Pa prostu / Па-просту

  • Płacz zwanoŭ

    24. Dochtar Maroz (6)

    U archiwie IPN kromie dakumentaŭ UB majuć jaszcze druhuju dakumentacju – z Wajskowaho rajanowaho sudu ŭ Biełastoku, dzie krychu bolsz infarmacjaŭ pra sprawu Wacława Maroza. Baraniŭ jaho adwakat Alaksandar Saroka z Warszawy. 26 kwietnia 1950 r. jak obrońca wojskowy pasłaŭ da suda ŭ Biełastoku piśmo,…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Хроніка / Kronika

Раптоўная смерць міністра

     ад      Камэнтары / Komentarze

26 лістапада ў чыноўніцкім пасёлку Дразды пад Мінскам нечакна памёр міністр замежных спраў Беларусі Уладзімір Макей. Яму было 64 гады. Адразу з’явіліся здагадкі, што смерць самага блізкага супрацоўніка Аляксандра Лукашэнкі магла быць невыпадковай.

Макей на міжнароднай арэне неафіцыйна рабіў захады, каб аслабіць залежнасць Беларусі ад Расіі. У канцы верасня паінфармаваў ён пра свае сустрэчы з прадстаўнікамі заходніх дзяржаваў падчас Асамблеі ААН у Нью-Ёрку. Франак Вячорка як супрацоўнік Святланы Ціханоўскай, якая таксама там прысутнічала, у Фейсбуку гэта пацвердзіў. Удакладніў, што „суразмоўцы адмовіліся ад публічнасці сустрэч, бо для іх гэта пытанне рэпутацыі, але паслухаць Макея пагадзіліся”. Меў ён іх пераконваць, каб „ратаваць Лукашэнку ад Расіі”, інакш адбудзецца такі ж рэферэндум як ва Украіне. Таксама прасіў зняць санкцыі, праз якія церпяць людзі. Абяцаў за гэта павольнае вызваленне палітвязняў. Прапанаваў таксама, што Беларусь можа стаць медыятарам паміж Украінай і Расіяй.

Былы дыпламат, а цяпер апанент рэжыму, Павел Латушка добра ведаў Макея. Пасля яго смерці сказаў, што ён быў адным з нямногіх, хто не знаходзіўся пад расійскім уплывам і мог стаць патэнцыйным пераемнікам Лукашэнкі.

Макей памёр у вельмі напружаны для яго час. 27-28 лістапада ў Мінску планаваўся візіт міністра замежных спраў Расіі Сяргея Лаўрова. Неўзабаве, на пачатку снежня, Макей меў быць на нарадзе АБСЭ ў Лодзі. Яго запрасілі, а Лаўрова – не. Гэта выклікала нервовую рэакцыю на Крамлі.

Чуткі, што Макея маглі атруціць, бо не быў выгадны Пуціну, Латушка дэментаваў. Паводле яго нервовай, напружанай і надта стрэсуючай працы не вытрымала здароўе міністра.

Цырымонія развітання з міністрам замежных спраў Беларусі адбылася 29 лістапада ў Доме афіцэраў у Мінску. Пахавалі яго на сталічных Усходніх могілках.

Новым кіраўніком МЗС Беларусі стаў намеснік Макея Сяргей Алейнік.

Вярнуцца на галоўную старонку / Powrót na stronę główną

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у траўні

    – у 1085 г. дружыны Полацкага княства на чале з князем Усяславам Чарадзеем абаранілі беларускія землі ад захопніцкага нашэсьця князя кіеўскага Усяслава Манамаха. Захопнікі зьнішчылі Менск. Як пісаў кіеўскі летапісец „Не засталося ні чалавека, ні жывёлы”. – напады крыжакоў у …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (145) – 25.05.1880 г. у фальварку Лябёдка на Наваградчыне нарадзіўся выдатны грамадзка-палітычны дзеяч Вацлаў Іваноўскі. Між іншым быў адным з заснавальнікаў першага беларускага выдавецтва „Загляне сонца і ў наша аконца”. Забіты 07.12.1943 г. у Менску. Пахаваны там на Кальварыйскіх могілках.
  • (87) – 25.05.1938 г. у Менску адкрыўся Беларускі Дзяржаўны Тэатр Оперы і Балета.
  • (83) – 25.05.1942 г. у турэмным шпіталі ў Горкім памёр Іван Замоцін (нар. 1.11.1873 г. у Крыуліне Цьвярской губ.), літаратуразнавец. З 1908 г. быў прафэсарам Варшаўскага ўнівэрсытэта, з 1922 г. – Беларускага дзяржаўнага унівэрсытэта ў Менску. У 1937 г. быў арыштаваны і асуджаны на 8 год выпраўленча-працоўных лагераў.
  • (61) – 25.05.1964 г. у Маскве памёр Васіль Залатароў (нар. 7.03.1872 г. у Таганрогу), кампазытар і пэдагог. У 1933 – 1941  гг. вёў клас кампазыцыі ў Беларускай кансэрваторыі. У беларускую музычную культуру ўвайшлі яго балеты „Князь-возера” (1949)
    ЧЫТАЦЬ ДАЛЕЙ / CZYTAJ DALEJ
  • (57) – 25.05.1968 г. у Рочэстэры (ЗША) памёр Францішак Кушаль – грамадзкі дзеяч, вайсковец (нар. 16.02.1895 г. у в. Першаі, Менскага павету). Сярэднюю адукацыю атрымаў у Вільні ў 1916 г. У час І сусьветнай вайны даслужыўся званьня штабс-капітана. У 1919-1921 гг. уваходзіў у Беларускую Вайсковую Камісію. З 1922 г. на службе ў польскім войску (не атрымліваў авансу). У верасьні 1939 г. удзельнічаў у баях у раёне Львова. Трапіў у савецкі палон, знаходзіўся ў Старабельскім лагеры, потым у маскоўскай турме (Бутыркі). Са сьнежня 1943 г. уведзены ў склад Беларускай Цэнтральнай Рады, стаў начальнікам аддзела вайсковых справаў. Пасьля вайны на эміграцыі ў ЗША. Адзін з заснавальнікаў газэты „Бацькаўшчына”, удзельнічаў у выдаваньні „Беларуса”. Пахаваны на могілках Маўнт Хоўп.
  • (38) – 25.05.1987 г. памёр у Кліўлендзе (ЗША) Аўген Калубовіч-Каханоўскі (нар. 5.03.1910 г. у Ціхінічах, Рагачоўскага пав.), гісторык, палітычны дзеяч, настаўнік. Падчас нямецкай акупацыі кіраваў Аддзелам Культуры Беларускай Цэнтральнай Рады. Аўтар між іншым прац „Мова ў гісторыі беларускага пісьменства”, „Айцы БССР і іхны лёс”, успамінаў „На крыжавой дарозе”. Пахаваны на могілках Рыверсайд у Кліўлендзе.
  • (34) – у днях 25-27.05.1991 г. у Менску праходзіў І Міжнародны Кангрэс Беларусістаў.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com