіч (нар. у 1808 г. на Віцебшчыне), філолаг. Закончыў Галоўную духоўную сэмінарыю Віленскага унівэрсытэта. З 1833 г. прафэсар грэцкай мовы і царкоўнага красамоўства ў грэка-каталіцкай сэмінарыі ў Жыровічах. З 1835 г. выкладаў у Кромскай, Смаленскай, Маскоўскай гімназыях. З 1870 г. працаваў прафэсарам грэцкай мовы ў Варшаўскім унівэрсытэце. Разам з братам Каятанам склаў „Грэчэска-рускі слоўнік” (1847). 
  • (79) – 15.10.1945 г. пачала свой першы год працы Беларуская гімназія ў ДП-лягеры ў Ватэнштаце (Нямеччына). Дырэктарам школы быў Вацлаў Пануцэвіч (Папуцэвіч).
  • (74) – 15.10.1950 г. у Саўт-Рывэры (ЗША) а. Мікалаем Лапіцкім і Сьвятаславам Коўшам было заснавана Аб’яднаньне праваслаўных беларусаў.
  • (35) – 15.10.1989 г. у Менску памерла Вера Пола, актрыса. Нар. у Менску 7.02.1901 г., у 1922-1977 гг. працавала ў тэатры імя Янкі Купалы. Найбольш значныя ролі: Агата ў „Паўлінцы” Я. Купалы, Маланьня ў „Кар’еры таварыша Брызгаліна” Е. Міровіча, Карміліца ў „Рамэо і Джульета” Уільяма Шэкспіра.

Новы нумар / Novy numer

Папярэднія нумары

Усе правы абаронены; 2024 Czasopis