Pa prostu / Па-просту

  • Płacz zwanoŭ

    24. Dochtar Maroz (6)

    U archiwie IPN kromie dakumentaŭ UB majuć jaszcze druhuju dakumentacju – z Wajskowaho rajanowaho sudu ŭ Biełastoku, dzie krychu bolsz infarmacjaŭ pra sprawu Wacława Maroza. Baraniŭ jaho adwakat Alaksandar Saroka z Warszawy. 26 kwietnia 1950 r. jak obrońca wojskowy pasłaŭ da suda ŭ Biełastoku piśmo,…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

Хроніка / Kronika

Каранавірус у Беларусі

     ад      Камэнтары / Komentarze

Паводле дадзеных міністэрства аховы здароўя ў канцы студзеня агульная колькасць пацверджаных выпадкаў COVID-19 дасягнула ў краіне 200 тыс. (на 9,5 млн. грамадзян). Для параўнання, у 38-мільённай Польшчы гэта 1,5 млн. Ад каранавіруса памерла ўжо звыш 1,5 тыс. пацыентаў (у Польшчы – 37 тыс.). Прытым ад пачатку пандэміі ў Беларусі падобна выканана ажно 4,2 млн. тэстаў, калі ў Польшчы ўсяго 860 тысяч.

Але незалежныя эксперты кажуць, што гэта статыстыка ў Беларусі не адпавядае праўдзе. Сцвярджаюць, што калі дакладна прааналізаваць сітуацыю, можа аказацца, што на COVID-19 памерла ўжо не паўтара, але больш за дваццаць тысяч грамадзян Беларусі. Афіцыйныя статыстыкі часта супярэчлівыя. Дадзеныя з рэгіёнаў адносна памерлых (праўда, з розных прычын) трывожныя. У самім Мінску зафіксаваны рост смяротнасці на больш за 23 прац. у параўнанні з 2019 годам.

Свае неафіцыйныя статыстыкі вядуць таксама лекары. Яны падлічылі, што з-за каранавіруса памерла больш за сто медыкаў. А і гэты спіс няпоўны, бо ўлічвае толькі тых, якіх сем’і вырашылі агучыць такую інфармацыю. Значыць, было б гэта сама менш 10 прац. ад агульнага афіцыйнага ліку такіх выпадкаў (у Польшчы 1 прац.). А такое немагчымае.

На COVID-19 апошнім часам памерлі: вядомы нейрахірург Арнольд Смеяновіч, адзін з лепшых траўматолагаў-артапедаў Віктар Волкаў, галоўны пазаштатны нейрахірург Гомельскай абласной лякарні Алег Гаўрушка, галоўны патолагаанатам Гарадзенскай вобласці Міхаіл Зубрыцкі, загадчык кафедры отарыналарынгалогіі Віцебскага медуніверсітэта Уладзімір Куніцкі ды іншыя.

З-за каранавірунай інфекцыі памёр таксама ва ўзросце 72 гадоў вядомы беларускі эканаміст Леанід Заіка і ўсяго 35-гадовы праваслаўны святар Марк Пуляк.

Каранавірус не абмінае і замежных дыпламатаў, што працуюць у Беларусі. Таму ўзніклі чэргі за візамі. На пачатку студзеня Польшча ўвяла бясплатныя візы для беларусаў да канца 2022 г. У Генеральным консульстве Польшчы ў Гродне на атрыманне візы можна зарэгістравацца ўжо ажно на пачатак сакавіка. Гэтым займаецца толькі адзін консул, астатнія хварэюць на каранавірус.

Вярнуцца на галоўную старонку / Powrót na stronę główną

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Календарыюм

Гадоў таму

  • у траўні

    – у 1085 г. дружыны Полацкага княства на чале з князем Усяславам Чарадзеем абаранілі беларускія землі ад захопніцкага нашэсьця князя кіеўскага Усяслава Манамаха. Захопнікі зьнішчылі Менск. Як пісаў кіеўскі летапісец „Не засталося ні чалавека, ні жывёлы”. – напады крыжакоў у …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (145) – 25.05.1880 г. у фальварку Лябёдка на Наваградчыне нарадзіўся выдатны грамадзка-палітычны дзеяч Вацлаў Іваноўскі. Між іншым быў адным з заснавальнікаў першага беларускага выдавецтва „Загляне сонца і ў наша аконца”. Забіты 07.12.1943 г. у Менску. Пахаваны там на Кальварыйскіх могілках.
  • (87) – 25.05.1938 г. у Менску адкрыўся Беларускі Дзяржаўны Тэатр Оперы і Балета.
  • (83) – 25.05.1942 г. у турэмным шпіталі ў Горкім памёр Іван Замоцін (нар. 1.11.1873 г. у Крыуліне Цьвярской губ.), літаратуразнавец. З 1908 г. быў прафэсарам Варшаўскага ўнівэрсытэта, з 1922 г. – Беларускага дзяржаўнага унівэрсытэта ў Менску. У 1937 г. быў арыштаваны і асуджаны на 8 год выпраўленча-працоўных лагераў.
  • (61) – 25.05.1964 г. у Маскве памёр Васіль Залатароў (нар. 7.03.1872 г. у Таганрогу), кампазытар і пэдагог. У 1933 – 1941  гг. вёў клас кампазыцыі ў Беларускай кансэрваторыі. У беларускую музычную культуру ўвайшлі яго балеты „Князь-возера” (1949)
    ЧЫТАЦЬ ДАЛЕЙ / CZYTAJ DALEJ
  • (57) – 25.05.1968 г. у Рочэстэры (ЗША) памёр Францішак Кушаль – грамадзкі дзеяч, вайсковец (нар. 16.02.1895 г. у в. Першаі, Менскага павету). Сярэднюю адукацыю атрымаў у Вільні ў 1916 г. У час І сусьветнай вайны даслужыўся званьня штабс-капітана. У 1919-1921 гг. уваходзіў у Беларускую Вайсковую Камісію. З 1922 г. на службе ў польскім войску (не атрымліваў авансу). У верасьні 1939 г. удзельнічаў у баях у раёне Львова. Трапіў у савецкі палон, знаходзіўся ў Старабельскім лагеры, потым у маскоўскай турме (Бутыркі). Са сьнежня 1943 г. уведзены ў склад Беларускай Цэнтральнай Рады, стаў начальнікам аддзела вайсковых справаў. Пасьля вайны на эміграцыі ў ЗША. Адзін з заснавальнікаў газэты „Бацькаўшчына”, удзельнічаў у выдаваньні „Беларуса”. Пахаваны на могілках Маўнт Хоўп.
  • (38) – 25.05.1987 г. памёр у Кліўлендзе (ЗША) Аўген Калубовіч-Каханоўскі (нар. 5.03.1910 г. у Ціхінічах, Рагачоўскага пав.), гісторык, палітычны дзеяч, настаўнік. Падчас нямецкай акупацыі кіраваў Аддзелам Культуры Беларускай Цэнтральнай Рады. Аўтар між іншым прац „Мова ў гісторыі беларускага пісьменства”, „Айцы БССР і іхны лёс”, успамінаў „На крыжавой дарозе”. Пахаваны на могілках Рыверсайд у Кліўлендзе.
  • (34) – у днях 25-27.05.1991 г. у Менску праходзіў І Міжнародны Кангрэс Беларусістаў.

Новы нумар / Novy numer

Папярэднія нумары

Усе правы абаронены; 2025 Czasopis
Social Media Auto Publish Powered By : XYZScripts.com