Pa prostu / Па-просту

  • Płacz zwanoŭ

    20. Szpieg z pastarunku milicji ŭ Szudziałavie

    Kali ŭ żnivo 1944 r. krasnaarmiejcy asvabadzili tutejszyja ziemli ad hitleraŭcaŭ, kala Szudziałava ażyvilisa katoliki, jakija jaszcze za Niemca zapisalisa da Armii Krajovaj. Takuju jaczejku ŭ Kazłovym Łuzie sarhanizavaŭ vosieniu 1942 r. Adolf Filipowicz z susiedniaho Biełaha Łuha. U AK ŭstupiŭ miż inszym Adolf Ogilba…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    4. Hajnuvka zbliźka

    To był maj, pachniała Saska Kępa / Szalonym, zielonym bzem – spivała Maryla Rodowicz u radivi kirovcy autobusa, kotorym my, dvadceť učenikôv škoły v Horodčyni i jeji dyrektorka pani Renia, voročalisie dochaty z vyciečki do Varšavy…ЧЫТАЦЬ ДАЛЕЙ / CZYTAJ DALEJ

RSS і Facebook

105-ыя ўгодкі БНР у Гданьску

25 сакавіка сьвяткаваньні пачаліся ад імшы за Беларусь ў Каралеўскай капліцы ў Гданьску. Пасьля на Гарнізонных могілках у цэнтры Гданьска Беларусы і віцэпрэзыдэнт Гданьска Пётр Крышэўскі склалі кветкі на магілах Лукі Дзекуь-Малея і яго жонкі Сэрафіны, (глядзіце здымак) а таксама мастака Козьмы Чурылы. Пастар царквы хрысьціян баптыстаў Робэрт Мікса прачытаў на польскай мове фрагмент евангельля сьв. Яна пра свабоду, а Лена Глагоўская тое-ж самае на беларускай.

Побач могілак сабралася вялікая грамада Беларусаў, якія пражываюць на Памор’і. Прынесьлі з сабой бел-чырвона-белыя сьцягі. Праз ронда Ахвяр Катыня сабраныя перашлі маршам у Эўрапейскі Цэнтр Салідарнасьці. Па дарозе ў падтрымку трубілі машыны, якія праязджалі па вуліцы, а будаўнікі, якія працавалі на шматпавярховіку крычалі: «Жыве Беларусь!» У Эўрапейскім Цэнтры Салідарнасьці (ЭЦС) адбыўся мітынг, падчас якога прамаўляў Раман Шчэрбаў – намесьнік старшыні Беларускага Культурнага Таварыства «Хатка» ў Гданьску, Уладзімір Мазур – сакратар БКТ «Хатка». Мітынг вёў Кацпэр Дзекан з ЭЦС. Выступіў таксама паэт Андрэй Хадановіч, які прачытаў свае новыя вершы і выканаў славутыя «Муры» з рэпертуару Яцка Качмарскага.

Адбыўся таксама кірмаш кніг фонду «Камунікат», упрыгожваньняў, маек прысьвечаных БНР, прац мастака Сяргея Русака. На дудзе іграў Яўген Барышнікаў, а жанчыны і мужчыны танцавалі ў такт музыкі беларускія народныя танцы.

Пасьля абеду ў бібліятэцы ЭЦС адбылася дыскусія прысьвечаная спадчыне БНР, у якой выступілі пісьменьнікі Андрэй Хадановіч і Уладзімір Арлоў і гісторык Лена Глагоўская. У 16 гадзін выступіў «Вольны хор» з багатай праграмай беларускіх патрыятычных песень. На заканчэньне дня ў студэнцкім клубе «Жак» выступілі The Superbullz i Belarusian True Story.

Сьвяткаваньне 105. угодкаў БНР у Гданьску сабрала вельмі шмат людзей, якія ўвесь дзень прысьвяцілі дзеля юбілею сваёй незалежнасьці.

Арганізатарамі сьвяткаваньня былі: Беларускае Культурнае Таварыства «Хатка», ЭЦС, Горад Гданьск.

Лена Глагоўская

1 thought on “105-ыя ўгодкі БНР у Гданьску

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў снежні

    760 – У 1263 г. паявілася першая пісаная зьвестка пра вядомы Ляшчынскі манастыр, які знаходзіўся на прадмесьці Пінска. 755 – 9.12.1268 г. быў забіты галіцкім князем Львом Данілавічам Войшалк, князь наваградзкі, вялікі князь ВКЛ (1263 – 1267) 735 – Пасьля …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (428) – у 1595 г. казацкае паўстаньне С. Налівайкі ахапіла беларускія землі. Казацкія атрады занялі Слуцак, спалілі Магілёў.
  • (186) – 5.12.1837 г. на Віцебшчыне нар. Аляксандар Вярыга (пам. 26.03.1905 г. у Адэсе), хімік, педагог, выпускнік Пацярбурскага Унівэрсытэту, вучань Д. Мендзялеева, пашыраў свае веды за мяжой. Дасьледаваў хімічны склад прыроднага газу, прафэсар Новасібірскага Унівэрсытэту, аўтар шэрагу дасьледаваньняў па хіміі.
  • (156) – 5.12.1867 г. у маёнтку Зулава Сьвянцянскага пав. нар. Юзаф Пілсудскі (пам. 12.05.1935 г.), выдатны польскі палітычны дзеяч.
  • (137) – 5.12.1886 г. у маёнтку Капланцы, Ігуменскага павету нар. Мікола Равенскі (пам. 9.03.1953 г. у Лювэне, Бэльгія), кампазытар, дырыгент, музычны крытык. Напісаў музыку да многіх вершаў беларускіх паэтаў, таксама кампанаваў рэлігійную музыку. Зьяўляецца між іншым аўтарам музыкі на словы Н. Арсеньневай „Магутны Божа”. У апошнія гады жыцьця кіраваў хорам беларускіх студэнтаў у Бэльгіі, зь якім даў многа канцэртаў у краінах заходняй Эўропы.
  • (106) – 5-17 (18-30).12.1917 г. у гарадзкім тэатры ў Менску адбыўся І Усебеларускі з’езд, на якім вырашалася пытаньне пра самавызначэньне і дзяржаўнасьць Беларусі. Удзельнічала 1872 дэлегатаў. Бальшавікі арыштавалі прэзідыюм з’езду. Рада з’езду працягвала дзейнасьць, быў створаны Выканаўчы Камітэт Рады, які падрыхтаваў акты незалежнасьці Беларусі.
  • (76) – 5.12.1947 г. у в. Сялец Бярозаўскага раёна нар. Алесь Разанаў – паэт, пэдагог, рэдактар. Актыўны дзеяч дэмакратычнай плыні беларускай літаратуры. Памёр 26.08.2021 г. у Менску.

Новы нумар / Novy numer

Папярэднія нумары

Copyright © 2023 Czasopis