Pa prostu / Па-просту

  • Płacz zwanoŭ

    23. Zabytaja tragedia kala Krynak (1)

    U viosaczcy Trejgli niedaloka Krynak za sanacji żyli bahatyja haspadare Jurczeni, jakija mieli 23 ha ziamli. „Bahatyroŭ” u czerwcu 1941 r. enkavudzisty vyvieźli na Sibir (viarnulisa ŭ 1946 r.). Z hetaj pryczyny pośle pajszła ŭ vioscy i vakolicy nizhoda. Syn „kułakoŭ” Edzik za sanacji byŭ…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    11. Jabłyka i pomarančy

    Knižki i filmy podôbny do jabłyk i pomarančuv. Odny i druhi naležat do ovocuv, ale smakujut preč po-raznomu. (Steven King) To było tohdy, jak ja brontavsie hołodny po Krystijaniji, siêtum divovidnum miêsti, kotoroho čołoviêk ne pokine, poka vono ne nakłade na joho svojoji pôznaki… Siêty… ЧЫТАЦЬ ДАЛЕЙ / CZYTAJ DALEJ

RSS і Facebook

Хроніка рэпрэсій

На пачатку снежня стала вядома, што супраць гарадзенскага праваабаронцы Уладзіміра Хільмановіча, які з 2021 г. жыве ў Беластоку і працуе як журналіст Радыё Рацыя, вядзецца крымінальная справа. Лукашэнкоўскія органы бяспекі расследуюць яе ў накірунку садзейнічання экстрэмісцкай дзейнасці. Пагражае за гэта ад трох да сямі гадоў пазбаўлення свабоды.

У Гродне пад канец лістапада была апісана мэбля і стары халадзільнік у кватэры на месцы прапіскі журналіста, а 1 снежня ў кватэры жонкі, дзе пражываў, адбыўся ператрус. У яго выніку забраныя былі працэсар камп’ютара, 25 кніг, музычны дыск, шматлікія газеты. Таксама апісалі тэлевізар, халадзільнік і пральную машыну. 

Хільмановіч лічыць, што „стоадсоткава гэта палітычны пераслед”, які датычыць яго журналісцкай і праваабарончай дзейнасці, у тым ліку супрацоўніцтва з Радыё Рацыя, якое ў Беларусі забароненае як „экстрэмісцкае”.

 

1 снежня прысудзілі 15 сутак арышту Анатолю Трубкіну, бацьку актывіста з Наваполацка Аляксея Трубкіна, які з 2006 г. жыве ў Беластоку. 30 лістапада ў кватэры бацькоў адбыўся ператрус. Перад тым прыходзілі лісты да сына з падаткавай інспекцыі, ваенкамата і следчага камітэта. 69-гадовы Анатоль Трубкін хварэе на дыябет, ён інвалід па зроку, нядаўна перанёс інсульт.

 

18 снежня прайшоў ператрус у доме Аляксандра Мілінкевіча ў Берштах на Гарадзеншчыне ля мяжы з Літвой. 76-гадовы кандыдат ад апазіцыі ў прэзідэнцкіх выбарах у 2006 г. і пазнейшы лідар Руху „За Свабоду” пражывае цяпер у Польшчы. Яго дом на радзіме, у якім пасля ператрусу апячатаныя былі дзверы, верагодна будзе канфіскаваны. 

Апячатаны дом Аляксандра Мілінкевіча на яго радзіме Фота з Фейсбука
Апячатаны дом Аляксандра Мілінкевіча на яго радзіме
Фота з Фейсбука

19 снежня Гродзенскі абласны суд асудзіў на 10 гадоў зняволення Аляксандру Касько. Жанчыну арыштавалі 9 лютага, калі прыехала з Польшчы, каб з сям’ёй адсвяткаваць сваё 30-годдзе. Унеслі яе ў „спіс тэрарыстаў” за тое, што давала інтэрв’ю „экстрэмісцкім медыям” (для тэлеканалу Белсат) і распаўсюджвала „экстрэмісцкія матэрыялы” на Тэлеграм-канале.

 

21 снежня беларускі актывіст Ілля Міронаў, як пражывае ў Вільні, заклікаў наведвальнікаў яго сайта з Беларусі, каб не падпісываліся на гэту старонку, не ставілі ў Фейсбуку яму лайкаў і не пісалі каментароў. „А вы ведаеце, што за гэта можаце атрымаць 15 сутак арышту, штраф? А можаце і на некалькі гадоў пазбавіцца волі” – напісаў ён у Інтэрнэце.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • ў ліпені-жніўні

    710 – перамога дружын Давыда Гарадзенскага у 1314 г. над войскамі крыжакоў пад Наваградкам. 625 – 12 жніўня 1399 г. паражэньне войск Вялікага Княства Літоўскага на чале з князем Вітаўтам у бітве супраць войскаў Залатой Арды на рацэ Ворскла. 510 …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (169) – 19.07.1855 г. у Кахачыне пад Оршай памёр Тамаш Зан (нарадзіўся 21.12.1796 г. у Мясоце Наваградзкага пав.), паэт-рамантык, сябра Адама Міцкевіча. З 1841 г. жыў у Кахачыне каля Оршы. Пахаваны ў Смалянах – магіла захавалася.
  • (81) –  19.07.1943 г. у Ніжне-Амурскім ГУЛАГу загінуў Сяргей Дарожны (сапр. Серада, нар. 25.02.1909 г. у Слоніме), паэт, друкаваўся з 1925 г., выйшла некалькі зборнікаў паэзіі ды перакладаў.

Новы нумар / Novy numer

Папярэднія нумары

Усе правы абаронены; 2024 Czasopis