Pa prostu / Па-просту

  • Płacz zwanoŭ

    19.Szalony kamandant z Sannikoŭ

    Pośle taho, jak letam 1944 r. Krasnaja Armia prahnała ad nas hitleraŭcaŭ, z zaniatych viosak na front brali maładych mużczyn. Tak mabilizavali miż inszym Kola K. z Sannikoŭ – apuściełaj cipier vioski pad Krynkami, pamiż Kruszynianami i Szaciłami. Jon naradziŭso ŭ 1916 r. Za polskim…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

RSS і Facebook

Змяншаецца колькасць навучэнцаў беларускай мовы

Пачатковая школа н-р 4 імя Сібіракаў у Беластоку
Пачатковая школа н-р 4 імя Сібіракаў у Беластоку

Гэта можна было прадбачыць. Упершыню ад 25-ці гадоў, адкуль у Пачатковай школе н-р 4 у Беластоку, у якой ёсць навучанне беларускай мовы, не набраны першы клас. Прычынай стаў ранейшы канфлікт вакол планаў магістрату спалучэння гэтай школы ў адзін комплекс з суседнім Самаўрадавым прадшколлем н-р 14. З гэтага менавіта садка кожны год трапляла туды найбольш дзетак у клас з навучаннем беларускай мовы.

Хаця бацькам удалося адстаяць аўтаномію прадшколля, напружанасць засталася. Нядобрую сітуацыю дадаткова ўскладніла варожасць у Польшчы да беларускасці ў сувязі з крызісам на польска-беларускай мяжы, а пасля з вайною ў Украіне, паколькі рэжым у Мінску падтрымаў расійскага агрэсара.

Дагэтуль кожны год пасылаць дзетак у „чацвёрку” іх бацькоў заахвочвалі настаўніцы ў садку і яго дырэктарша Люцыя Неміровіч. У чэрвені была яна аднак адклікана са сваёй функцыі пасля конкурсу, у выніку ягога з 1-га верасня ўстановай будзе кіраваць ужо іншая асоба, адна з беластоцкіх матушак. Люцыя Неміровіч стала дырэктарам прадшколля, якое паклікала Непублічная праваслаўная школа св.св. Кірылы і Мяфодзія. Там таксама ёсць навучанне беларускай мовы, але таксама ўкраінскай і рускай. Таму меншасны характар гэтай школы неадназначны, перадусім яна праваслаўная, заняткі заўсёды пачынаюцца малітвай. Публічнае прадшколле н-р 14 нашмат больш беларускае, бо яшчэ інтэгруе асяроддзе бацькоў падчас шматлікіх мерапрыемстваў, калі супольна з дзеткамі ўдзельнічаюць яны ў сцэнках, спяваюць песні. Да таго сваіх дзяцей пасылае сюды і беларуская дыяспара.

Змяншэнне колькасці навучэнцаў беларускай мовы гэта агульная з’ява ў рэгіёне. Таксама ў Бельску на такія заняткі з верасня бацькі паслалі менш дзетак чымсьці дагэтуль. У першы клас паступіла іх толькі 38, паколькі шчэ дваццаць гадоў таму ажно 150.

Цікава, што ў гэтым горадзе ва ўкраінскамоўны клас, як прымеркаваны для нацыянальнай меншасці, сваіх дзяцей не пасылаюь бежанцы з Украіны. Ім трэба вучыцца толькі па-польску…

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў кастрычніку

    760 – Першыя пісаны зьвесткі (1263 г.) пра вядомы Ляшчынскі манастыр, які размяшчаўся ў Лешчы (прадмесьці Пінска). 500 – У 1523 г. была надрукована ў Кракаве славутая паэма „Песьня пра зубра” аўтарства выдатнага беларускага паэта, выпускніка вучылішчаў Рэчы Паспалітай і …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (504) – 1519 г. беларускі новалацінскі паэт Мікола Гусоўскі пачаў складаць славутую паэму „Песьню пра зубра”.
  • (47) – 4.10.1976 г. У Ленкаўшчыне (Маладзечанскі р-н) памёр Юльян Сергіевіч (нар. 23.09.1910 г. у Юраўшчыне каля Маладэчна), беларускі паэт і настаўнік. Друкаваўся з 1922 г. у заходнебеларускіх выданьнях.
  • (42) – 4.10.1981 г. у Лёндане памёр кс. Часлаў Сіповіч (нар. 25.11.1914 г. у Дзедзінцы Браслаўскага пав.), ініцыятар і заснавальнік Беларускага дома айцоў марыянаў у Лёндане і Беларускай бібліятэкі імя Ф. Скарыны ў Лёндане, актыўны дзеяч беларускай эміграцыі ў Вялікабрытаніі.

Новы нумар / Novy numer

Папярэднія нумары

Copyright © 2023 Czasopis