Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (2)

    Savieckaje vojsko i pahraniczniki spaczatku ŭsich ludziej z hetych troch viosak vyvieźli za Śvisłacz na zborny punkt u Nieparożnicach. Zahadali im usio z saboju zabrać, szto tolko mahli ŭziać na furmanku. Pośle saviety mieli ich parassyłać dalej u Biełaruś. Raptam pryjszoŭ zahad, szto kali chto…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    8. Kuneć sielanki

    Nocami z pod ramion krzyżów na rozdrogach sypie się gwiazd błękitne próchno chmurki siedzą przed progiem w murawie to kule białego puchu dmuchawiec Księżyc idzie srebrne chusty prać świerszczyki świergocą w stogach czegóż się bać (Józef Czechowicz, „Na wsi”, 1927) Jak mniê diś dumajetsie, dekada… ЧЫТАЦЬ ДАЛЕЙ / CZYTAJ DALEJ

RSS і Facebook

Няяснае ўспамажэнне гмінных інвестыцый

Але Орля скарыстала

Гміны выступаюць з заявамі на датацыі перш за ўсё да пабудовы і рамонтаў дарог Фота Юркі Хмялеўскага
Гміны выступаюць з заявамі на датацыі перш за ўсё да пабудовы і рамонтаў дарог
Фота Юркі Хмялеўскага

На пачатку снежня польскі ўрад пад кіраўніцтвам прэм’ер-міністра Матэвуша Маравецкага размеркаваў самаўрадам другія шэсць мільярдаў злотых у рамках Фонду лакальных інвестыцый. Калі такія грошы гміны, паветы і ваяводства атрымалі ў першым этапе гэтай праграмы, мэтай якой з’яўляецца дапамога ў пераадоленні эканамічных наступстваў пандэміі каранавіруса, не было ніякіх заўваг і прэтэнзій. Затое другі падзел датацый выклікаў вялікі шум і абурэнне ва ўсёй краіне, таксама на Падляшшы. Прычынай стала тое, што цяпер грошы трапілі амаль выключна толькі ў самаўрады, у якіх уладу або падтрымку мае Права і Справядлівасць. Таму, напрыклад, ні адной залатоўкі на гэты раз не атрымалі гарады, дзе ўладу мае Грамадзянская кааліцыя, між іншым Варшава, Познань ці наш Беласток. Датацыі не трапілі практычна да ніводнай гміны, дзе пражывае беларуская меншасць. Затое паплылі ў тую частку ваяводства, якая з’яўляецца апорай для ПіС.

Пасылаць заявы можна было (да канца верасня) на праекты, якіх агульны кошт не меншы за 400 тыс., каб атрымаць да 90 прац. дафінансавання. Таму самаўрады, заахвочаныя грашыма атрыманымі ў першым этапе, склалі цяпер нашмат больш запатрабаванняў, што значна перавышала бюджэт праграмы. Напрыклад, гміна Міхалова, якой бурмістрам з’яўляецца рэгіянальны прадстаўнік Грамадзянскай платформы, на конкурс паслала ажно пяць заяваў. Датычылі яны задуманых дарагіх камфортных праектаў, як пабудова за амаль 8 млн. зл. эстраднай залы пры будынку сярэдняй школы, у якой з гэтага навучальнага года існуе напрамак музыкі дыска-пола. На гэты і амаль усе астатнія праекты Міхалова патрабавала максімум дафінансавання – 90 прац. усіх коштаў.

З шасці мільярдаў злотых самаўрады з Падляшскага ваяводства атрымалі цяпер звыш 180 млн. зл. як дафінансаванне да камунальных інвестыцый, найчасцей да пабудовы і рамонтаў дарог. Найбольшая датацыя – 26 млн. зл. – была прызнана на мадэрнізацыю драмтэатра ў Беластоку, падлеглага маршалкоўскай управе Падляшскага ваяводства. Агулам дафінансаванне атрымала больш за сто інвестыцыйных праектаў.

На жаль, заявы з гмінаў нашай меншасці пераважна не былі адобраны. У конкурсе прабіцца ўдалося толькі Орлі, якая атрымала датацыю на перабудову 1,3 км дарогі з Чэхаў-Забалотных у Паўлінова. Урад прызнаў на гэта 416 тыс. зл. што адпавядае 80 прац. усіх коштаў.

У выпадку большасці адобраных праектаў іншых гмінаў гэты паказчык не быў такі карысны. Напрыклад для Крынак далі датацыю 500 тыс. зл. на пабудову кіламетра вуліцы ў горадзе агулам за 2,5 млн. злотых. Для суседняй Шудзялаўскай гміны было прызнанае дафінансаванне 1,3 млн. зл. на пабудову сямі кіламетраў гміннай дарогі, калі ўвесь кошт гэта ажно 7 млн. злотых. Такім гмінам магчыма, што прыйдзецца адмовіцца ад датацый, бо са сваіх бюджэтаў не ў змозе яны дакласці такіх вялікіх грошай.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў красавіку

    980 – у 1044 г. пачаў княжаньне ў Полацку Усяслаў Брачыслававіч, званы Чарадзеем. Яго славутая дзейнасьць была апісана ў паэме „Слова аб паходзе Ігаравым”. 920 – у 1104 г. адбыўся вялікі паход кааліцыі князёў Кіеўскай Русі, арганізаваны Уладзімірам Манамахам на …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (210) – 18.04.1814 г. у Лагойску нар. Яўстафій Тышкевіч, археоляг, гісторык і краязнавец. Закончыў Менскую гімназію (1831), заснаваў Віленскі музэй старажытнасьцяў і Віленскую археалягічную камісію, вывучаў курганы, гарадзішчы і
  • (121) – 18.04.1903 г. у Пабокавічах каля Бабруйска нар. Платон Галавач, пісьменьнік. Друкаваўся з 1921 г., аўтар зборнікаў „Дробязі жыцьця” (1927), „Хочацца жыць” (1930), „Апавяданьні” (1934). Расстраляны 29.10.1937 г., праўдападобна ў Курапатах.
  • (103) – 18.04.1921 г. афіцыйнае адкрыцьцё ў Менску Беларускага Дзяржаўнага Унівэрсытэту.
  • (58) – 18.04.1966 г. памёр у Кліўлендзе (ЗША) беларускі нацыянальны дзеяч Станіслаў Грынкевіч (народжаны 23.02.1913 г. у Новым Двары на Дуброўшчыне).

Новы нумар / Novy numer

Папярэднія нумары

Усе правы абаронены; 2024 Czasopis