Pa prostu / Па-просту

  • Szucman z Nowaj Wioski

    Z cyklu "Płacz zvanoŭ" (Cz. 25)

    – Trzeba, żeby wszyscy Polacy chwycili się za prawo, bo jeśli Białorusy wezmą władzę w swoje ręce, to wszystkim będzie źle… Usim wiadomo, szto kali wosieniaj 1939 roku sawiety zajmali Zachodniuju Biełaruś, z wielkaj radaściu prywitali ich asobienno prawasłaŭnyja. Heto mieło swaje pryczyny, bo pad…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Ruch napierad zrazumieła kudy

Napiaredadni sustrečy z Alaksandram Łukašenkam nakont losu dalejšaj intehracyi Rasieji ź Biełaruśsiu, Uładzimir Pucin skazaŭ:

„My […] z našymi biełaruskimi partnerami […] ruchajemsia napierad u značnaj stupieni. Ale na što my zmožam vyjści, pakul niezrazumieła”.

Sustreča abodvuch prezydentaŭ u Sankt-Pieciarburhu 20 śniežnia adbyłasia, ale bolšaj jasnaści, u jakim kirunku ruchajecca rasiejska-biełaruskaja intehracyja, hetyja pieramovy nie dadali. Paśla sustrečy zastalisia niaŭzhodnienymi try „darožnyja mapy” pahłyblenaj intehracyi. Hetyja niaŭzhodnienyja spravy datyčyli hazavaj, naftavaj i padatkovaj sferaŭ. To bok tych sferaŭ, ad jakich naŭprost zaležyć ekanamična-finansavaja suverennaść i stabilnaść Biełarusi.

U Miensku tym časam prachodzili pratesty suprać intehracyi krainy z Rasiejaj, jakija źbirali pa pryblizna tysiačy čałaviek. Dvuchmiljonny horad žyŭ u pieradśviatočny čas inšym kłopatam i naohuł nie turbavaŭsia ni losam intehracyji, ni niebiaśpiekaj, jakuju dla niezaležnaści krainy antyłukašenkaŭskaja apazycyja bačyć ŭ intehracyi. Jak byccam bolšaść biełarusaŭ była pierakananaja, što Łukašenka, jaki ŭmieła vykručvaŭsia z intehracyjnych abdymkaŭ „starejšaha brata” ciaham apošnich dvaccaci hadoŭ, hetym razam taksama zmoža vykrucicca i nie abmianiaje dziaržaŭnaha suverenitetu na tańniejšyja enerhanośbity.

Vyhladaje na toje, što pieravažnaja bolšaść biełarusaŭ nie pamylicca i hetym razam. Navat kali rasiejski haz u 2020 hodzie stanie dla Biełarusi daražejšym, to Biełaruśsiu nadalej budzie kiravać Łukašenka ŭ Miensku, a nia Kreml. Łukašenka paśla sustrečy z Pucinam skazaŭ, što Rasieja i Biełaruś „kanceptualna damovilisia” pra pastaŭki nafty i hazu. Što treba razumieć: ceny pastavak jašče da kanca nia ŭzhodnienyja, ale naŭrad ci jany buduć niepadjomnaja dla Miensku.

Čamu Maskva, pry ŭsich svaich ryčahach palityčnaha, medyjalnaha i, pierad usim, ekanamičnaha ŭpłyvu, tak i nia zdoleła schilić Łukašenku da zhavorlivaści, nia kažučy ŭžo pra toje, kab zamianić jako niekim inšym, bolš zhavorlivym?

Na hetaje pytańnie davalisia roznyja adkazy, ale samym blizkim da praŭdy padajecca mnie ćvierdžańnie, što Łukašenka ŭdačna, užo čverć stahodźdźia, vykarystoŭvaje dla svaich intaresaŭ hieapalityčnyja ambicyi Rasieji. Rasieja ŭvieś čas u postsaviecki peryjad imknułasia być centram pryciahnieńnia ŭsioj postsavieckaj prastory (kali nie ličyć troch bałtyjskich krainaŭ). Tamu Łukašenka dla Kramla – prapahandysckaja vitryna dabrotaŭ, jakija daje krainie padtrymka Rasieji i palityčna-ekanamičny sajuz z Rasiejaj.

