Сучасная вайна гэта не толькі бомбы і ракеты, але і псіхалагічная інфармацыйная тактыка з выкарыстаннем развітых тэхналогій найперш праз інтэрнэт і тэлебачанне. Пасля нападу Расіі на Украіну Крэмль адразу пацыфікаваў у сябе журналістаў, забараняючы ім у іншы чымсьці афіцыйна прыняты спосаб перадаваць ваенныя інфармацыі. У рэзультаце расіяне доўгі час на экранах сваіх тэлевізараў разбураных ракетамі і бомбамі ўкраінскіх будынкаў нават не бачылі. Ім рэдактары талкавалі толькі, што там пачалася нейкая спецаперацыя.
І вось у варунках такой цэнзуры 14 сакавіка падчас галоўнага выпуску інфармацыйнай праграмы „Время” на першым тэлеканале ў студыю ўбегла раптам нейкая дзеўка, якая за плячыма вядучай трымала праз хвіліну антываенны плакат. На ім былі надпісы – па-англійску – „Стоп вайне”, „Не верце прапагандзе”, „Тут вас абманваюць”. Дзеўка некалькі разоў крыкнула „Спыніце вайну!” і тады знікла з экрана.
Аказваецца, была гэта Марына Аўсяннікава, дачка ўкраінца і расіянкі. Увесь свет заўважыў яе ўчынак, за што ўдзячнасць выказаў ёй нават прэзідэнт Украіны Володымыр Зэленскі.
Згодна з новым законам за штосьці такое пагражае нават пятнаццаць гадоў зняволення. Тымчасам Аўсяннікаву засудзілі толькі штраф памерам 30 тыс. рублёў (у пералічэнні каля 1,2 тыс. зл.). Цікава, што ў судзе яе абаронцам быў беларускі адвакат Антон Гашынскі.
Хутка з’явіліся меркаванні, што акцыя магла быць поўнасцю запланаваная Крамлём, каб крыху размякчыць пазіцыю расіян у свеце.
