Pa prostu / Па-просту

  • Płacz zwanoŭ

    21. Samaabarona i śmierć Żyda Berszki (1)

    Vielkija Aziarania, szto ŭ hminie Krynki, za Niemcami vielmi ciarpieli ad partyzantaŭ, usiakaj maści bandytaŭ i zładziejaŭ. Dajszło da taho, sztu ludzi zarhanizawali tut samaabaronu...ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    7. Moja klasa

    Časom lepi vtečy z lekciji v školi i poveselitisie z kolegami, bo teper, koli ja ohladajusie nazad, moju vsmiêsku vyklikajut ne škôlny ociênki, a vspominki. P. J. Abdul Kalam) U 1970-ch liêtach u Liceji nr 9 u Hajnuvci byli štyry rumnobiêžny klasy po pryblizno 30…ЧЫТАЦЬ ДАЛЕЙ / CZYTAJ DALEJ

RSS і Facebook

Мільённыя датацыі з Польскага ладу для амаль усіх гарадоў і гмінаў. Але не для Міхалова

Улады Міхалова за грошы з Польскага ладу хацелі м.інш. пабудаваць пры гарадской ратушы такі дзівосны канферанцыйна выстававчны цэнтр
Улады Міхалова за грошы з Польскага ладу хацелі м.інш. пабудаваць пры гарадской ратушы такі дзівосны канферанцыйна выстававчны цэнтр

25 кастрычніка прэм’ер-міністр Матэвуш Маравецкі абвесціў вынікі першага адбору Праграмы стратэгічных інвестыцый у рамках урадавага фонду Польскі лад. Грошы – агулам звыш 1,2 млд зл. – былі прызнаны 93 прац. самаўрадаў. Датацыі атрымалі таксама гміны, дзе пражываюць беларусы. Будуць яны празначаны на пабудову дарог, вадаправодаў, ачышчальняў сцёкаў, мадэрнізацыю сістэмаў абагравання, таксама для культуры, спорту і лічбавізацыі.

Для прыкладу, гміна Орля атрымала амаль чатыры мільёны злотых на тэрмамадэрнізацыю будынку школы. Падобную суму атрымала Нарва на рамонт вуліцаў і пабудову спартыўнага комплексу. Амаль 8 млн зл. мае трапіць у Нараўку на мадэрнізацыю дарог і ачышчальні сцёкаў. Каля 4,5 млн зл. атрымала гміна Гарадок на фотавальтаіку, рамонт будынку пажарнага дэпо і перабудову вуліцы ў Валілах-Станцыі.

Паколькі раней грошы з урадавых інвестыцыйных праграм траплялі перадусім там, дзе самаўрады павязаны з кіруючай партыяй Права і Справядлівасць, то цяпер датацыі былі раздзеленыя без выразнага палітычнага накірунку. Грошы атрымалі таксама гарады, гміны і паветы, у якіх уладу мае апазіцыя.

Падчас прэс-канферэнцыі ў ваяводскай управе ў Беластоку было сказана, што ў праграме Польскі лад няма іншых крытэрый чымсьці мерытарычныя. Аднак ні адной залатоўкі не атрымала гміна Міхалова, як адзіная ў Беластоцкім павеце. Тамтэйшы бурмістр Марэк Назарка на датацыі з Польскага ладу вельмі разлічваў. У палове жніўня, да калі быў тэрмін пасылаць заявы, міхалоўскі магістрат парассылаў у беластоцкія рэдакцыі інфармацыю пра складзеныя ім грандыёзныя праекты. Агулам на больш за 60 млн зл. Такія грошы гміна хоча прызначыць м.інш. на пабудову прадшколля, спартыўна-глядзельнай залы, інтэрнату для сярэдняй школы, канферэнцыйна-выставачнага цэнтра і мадэрнізацыю ачышчальні сцёкаў.

Адборачная камісія не заракамендавала прэм’ер-міністру аніводнага запатрабавання з Міхалова. Можна дадумоўвацца, чаму. Перадусім гэтая гміна, у адрозненні ад іншых, мае даволі вялікія ўласныя грошы. У апошнім рэйтынгу багацейшых самаўрадаў заняла першае месца ў ваяводстве і 69-ае ў Польшчы. Гэта перадусім заслуга аграмаднага фінансавага прыбытку ад падаткаў мясцовай перапампоўні газу.

Самаўрад Міхалова вядзе надта асаблівую палітыку. Выкарыстоўваючы камфортную фінансавую сітуацыю жыхароў звольніў ад падатку ад нерухомасцей, увёў для іх сацыяльную дапамогу 2000 экстра, ці ўзнагароды па 20 тыс. зл для прадпрымальнікаў. Жыхары аднак заўважаюць, што гэтыя грошы трапляюць да асоб, якія павязаны неяк з цяперашняй мясцовай уладай, у тым ліку з самім бурмістрам.

