Pa prostu / Па-просту

  • Szucman z Nowaj Wioski

    Z cyklu "Płacz zvanoŭ" (Cz. 25)

    – Trzeba, żeby wszyscy Polacy chwycili się za prawo, bo jeśli Białorusy wezmą władzę w swoje ręce, to wszystkim będzie źle… Usim wiadomo, szto kali wosieniaj 1939 roku sawiety zajmali Zachodniuju Biełaruś, z wielkaj radaściu prywitali ich asobienno prawasłaŭnyja. Heto mieło swaje pryczyny, bo pad…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Драма памежных бізнесаў

Закрыццё пункту пропуску з Беларуссю ў Баброўніках адразу ўдарыла ў прадпрымальнікаў і іх працаўнікоў, якія дагэтуль жылі з кліентаў, што перасякалі мяжу. Мытныя пункты, крамы, гуртоўні і рэстараны практычна спынілі сваю дзейнасць. Уласнікі паднялі трывогу. Былі вымушаны звальняць працаўнікоў, бо з дня на дзень не стала грошай, каб іх аплаціць. Прыходзіцца ім цяпер шукаць новай працы, а калі не знаходзяць, рэгіструюцца як беспрацоўныя.

Прадпрымальнікі яшчэ ў большай бядзе. Некаторыя на свае бізнесы набралі крэдытаў і пазбаўленыя прыбытку не маюць чым іх сплачваць. Няма грошай таксама на электраэнергію, абаграванне, ваду… Заглядае ім у вочы банкруцтва.

Каб неяк ратавацца пачалі яны дамагацца ад уладаў нейкай дапамогі, фінансавай падтрымкі. Ад іх імя войт гміны Гарадок Веслаў Кулеша напісаў ліст з такой просьбай міністру ўнутраных спраў і адміністрацыі. Пацярпелыя паведомілі таксама падляшскіх парламентарыяў, просячы каб заступіліся за імі ў Варшаве.

22 сакавіка прадпрымальнікі зладзілі пікет у цэнтры Беластока. Адной з удзельніц была Аліна Цітко, суўласніца спажывецкай крамы ля пагранперахода ў Баброўніках. Журналістам сказала, што да моманту закрыця пункту пропуску амаль 100 прац. яе кліентаў гэта былі кіроўцы аўтафураў і грамадзяне Беларусі на аўтамашынах. Яе крама працавала кругласутачна. Агулам было ў ёй больш як дзесяць прадаўцоў. Засталося двух, але і ім няма з чаго выплачваць зарплатаў. Крама працуе толькі ў дзень і практычна няма ў ёй руху. Да гэтага ўласнікі патрацілі больш за 50 тыс. зл., бо куплены раней мясны тавар (каля 500 кг) стаў псавацца.

Гэта драма не толькі гандлю каля Баброўнікаў. Кожны дзень страты прыносіць таксама рэстаран з гасцініцай у Валілах-Станцыі. Адсутнасць кліентаў з-за ўсходняй мяжы адчуваюць і оптавыя склады ў Беластоку, у якіх куплялі тавар уласнікі крамаў. Палічылі яны, што агулам пацярпела некалькі сотняў сем’яў.

Закрыццё пагранперахода ў Баброўніках было рэакцыяй польскага ўрада на жорсткі прысуд у Гродне актывіста польскай меншасці і журналіста Анджэя Пачобута, якому прысудзілі восем гадоў пазбаўлення волі ў калоніі ўзмоцненага рэжыму.

Намеснік міністра ўнутраных спраў і адміністрацыі Блажэй Пабожы ў Польскім радыё Беласток сказаў, што праблемы прадпрымальнікаў польскі ўрад бачыць і аналізуе варыянты, каб ім дапамагчы. Падкрэсліў аднак, што сітуацыя ёсць надзвычайнай, паколькі за ўсходняй мяжой адбываецца шматвектарны міжнародны канфлікт.

Трэба тут нагадаць, што паўтара года не працуе ўжо гранпераход у Кузніцы. Там таксама пацярпелі прадпрымальнікі, якія вымушаны былі ліквідаваць свае бізнесы. Баяцца гэтага і тыя, якія жылі з кліентаў, што прасякалі мяжу ў Баброўніках. Бо выглядае на тое, што сітуацыя хутка не зменіцца.

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у чэрвені

    – у 1519 г. Францыск Скарына выдае ў Празе Кнігу Руф, Кнігу Эсфір, Кнігу Плач Іяэміі. – 28.06.1660 г. войскі Вялікага Княства Літоўскага і польскія разбілі каля вёскі Палонка Слонімскага павету войскі расейскага агрэсара (камандуючы Іван Хаванскі). – 7.06.1825 г. …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (248) – 24.06.1777 г. у Крывічах Вялейскага пав. нар. Ян Ходзька (Барэйка, Jan ze Świsłoczy), пісьменьнік, публіцыст, грамадзкі дзеяч. Памёр 10.11.1851 г. у Менску. Пахаваны ў Заслаўі.
  • (213) – 24.06.1812 г. пераправа войск Напалеона І цераз раку Нёман, пачатак вайны з Расіяй.
  • (125) – 24.06.1900 г. у маёнтку Боркі, Слуцкага павету нар. Кузьма Чорны (сапраўднае прозьвішча Мікалай Раманоўскі, пам 22.11.1944 г. у Менску) выдатны пісьменьнік-празаік, драматург, публіцыст). Пахаваны на Вайсковых могілках у Менску.
  • (118) – 24.06.1907 г. у Восаве Ігуменскага пав. нар. Язэп Зазека, пісьменьнік, навуковец, пэдагог. Быў м. інш. выкладчыкам у Беластоцкім Пэдагагічным Інстытуце ў 1940-1941 гг.. Памёр 27.08.1977 г. у Менску.
  • (76) – 24.06.1949 г. у Менску нар. Уладзімір Тоўсьцік, мастак. Закончыў Беларускі Тэатральна-мастацкі Інстытут (1972). З 1976 г. выкладчык  Беларускай Акадэміі Мастацтваў. Аўтар карцін на гістарычныя тэмы: „Легенда старога замка”, „Год 1863. Паўстаньне”, партрэтаў: Вінцэнта Дуніна-Марцінкевіча,
  • (75) – 24.06.1950 г. у Лондане памёр Валяр'ян Харкевіч (нар. у 1890 г.), гісторык, публіцыст і паэт, звязаны з віленскай газэтай „Słowo”, закончыў Віленскі унівэрытэт, аўтар публікацыяў пра рэлігійныя адносіны на землях Вялікага Княства Літоўскага, м. iнш.: „Zmierzch unji kościelnej na Litwie i Białorusi” (Wilno 1929), „Żyrowice – łask krynice” (Słonim 1930).
  • (36) – 24-25.06.1989 г. у Вільні адбыўся І Устаноўчы З’езд Беларускага Народнага Фронту „Адраджэньне”.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com