Pa prostu / Па-просту

  • Płacz zwanoŭ

    23. Zabytaja tragedia kala Krynak (1)

    U viosaczcy Trejgli niedaloka Krynak za sanacji żyli bahatyja haspadare Jurczeni, jakija mieli 23 ha ziamli. „Bahatyroŭ” u czerwcu 1941 r. enkavudzisty vyvieźli na Sibir (viarnulisa ŭ 1946 r.). Z hetaj pryczyny pośle pajszła ŭ vioscy i vakolicy nizhoda. Syn „kułakoŭ” Edzik za sanacji byŭ…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    11. Jabłyka i pomarančy

    Knižki i filmy podôbny do jabłyk i pomarančuv. Odny i druhi naležat do ovocuv, ale smakujut preč po-raznomu. (Steven King) To było tohdy, jak ja brontavsie hołodny po Krystijaniji, siêtum divovidnum miêsti, kotoroho čołoviêk ne pokine, poka vono ne nakłade na joho svojoji pôznaki… Siêty… ЧЫТАЦЬ ДАЛЕЙ / CZYTAJ DALEJ

RSS і Facebook

Рэжым ваюе нават з памерлымі

Пустое месца па помніку Ларысы Геніюш у Зэльве  Радыё Рацыя
Пустое месца па помніку Ларысы Геніюш у Зэльве
Радыё Рацыя

30 сакавіка ў ночы быў знесены помнік Ларысы Геніюш, які з 2003 г. стаяў ля царквы Святой Тройцы ў Зэльве. Знік бясследна, дэмантаваны і вывезены невядома кім і на чый загад. Хаця можна дадумацца.

Знесці помнік беларускай паэтцы – вязня сталінскага ГУЛАГу, якая адмовілася ад савецкага пашпарту, патрабавала праўладная і прарасійская актывістка з Гродна Вольга Бандарава. Паводле яе ён нібыта парушае закон „аб недапушчэнні рэабілітацыі нацызму”. Паводле парталу Hrodna.life пагадзіліся на гэта начальнік па ідэалагічнай працы Гарадзенскага аблвыканкама Ігар Булаўка і намесніца старшыні Зэльвенскага райвыканкама Галіна Раманчук.

Аднак яшчэ 29 сакавіка мясцовыя ўлады адмовіліся, спасылаючыся на заканадаўства. Дзень пазней усё-такі помнік хтосьці спратаў. Як першы агучыў гэтую сумную вестку пражываючы ў Беластоку ўнук паэткі Міхась Геніюш, якому ў той сам дзень з Зэльвы даслалі здымак пустога месца па помніку. Адразу даў інфармацыю ў Радыё Рацыя. Сказаў, што гэта яму вельмі дзіўна, бо „нават пры савецкай уладзе, калі жыла яго бабуля, выдавалі яе кнігі, друкавалі вершы, клікалі ў Саюз пісьменнікаў”.

Паэт і перакладчык Андрэй Хадановіч у эфіры Радыё Рацыя сказаў, што цяперашняя антыбеларуская ўлада паціху ўдарыла ў памяць Ларысы Геніюш, бо яна была дзеячкай Беларускай Народнай Рэспублікі, а ў Зэльве сімвалам беларускай незалежнасці і „да яе ў дом як у месца паломніцтва прыязджалі дзеячы нашай культуры, каб натхняцца, падыхаць свежым вольным паветрам і набраць сіл”.

Гэты яўны гваўт быў учынены як ні дзіўна да саракагоддзя смерці паэткі, якой не стала 7 красавіка 1983 г. Правесці яе ў апошні шлях прыбылі тады тысячы людзей з Зэльвы, раёну ды іншых гарадоў і вёсак Беларусі. Як успамінаў пры жыцці прафесар Аляксей Пяткевіч, „працесія цягнулася з Зэльвы да саміх могілак, а гэта даволі далёка. Людская плынь была густая, шырокая. Я помню, як аглядаўся ўвесь час і мяне здзіўляла, што столькі людзей выйшла – практычна ўся Зэльва”.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў ліпені-жніўні

    710 – перамога дружын Давыда Гарадзенскага у 1314 г. над войскамі крыжакоў пад Наваградкам. 625 – 12 жніўня 1399 г. паражэньне войск Вялікага Княства Літоўскага на чале з князем Вітаўтам у бітве супраць войскаў Залатой Арды на рацэ Ворскла. 510 …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (111) – 14.07.1913 г. у Вільні было заснавана Беларускае Выдавецкае Таварыства, яго ўзначальвалі Б. Даніловіч, І. Луцкевіч, К. Шпакоўскі. Надрукавала 15 кніг агульным тыражом 50 тысяч асобнікаў – зборнікі вершаў, падручнікі па беларускай мове, п’есы для самадзейнікаў.

Новы нумар / Novy numer

Папярэднія нумары

Усе правы абаронены; 2024 Czasopis