Pa prostu / Па-просту

  • Płacz zwanoŭ

    23. Zabytaja tragedia kala Krynak (1)

    U viosaczcy Trejgli niedaloka Krynak za sanacji żyli bahatyja haspadare Jurczeni, jakija mieli 23 ha ziamli. „Bahatyroŭ” u czerwcu 1941 r. enkavudzisty vyvieźli na Sibir (viarnulisa ŭ 1946 r.). Z hetaj pryczyny pośle pajszła ŭ vioscy i vakolicy nizhoda. Syn „kułakoŭ” Edzik za sanacji byŭ…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    11. Jabłyka i pomarančy

    Knižki i filmy podôbny do jabłyk i pomarančuv. Odny i druhi naležat do ovocuv, ale smakujut preč po-raznomu. (Steven King) To było tohdy, jak ja brontavsie hołodny po Krystijaniji, siêtum divovidnum miêsti, kotoroho čołoviêk ne pokine, poka vono ne nakłade na joho svojoji pôznaki… Siêty… ЧЫТАЦЬ ДАЛЕЙ / CZYTAJ DALEJ

RSS і Facebook

Канфлікт вакол школы з навучаннем беларускай мовы на Сакольшчыне

На пачатку гэтага году радныя гміны Шудзялава ўсакольскім павеце прынялі пастанову аб намерах ператварэння пачатковай школы ў Бабіках у філіял шудзялаўскай. Такое рашэнне выклікала востры супраціў так настаўнікаў як і бацькоў. Гэты крок палічылі яны першым этапам да закрыцця іх школы. Улады гміны лічаць, што далейшае яе ўтрыманне ў такім кшталце будзе эканамічна неабгрунтаваным.

Школа ў Бабіках ёсць адзінай ужо ў гміне апрача галоўнай у Шудзялаве. У васьмі класах вучыцца там толькі 46 дзетак, працуе ў ёй ажно 18 настаўнікаў. Войт Тадэвуш Такарэвіч лічыць, што гміна не ў змозе надалей выдаткоўваць агромністых грошай на ўтрыманне невялікай бабіцкай школы. Таму, шукаючы ашчаднасцей, гмінныя ўлады вырашылі, каб ад верасня пакінуць там толькі класы І-ІІІ, а старэйшых вучняў з іх настаўнікамі перанесці ў Шудзялава.

Паколькі ў сувязі з падам ліку вучняў пагроза паступовай ліквідацыі школы ў Бабіках паявілася ўжо даўно, бацькі і настаўнікі рабілі ўсё, каб паменшыць цяжар яе ўтрымання з боку гміны. Выстараліся між іншым датацыі звонку, таксама самі адрамантавалі будынак унутры. Найбольш дадатковых грошай паплыло ў школу аднак з-за ўвядзення навучання беларускай мовы. Фармальна для нацыянальнай меншасці, хаця мала хто пачуваецца ўжо там беларусам.

Куратар асветы ў Беластоку намеру ператварэння школы ў філіял не адобрыў. Гміна не пагадзілася з гэтым і адклікалася ў адміністрацыйны суд. Канчатковага рашэння пакуль няма. У міжчассі дырэктар школы Агнешка Кукіш распавяла пра ўсю справу ў масмедыях. Паведаміла таксама Пасольства Рэспублікі Беларусь у Варшаве, што гміна хоча закрыць „школу для беларускай нацыянальнай меншасці”. Такую інфармацыю перадала таксама ва ўсходні дэпартамент польскага міністэрства замежных спраў і ў БГКТ. Працаўнікі пасольства прыехалі ў Шудзялава, каб інтэрвеніняваць. Дырэктар дэпартамента МЗС у Варшаве патэлефанаваў войту Такарэвічу і папярэдзіў, што ўлады ў Мінску могуць выкарыстаць такое для ліквідацыі польскіх школ у Беларусі.

Усё гэта раз’юшыла шудзялаўскага войта і ў траўні зрабіў у бабіцкай школе кантроль, які паказаў некалькі хібаў. На іх аснове выдаў распараджэнне адразу адклікаць дырэктарку з яе функцыі. Адным з аргументаў была сарганізаваная ёю два гады таму экскурсія бабіцкіх школьнікаў у Беларусь, дафінансаваная з бюджэту гміны 7 тыс. злотых, на якую ўзяла з сабою ўласнае дзіцё, хаця не з’яўляецца яно вучнем гэтай школы.

Спантаннае рашэнне войта, так як падляшскі куратар асветы у выпадку пастановы рады гміны, ваявода ўняважніў. Такарэвіч будзе гэта абскарджваць яшчэ ў адміністрацыйным судзе.

Выглядае на тое, што канфлікт вакол школы ў Бабіках хутка не скончыцца. Выхадам магчыма было б ператварэнне яе ў непублічную. Амаль ідэнтычная сітуацыя была некалі ў Залуках у суседняй гміне Гарадок. Там таксама, каб выратавацца ад пагрозы ліквідацыі невялікай школы было ўведзена навучанне беларускай мовы для ўсіх вучняў як для нацыянальнай меншасці. Цяпер залуцкая школа як непублічная маецца цалкам добра. На кожнага вучня гміна надалей перадае дадатковую субвенцыю з міністэрства. А гэта апрача 7 тыс. зл. яшчэ 130 прац. базавай сумы.

Фота Зміцера Косціна/Polskie Radio Białystok

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў чэрвені

    530 – 1494 г. – атрыманьне горадам Высокае самакіраваньня паводле магдэбургскага права. 220 – 1.06.1804 г. у Наваспаскім на Смаленшчыне нар. Міхал Глінка, кампазітар, заснавальнік рускай клясычнай музыкі. Найбольш вядомыя яго творы: оперы „Жыцьцё за цара” (1836), „Руслан і Людміла” …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (452) – 23.06.1572 г. у Кнышыне на Беласточчыне памёр Зыгмунт Аўгуст (нар. 1.08.1520 г.), апошні кароль Польшчы ды Вялікі князь літоўскі з роду Ягелёнаў.
  • (78) – 23.06.1946 г. заснаваньне ў Рэгенсбургу (Нямеччына) Крывіцкага Навуковага Таварыства імя Пранцішка Скарыны, якога старшынёй стаў др. Янка Станкевіч. Таварыства між іншым публікавала навуковы часопіс „Веда”.
  • (32) – 23.06.1992 г. у Варшаве быў падпісаны старшынёй Вышэйшай Рады Рэспублікі Беларусь Станіславам Шушкевічам і прэзыдэнтам Рэчыпаспалітай Польскай Лехам Валэнсам польска-беларускі Трактат пра добрае суседзтва і сяброўскае супрацоўніцтва

Новы нумар / Novy numer

Папярэднія нумары

Усе правы абаронены; 2024 Czasopis