31 траўня ў Польскім інстытуце ў Рыме ў рамках XIX Фестывалю польскай культуры „Corso Polonia” („Напрамак Польшча”) акрылася выстава „Мініяцюры” мастачкі Маргарыты Дмітрук. Яна родам з Бельска, у сваёй творчасці спасылаецца на запамятанае з дзяцінства жыццё беларусаў на Падляшшы і надае гэтаму ўніверсальнае значэнне. Прафесарка Акадэміі мастацтва ў Варшаве, з’яўляецца лаўрэаткай шматлікіх узнагарод.
Натхненнем для выставы ў Рыме стаў для мастачкі Сакрат Яновіч і яго творчасць – менавіта мініяцюры, кароткія „сакраткі”, яго лірычная проза. Як сказала для Радыё Рацыя, у яе сшытках многа ёсць цытатаў з гэтых глыбокіх тэкстаў. „Ягоныя словы прыцягвалі маю ўвагу, гаварылі са мною, нагадвалі вобразы, якія я запамятала з дзяцінства” – тлумачыла. „Вобразы з бабулінай хаты, сцэны з падляшскіх беларускіх вёсак. Паэзія ў Прозе Сакрата Яновіча пераносіла мяне ў гэты час”.
На вернісажы ў Рыме быў паказаны дакументальны фільм Габрыелі Кардаца, прысвечаны Сакрату Яновічу. Музычным акцэнтам быў канцэрт Юркі Асенніка і Міхала Яцашэка. Выставу можна глядзець да 15 верасня бг.
