Славаміра Аксюціка з Кабылянкі каля Міхалова Беластоцкага павета зачаравала прыгажосць архітэктуры драўляных цэркваў на Беласточчыне. Захацеў прысвяціць ёй свой вольны час.
І сталася. Пачаў ездзіць і бачна прыглядацца прывабным аб’ектам сакральнага будаўніцтва, сапраўдным жамчужынам. Пвзнаёміўся з некаторымі помнікамі старадаўнасці. Фатаграфаваў іх, распытваў, ці захааваліся планы іх пабудовы. Старэйшых жыхароў пытаў, якія раней былі агароджы вакол той ці іншай царквы, якія раслі дрэвы. Часта званіца была збоку будынка храма. Мой бацька з 1915 года нараджэння, расказаў мне, што гэтак было ў Старым Ляўкове. Тут невысокая драўляная званіца стаяла каля агароджы.
Славамір Аксюцік на працягу шасці гадоў зрабіў макеты прыгожых цэркваў у Міхалове, Новай Волі, Пяценцы, Тапалянах і Юшкавым Грудзе (гэтая апошняя на фотаздымку). Прысвяціў ім шмат часу. Чатыры мініятуры вышэйзгаданых храмаў пераказаў у цэрквы. Цяпер намераны зрабіць мадэль царквы са шматгадовай і цікавай гісторыяй у Старым Ляўкове Нараўчанскай гміны Гайнаўскага павета. Яе перабудавалі (у ёй прамавугольныя і круглыя акенцы), перакрылі, дабудавалі высокую званіцу і салідныя ўсходы. Звонку яе сцены малявалі раз на яснасіні (галубовы), наступным разам на яснакарычневы колер. Яна менш складаная па сваёй архітэктуры. Мініятуру яе будзе прасцей і хутчэй зрабіць.
Янка Целушэцкі
