18 кастрычніка ў Мінску адбыўся XIV з’езд Таварыства Беларускай мовы імя Францыска Скарыны. Гэта адна з найстарэйшых грамадскіх арганізацый у Беларусі. Удзельнікі з’езду выказаліся за вяртаннем канстытуцыі 1994 г. і за адзіную дзяржаўную беларускую мову. Як сказала пераабраная на чарговы тэрмін старшыня ТБМ Алена Анісім, „беларуская мова застаецца ў пасынках у краіне, якая называецца Беларуссю”.

Заява была прынята па прапанове ганаровага старшыні арганізацыі, кандыдата гістарычных навук Алега Трусава. Дэлегаты з’езду былі ўпэўнены, што калі людзі высока ўзнялі бел-чырвона-белыя сцягі як нацыянальныя сімвалы, то яны ўздымуць і мову.