Цяпер міхалоўскі самаўрад прыдумаў грандыёзныя інвестыцыі, не думаючы, ці яны сапраўды неабходныя жыхарам, якія бачаць іншыя неадкладныя патрэбы, найперш інфраструктурныя. Новыя будынкі гэта і дадатковы цяжар для гміны з увагі на кошт іх утрымання. Тым больш, што іх будаўляныя праекты яшчэ і перабольшаны, беручы пад увагу патрэбы. Для прыкладу, новае прадшколле запланаванае для ўдвая больш дзетак чымсці ёсць цяпер, а з году ў год нараджаецца іх тут штораз менш. Да гэтага нядаўна ў Міхалове пачало працаваць яшчэ і прыватнае прадшколле, нават з яслямі-жлобкам.

Але пэўна не толькі гэта мела ўплыў на адмоўнае рашэнне камісіі. Цяперашні шум на ўсю Польшчу вакол Міхалова ўладам у Варшаве можа не падабацца. Тым больш, што бурмістр Марэк Назарка трымае цесны кантакт з апазіцыяй. Вось у канцы кастрычніка запрасіў ён у Міхалова, каб абмеркаваць імігранцкую праблему, між іншым прэзідэнтаў Беластока і Сопату, якіх стаўленне да ПіС непрыхільнае. Пасля сустрэчы прынята была заява ў адрас урада, якую можна ўспрымаць як незадавальненне з дзеянняў службаў на польска-беларускай мяжы.

Дарэчы, сустрэча ў міхалоўскай ратушы планавалася раней у больш пашыраным складзе. Бурмістр запрасіў вайтоў і бурмістраў з гмінаў з зоны надзвычайнага становішча, каб падключыліся да яго акцыі дапамогі імігрантам і ў размеркаванне дараў патрабуючым, якія наплываюць у Міхалова з усяе Польшчы. Адрасаты аднак не вельмі адгукнулія на гэта. Тым больш, што таго дня пад Аўгустовам праходзіў чарговы форум гмінаў Падляшскага ваяводства, дзе асноўнай тэмай былі надыходзячыя змены ў фінансаванні самаўрадаў.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • у лютым

    185 – 12 (24).02.1839 г. быў скліканы сабор вуніяцкай царквы, які прыняў рашэньне пра яе далучэньне да праваслаўнай царквы. Каля 1,5 мільёна вернікаў (на беларускіх землях) было далучана да праваслаўя, частка з вуніятаў стала рыма-католікамі. Вунія на землях Каралеўства Польскага …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (408) – 28.02.1616 г. у Несьвіжы  памёр Мікалай Кшыштоф Радзівіл (Сіротка) – нар. 12.07.1549 г. у Цьмеляве, дзяржаўны дзеяч Вялікага Княства Літоўскага, перайшоў з пратэстанцтва ў каталіцызм, падарожнічаў па Блізкім Усходзе (1583 – 1584) і вёў дзёньнік, у Несьвіж запрасіў італьянскага архітэктара Я. М. Бэрнардоні, пабудаваў у
  • (256) – 28.02.1768 г. утварэньне Барскай канфэдэрацыі.
  • (173) – 28.02.(12.03.)1851 г. у Чуднаве на Валыні памёр Ян Баршчэўскі (нар. Y 1781(?) г.  у Мурагах на Полаччыне) – паэт і празаік, вучыўся ў Полацкай езуіцкай калегіі, выдаваў у Пецярбургу альманах «Niezabudka» (1840 – 1844), аўтар зборніка прозы «Szlachcic Zawalnia czyli Białoruś w fantastycznych opowiadaniach» (Petersburg 1840). У красавіку 2019 г. у Чуднаве недалёка касьцёла была знойдзена надмагільная пліта з надпісам:  JAN BARSZCZEWSKI MIŁOŚNIK BOGA NATURY I LUDZI PISARZ NATCHNIEŃ  I CZUCIA. ŻYŁ CNOTLIWIE LAT 70. UMARŁ 28. LUTEGO 1851 ROKU. 12.09.2020 г. у Чуднаве устаноўлены помнік Я. Баршчэўскаму.
  • (122) – 28.02.1902 г. нар. Павал Гаўрыленка (пам. 2.02.1961 г.), жывапісец, заснавальнік Саюзу Беларускіх Мастакоў.
  • (97) – 28.02.1927 г. у Вільні выйшаў з друку апошні нумар грамадаўскай газэты „Наш Голас”.

Новы нумар / Novy numer

Папярэднія нумары

Copyright © 2024 Czasopis