Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (1)

    Vielkija Aziarania, szto ŭ hminie Krynki, za Niemcami vielmi ciarpieli ad partyzantaŭ, usiakaj maści bandytaŭ i zładziejaŭ. Dajszło da taho, sztu ludzi zarhanizawali tut samaabaronu...ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    7. Moja klasa

    Časom lepi vtečy z lekciji v školi i poveselitisie z kolegami, bo teper, koli ja ohladajusie nazad, moju vsmiêsku vyklikajut ne škôlny ociênki, a vspominki. P. J. Abdul Kalam) U 1970-ch liêtach u Liceji nr 9 u Hajnuvci byli štyry rumnobiêžny klasy po pryblizno 30…ЧЫТАЦЬ ДАЛЕЙ / CZYTAJ DALEJ

RSS і Facebook

Буйная канферэнцыя дэмакратычных сілаў

Узор пашпарту Новай Беларусі Фота арганізатараў
Узор пашпарту Новай Беларусі
Фота арганізатараў

6 жніўня ў Варшаве офіс Святланы Ціханоўскай, Аб’яднаны пераходны кабінет і Каардынацыйная рада супольна правялі канферэнцыю „Новая Беларусь 2023”. Прысутнічала на ёй амаль 300 удзельнікаў ад звыш ста арганізацый, партый ды ініцыятыў. Канферэнцыя пачалася хвілінай маўчання ў памяць пра загінулых за свабоду Беларусі. 

Святлана Ціханоўская ў сваім выступленні заявіла м.інш., што „наша задача – вырваць Беларусь з расійскай арбіты”. Лідарка дэмсілаў пэўны час не магла прысутнічаць у зале з увагі на пагрозу яе бяспецы, вестку пра якую атрымала польская паліцыя.

Удзельнікам быў прэзентаваны пашпарт Новай Беларусі. Такі альтэрнатыўны дакумент з Пагоняй на вокладцы, нацыянальнымі гістарычнымі сімваламі, пісаны лацінкай, будзе пацвярджаць беларускае грамадзянства. Пасля дэмакратычных перамен ёсць намер выдаваць яго ўсім грамадзянам Беларусі.

Пакуль пашпарт будзе выдаваць Пераходны кабінет. Пасля прэзентацыі на платформе „Голас” тыдзень часу праводзілася апытанне адносна зацікаўлення такім дакументам, з якім можна будзе падарожнічаць у іншыя краіны ў Еўропе. Паводле вынікаў ёсць аграмаднае зацікаўленне, каб яго атрымаць. Такое жаданне выказала толькі за гэты кароткі час больш за 57 тыс. асоб.

Дэлегаты ад Каардынацыйнай рады не прадоўжылі паўнамоцтваў прадстаўніку Аб’яднанага пераходнага кабінета па аднаўленні правапарадку Аляксандру Азараву. У яго падтрымку было 11 галасоў, супраць – 35, а 30 удзельнікаў устрымалася. У аб’яднанні сілавікоў супраць дыктатуры „Байпол”, якое ўзначальваў падпалкоўнік Міністэрства ўнутраных спраў Азараў, раней адбыўся раскол. Прычынай стала тое, што арганізацыя засталася без фінансавання заходнімі донарамі пасля таго, як супольна з украінскай разведкай правяла атаку на расійскі ваенны самалёт у Мачулішчах пад Мінскам.

У выніку канфлікта арганізацыя былых сілавікоў падзялілася. Юрыдычную назву BYPOL і план „Перамога” захаваў фонд Аляксандра Азарава. Нязгодныя з ім асобы заснавалі новую арганізацыю пад назвай BELPOL. Яе каманда паспяхова прайшла праверку на паліграфе, у чым раней адмаўлялася Азараву, што і стала нібыта прычынай расколу.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • у лютым

    185 – 12 (24).02.1839 г. быў скліканы сабор вуніяцкай царквы, які прыняў рашэньне пра яе далучэньне да праваслаўнай царквы. Каля 1,5 мільёна вернікаў (на беларускіх землях) было далучана да праваслаўя, частка з вуніятаў стала рыма-католікамі. Вунія на землях Каралеўства Польскага …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (131) – 26.02.1893 г. у Драздах Дзісенскага пав. нар. кс. Язэп Гайлевіч, дзеяч беларускага руху ў Латвіі (навучаў закону божага ў беларускіх школах). Звязаны з парафіяй (1921-1934, 1943-1949, 1959-1971) у Бальбінаве, дзе памёр 18.10.1971 г. З 1949 па 1956 г. знаходзіўся ў лагеры ў Мардовіі.
  • (116) – 26.02.1908 г. у Пецярбурзе нарадзіўся Аўген Бартуль, беларускі паэт і дзеяч Беларускага студэнцкага саюзу, закончыў права на Віленскім унівэрсытэце. Пасьля ІІ сусьветнай вайны жыў і працаваў судзьдзёй і натарусам у Лембарку на Памор'і. Памёр там 22.06.1992 г.
  • (113) – 26.02.1911 г. в. Трашчычы Наваградзкага павету нар. а. Леў Гарошка (пам. 28.07.1977 г. у Парыжы), беларускі сьвятар, рэлігійны і грамадзкі дзеяч, дасьледчык гісторыі рэлігіі ў Беларусі, літаратар, аўтар многіх артыкулаў, кніжак, між іншым склаў  грэка-лацінска-царкоўнаславянска-беларускі слоўнік (20 тыс. слоў). Пахаваны на могілках сьв. Панкрата ў Лондане.
  • (92) – 26.02.1932 г. у Менску выйшаў І нумар тыднёвіка „Літаратура і Мастацтва”.
  • (81) – 26.02.1943 г. у Самаркандзе памёр Канстанцін Алексютовіч, балетмайстар (нар. 20.05.1884 г. у Бахаравічах каля Пухавіч), у 20-ыя і 30-ыя гады быў аўтарам пастановак балету, м. ін. „Капэлія” Л. Дэліба, „Зачараваны лес” Р. Грыга. Пахаваны на Усходніх могілках у Менску.
  • (68) – 26.02.1956 г. у Беластоку адбыўся І арганізацыйны Зьезд Беларускага Грамадзка-Культурнага Таварыства. Адначасна быў надрукованы сыгнальны нумар беларускага тыднёвіка ў Польшчы „Ніва”.

Новы нумар / Novy numer

Папярэднія нумары

Copyright © 2024 Czasopis