Pa prostu / Па-просту

  • Płacz zwanoŭ

    23. Zabytaja tragedia kala Krynak (1)

    U viosaczcy Trejgli niedaloka Krynak za sanacji żyli bahatyja haspadare Jurczeni, jakija mieli 23 ha ziamli. „Bahatyroŭ” u czerwcu 1941 r. enkavudzisty vyvieźli na Sibir (viarnulisa ŭ 1946 r.). Z hetaj pryczyny pośle pajszła ŭ vioscy i vakolicy nizhoda. Syn „kułakoŭ” Edzik za sanacji byŭ…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    11. Jabłyka i pomarančy

    Knižki i filmy podôbny do jabłyk i pomarančuv. Odny i druhi naležat do ovocuv, ale smakujut preč po-raznomu. (Steven King) To było tohdy, jak ja brontavsie hołodny po Krystijaniji, siêtum divovidnum miêsti, kotoroho čołoviêk ne pokine, poka vono ne nakłade na joho svojoji pôznaki… Siêty… ЧЫТАЦЬ ДАЛЕЙ / CZYTAJ DALEJ

RSS і Facebook

Biełaruś 2020: unutranaja akupacyja

Kali pišu hetyja słovy, za tydzień da zakančeńnia biełaruskaha žniŭnia 2020, to nia baču pierakanaŭčych dokazaŭ, što režym Alaksandra Łukašenki „ruchnie” ŭ bližejšyja dni ci bližejšyja tydni.

Dźvie rečy, jak mnie zdajecca, vyrazna śviedčać ab tym, što kiraŭnik Biełarusi, jaki z treskam prajhraŭ sioletnija prezydenckija vybary, zastaniecca jašče na niejki niavyznačany čas pry ŭładzie jak uzurpatar i načalnik milicejska-vajskovaj chunty.

Pa-pieršaje, Łukašenku ŭdałosia nie dapuścić da ahulnaha strajku biełaruskich dziaržaŭnych pradpryjemstvaŭ-hihantaŭ, na jakich trymajecca archaičnaja ekanomika krainy. Kali b jany salidarna zastrajkavali i padtrymali stotysiačnyja mitynhi ŭ Miensku, sychod Łukašenki na śmietnik historyi byŭ by vyrašany. Ale spantannaja biełaruskaja „revalucyja hodnaści”, jakaja mahutna ździviła ŭvieś śviet i, što skryvać, samich biełarusaŭ, dała zboj jakraz tam, dzie patrebnyja strohaja arhanizavanaść i niemałyja materyjalna-finansavyja resursy, kab atrymaŭsia pieramožny strajk.

Pa-druhoje, Maskva, jakaja ŭ pieršyja dni paślavybarčych pratestaŭ u Biełarusi zachoŭvała dystancyju, vyrašyła pryjści na paratunak biełaruskamu ŭzurpataru. Kiraŭnik rasiejskaj dyplamatyi Siarhiej Łaŭroŭ daŭ jasna zrazumieć, jak Kreml bačyć vyrašeńnie biełaruskaj prablemy – praz kanstytucyjnuju reformu i „hramadzki dyjaloh”, jaki budzie aprabavany Łukašenkam. A heta aznačaje, što Łukašenka atrymaŭ ad Maskvy indulhiencyju za hrachi, u jakich jon i nia dumaje raskajvacca, i carte blanche na toje, što jamu rabić dalej. Adnačasova Łaŭroŭ vykazaŭ sumnieńnie ŭ lehitymnaści apazycyjnaj Kaardynacyjnaj rady, jakaja svaim hałoŭnym zadańniem stavić mirnuju pieradaču ŭłady šlacham novych, sumlennych i prazrystych vybaraŭ. Karaciej, Kreml za kanstytucyjnuju reformu i dyjaloh u Biełarusi, ale pra kirunak reformy i ŭdzielnikaŭ dyjalohu maje vyrašać Łukašenka.

I ŭsio ž Biełaruś pad kaniec žniŭnia 2020 – heta zusim inšaja kraina, čym taja, jakoj jana była, skažam, pad kaniec krasavika ci navat traŭnia 2020. Heta kraina, u jakoj bolšaść žycharoŭ razumieje, što paśla kryvavaj razpravy milicyi i OMONu z paślavybarčymi pratestami na vulicach i paśla katavańniaŭ zatrymanych u zaścienkach mienskaha Akreścina i ŭ inšych turmach, uzurpatar ustalavaŭ režym unutranaj akupacyi.

