20 студзеня ў Вільні, Варшаве, Празе, Мінску, Полацку і італьянскай Падуі прайшлі каталіцкія набажэнствы за беларускага першадрукара Францыска Скарыну. У такі спосаб было адзначана 500-годдзе выдання „Малой падарожнай кніжыцы” гэтага выдатнага гуманіста, які жыў у XV-XVI ст.ст. Яна была выдадзена ў 1522 г. у Вільні як першая рэлігійная кніга на беларускай мове. З гэтай нагоды ўлады Літвы абвесцілі гэты год Годам Францыска Скарыны.

Падчас імшы ў варшаўскай архікатэдры Яна Хрысціцеля былі прысутныя таксама прадстаўнікі цэркваў, аб’яднаных у Польскай экуменічнай радзе. У інтэнцыі славутага друкары маліліся беларусы з дыяспапры і меншасці ў Польшчы, прадстаўнікі польскіх устаноў і арганізацый, якія дапамагаюць беларускім дэмакратычным сілам.

Францыск Скарына з’яўляецца важнай гістарычнай постаццю ў фармаванні беларускай нацыянальнай свядомасці незалежна ад веравызнання. Асабліва паважае яго каталіцкая царква як першага перакладчыка Бібліі са стараславянскай на рускую (старабеларускую) мову.