Maskva ne pakidaje ambicyj reintehravać postsavieckuju prastoru, a Łukašenka ŭ hetaj prastory – madelny prykład dziaržaŭnaha kiraŭnika, jaki z takich ambicyj asabista karystaje. To bok pasył Maskvy ŭ hetym vypadku skiravany nia stolki da hramadztvaŭ postsavieckich krainaŭ, kolki da ich kiraŭnikoŭ – voś pahladzicie, Łukašenka pry našaj padtrymcy ŭzo 25 hadoŭ pry ŭładzie. I ništo nie zaminaje, kab jon pakiravaŭ Biełaruśsiu jašče nastupnych 25. Nie chaciełasia b i vam tak, jak jon? Pahladzicie na Ŭkrainu, jakaja nas nia lubić… Ci šmat tam tołku? Z bolšaha, jak dumaju, heta tłumačyć fenomen Łukašenki datyčna taho, čamu Maskva nia choča jaho mianiać i čamu Kreml musić ciarpieć jahonyja zaŭvahi nakštałt „na chrana nam taki sajuz?” dy adnačasova praciahvać davać Miensku źnižki na naftu i haz.

Kali tak, to što z hetaha vynikaje dla Biełarusi i jaje budučyni, zapytajecie. Jość niejki pazytyŭ?

Kaniešnie, jość. Siońnia užo pałova žycharoŭ Biełarusi nia pomnić, jak žyłosia u Savieckim Sajuzie. Dla ich realnaść – niezaležnaja Biełaruś, jakaj b jana ni była. Praciahnie Łukašenka jašče hadoŭ 25, i pra intehracyju Biełarusi z Rasiejaj pierastanuć havaryć navat u Kramli. I ŭ hetym adzinaja nadzieja. Hučyć cynična, ale bačycie inšy vychad?

Jan Maksimiuk

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у чэрвені

    – у 1519 г. Францыск Скарына выдае ў Празе Кнігу Руф, Кнігу Эсфір, Кнігу Плач Іяэміі. – 28.06.1660 г. войскі Вялікага Княства Літоўскага і польскія разбілі каля вёскі Палонка Слонімскага павету войскі расейскага агрэсара (камандуючы Іван Хаванскі). – 7.06.1825 г. …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (248) – 24.06.1777 г. у Крывічах Вялейскага пав. нар. Ян Ходзька (Барэйка, Jan ze Świsłoczy), пісьменьнік, публіцыст, грамадзкі дзеяч. Памёр 10.11.1851 г. у Менску. Пахаваны ў Заслаўі.
  • (213) – 24.06.1812 г. пераправа войск Напалеона І цераз раку Нёман, пачатак вайны з Расіяй.
  • (125) – 24.06.1900 г. у маёнтку Боркі, Слуцкага павету нар. Кузьма Чорны (сапраўднае прозьвішча Мікалай Раманоўскі, пам 22.11.1944 г. у Менску) выдатны пісьменьнік-празаік, драматург, публіцыст). Пахаваны на Вайсковых могілках у Менску.
  • (118) – 24.06.1907 г. у Восаве Ігуменскага пав. нар. Язэп Зазека, пісьменьнік, навуковец, пэдагог. Быў м. інш. выкладчыкам у Беластоцкім Пэдагагічным Інстытуце ў 1940-1941 гг.. Памёр 27.08.1977 г. у Менску.
  • (76) – 24.06.1949 г. у Менску нар. Уладзімір Тоўсьцік, мастак. Закончыў Беларускі Тэатральна-мастацкі Інстытут (1972). З 1976 г. выкладчык  Беларускай Акадэміі Мастацтваў. Аўтар карцін на гістарычныя тэмы: „Легенда старога замка”, „Год 1863. Паўстаньне”, партрэтаў: Вінцэнта Дуніна-Марцінкевіча,
  • (75) – 24.06.1950 г. у Лондане памёр Валяр'ян Харкевіч (нар. у 1890 г.), гісторык, публіцыст і паэт, звязаны з віленскай газэтай „Słowo”, закончыў Віленскі унівэрытэт, аўтар публікацыяў пра рэлігійныя адносіны на землях Вялікага Княства Літоўскага, м. iнш.: „Zmierzch unji kościelnej na Litwie i Białorusi” (Wilno 1929), „Żyrowice – łask krynice” (Słonim 1930).
  • (36) – 24-25.06.1989 г. у Вільні адбыўся І Устаноўчы З’езд Беларускага Народнага Фронту „Адраджэньне”.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com