У канцы жніўня не стала Алеся Разанава. Выдатны беларускі паэт памёр на 74-м годзе жыцця. Нарадзіўся ў вёсцы Сялец Бярозаўскага раёна на Берасцейшчыне. Калі вучыўся ў Беларускім зяржаўным універсітэце, у 1970 г. яго выключылі з ліку студэнтаўза падпісанне ліста ў Цэнтральны камітэт Камуністычнай партыі Беларусі за аднаўленне выкладання ва ўніверсітэце на беларускай мове. Скончыў адукацыю ў берасцейскім педінстытуце.
Алесь Разанаў спярша працаваў настаўнікам у школе, а потым у рэдакцыях літаратурных выданняў – у газеце „Літаратура і мастацтва”, выдавецтве „Мастацкая літаратура”, часопісах „Родная прырода”, „Крыніца”. Быў віцэ-прэзідэнтам Беларускага ПЭН-Цэнтра. Некаторы час правёў у Нямеччыне і Аўстрыі.
«Памёр вялікі чалавек, гарачы патрыёт, геніяльны паэт і філозаф, імя якога ўжо ўпісана залатымі літарамі ў нашу гісторыю. Гэта каласальная страта для Беларусі. Мы яшчэ доўга будзем асвойваць і асэнсоўваць плён ягонай творчасці. Спадчына, якую ён пакінуў, – гэта наш нацыянальны набытак», – напісана па смерці паэта на старонцы выдавецтва «Тэхналёгія» ў Facebooku.
Разьвiтанне з Алесем Разанавым адбылося 28 жніўня ў Петра-Паўлаўскiм саборы ў Мінску.
Алесь Разанаў сябраваў таксама з беларускімі літаратарамі з Падляшша.
Фота Юркі Хмялеўскага