Pieravažnaja bolšaść biełarusaŭ apynułasia ŭ psychalahičnaj sytuacyi narodu, akupavanaha čužyncami. Hetkaje adčuvańnie tolki ŭzmacniłasia, kali na mienskija vulicy vyjšła biełaruskaje vojska, jakoje nibyta maje baranić biełarusaŭ ad źniešniaj ahresii. Akazałasie, što najstrašniejšym prykładam „źniešniaj ahresii” byŭ pieralot z boku Litvy ŭ Biełaruś vaśmi pavietranych balonikaŭ ź bieł-čyrvona-biełaj symbolikaj. Ministerstva abarony Biełarusi zajaviła, što hetyja baloniki z antydziaržaŭnaj symbolikaj byli „spynieny z dapamohaj viertalotaŭ”. Hratesk z pahroźlivym padtekstam: ludzi na mitynhi vychodziać taksama z antydziaržaŭnaj symbolikaj. Ich taksama buduć spyniać z dapamohaj viertalotaŭ?

Jašče bolšym hrateskam byŭ viertalotny pieralot Łukašenki ŭ broniežylecie i z aŭtamatam nad Mienskam, jaki nie pasaromielisia pakazać na ŭsich kanałach łukašenkaŭskija prapahandysty. Źjaviłasia darečnaje narodnaje pytańnie: ci tak pavinien reahavać čałaviek, za jakoha dva tydni raniej prahałasavali nibyta 80 pracentaŭ biełarusaŭ? I druhoje narodnaje pytańnie: ci ŭsio ŭ paradku ź jaho hałavoj?

Skazać, što suprać uzurpatarstva Łukašenki vystupaje ŭsia Biełaruś, nielha. Pavodle majho adčuvańnia, pryblizna čverć biełaruskaha nasielnictva, z roznych pryčynaŭ, padtrymlivaje Łukašenku. U hetaj hrupie – nia tolki dziaržaŭnaja administracyja ŭsich uzroŭniaŭ, nia tolki milicyja sa svaimi sadystami z OMONu, nia tolki aficerskaja kadra armii, ale i dziasiatki tysiač členaŭ vybarčych kamisij, jakija ciaham bolš čym dvuch dziesiacihodździaŭ falšavali vyniki vybaraŭ na karyść Łukašenki. Va ŭsich ich, zrazumieła, jość siemji. Jim usim nia treba nijakaj źmieny. Jany zastajucca na baku zła. Zastajucca ŭ rabstvie, ź jakoha sioleta pačaŭsia vychad astatnich troch čverciaŭ.

Jan Maksimiuk

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў ліпені-жніўні

    710 – перамога дружын Давыда Гарадзенскага у 1314 г. над войскамі крыжакоў пад Наваградкам. 625 – 12 жніўня 1399 г. паражэньне войск Вялікага Княства Літоўскага на чале з князем Вітаўтам у бітве супраць войскаў Залатой Арды на рацэ Ворскла. 510 …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (764) – 13 ліпеня 1260 г. войскі старабеларускай дзяржавы – Вялікага Княства Літоўскага разьбілі крыжакоў каля возера Дурбе.
  • (392) – 13(23).07.1632 г. памёр Памва Бярында, дзеяч усходнеславянскай культуры, лексікограф, друкар, аўтар сылябічных вершаў і „Лексікона славенароскага...” (1627), самага вялікага на Беларусі слоўніка ХVII ст. (каля 7000 слоў).
  • (196) – 13.07.1828 г. у Нягневічах пад Наваградкам нар. Іван Малышэўскі, гісторык царквы. Закончыў Жыровіцкае Духоўнае Вучылішча, Мінскую Духоўную Сэмінарыю і Кіеўскую Духоўную Акадэмію (1853). У 1962-1897 г.г. быў прафэсарам Кіеўскай Духоўнай Акадэміі, дасьледаваў творы і жыцьцё Кірылы Тураўскага („Творы Св. Кірыла Тураўскага з апісаньнем яго жыцьця” (1878). Памёр 11.01.1897 г. у Кіеве, дзе і пахаваны.
  • (34) – 13-15 ліпеня 1990 г. у Гарадку адбыўся І Фэстываль Музыкі Маладой Беларусі сарганізаваны Беларускім Аб’яднаньнем Студэнтаў ды Гмінным Асяродкам Культуры ў Гарадку. Выступалі між іншым Сяржук Сокалаў-Воюш, гурты „Уліс”, „Мроя”.
  • (34) – у начы  з 12 на 13 ліпеня 1990 г. была падпалена ды згарэла царква Праабражэньня Гасподняга на Сьв. Гары Грабарцы.

Новы нумар / Novy numer

Папярэднія нумары

Усе правы абаронены; 2024 Czasopis