Pa prostu / Па-просту

  • Płacz zwanoŭ

    Na dopyt uziaty byŭ miż inszym Ramuald Rajs „Bury”

    Pra toje, dzie buduć padłożany miny, kromie manciora wiedaŭ jaszcze jaho spolnik, jaki byŭ felczaram (sanitariuszam) u szpitali ŭ Staroj Wilejcy. Tolko ŭ listapadzie 1948 r. mancioru ŭdałoso zwiazacca z dochtaram Marozam. Ad peŭnaj kabiety, jakaja pryjechała da Biełagardu z Biełastoka, dawiedaŭso, szto leczyć jon…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Hapčyna vnučka

    Siête stałosie v marciovi.

    Porankami šče trochi moroziło, ale dniom sonečko dobre hrêło, sniêh davno rozstav napreč. Posliêdnich para dion pohoda była vže vesnianaja.Agata šparko išła z dočkoju na prystanok, vony vybralisie do Biłostoku do dochtora. Marjola raz-po-raz pudbihała, starajučysie pospiêti za materoju, a siête ne było takoje proste…. ЧЫТАЦЬ ДАЛЕЙ / CZYTAJ DALEJ

RSS і Facebook

ЗАПІСЫ ЧАСУ (II.2022)

Грандыёзны палітычны спектакль

Аляксандр Лукашэнка заракаецца, што Беларусь ніколі ваяваць з Украінай не будзе. Кажа, што адтуль яго карані, праўдападобна па дзеду.

Амаль трохгадзіннага выступлення Аляксандра Лукашэнкі пакорліва слухала 2,5 тыс. дэлегатаў з усёй краіны

Аляксандр Лукашэнка заракаецца, што Беларусь ніколі ваяваць з Украінай не будзе. Кажа, што адтуль яго карані, праўдападобна па дзеду.

28 студзеня Аляксандр Лукашэнка ў Палацы Рэспублікі вытупіў з пасланнем да беларускага народу і Нацыянальнага сходу. У залу з усёй Беларусі прывезлі 2,5 тыс. асоб. Гэта былі вобласныя дэлегацыі, высокага рангу дзяржаўныя чыноўнікі, дэпутаты парламента (таксама мінулых скліканняў), дыпламаты, кіраўнікі рэлігійных канфесій і журналісты.
Выступленне Лукашэнкі доўжылася 2,5 гадзіны і ў жывым эфіры транслявалася на ўсіх рэспубліканскіх радыё- і тэлеканалах. Ён чытаў раней падрыхтаваны тэкст, які кранаў актуальную сітуацыю ва ўсіх галінах жыцця краіны, але часта дабаўляў шмат ад сябе. Па-гаспадарску выказваўся пра такія дробязі, як паломаныя ветрам дрэвы ў лясах. З трыбуны загадаў падуладным, каб „пакуль зіма прыбраць гэтае багацце і вывезці яго ў тартакі, мебельныя фабрыкі і дрэваапрацоўчыя станкі”.
Лукашэнка шмат увагі прысвяціў стану інфраструктуры ў краіне. Паводле яго важнейшыя дарогі ўжо пабудаваныя. Трэба цяпер будаваць іх вакол раённых цэнтраў і рамантаваць вуліцы ў гарадах. Так як у сталіцы мадэрнізуюць цяпер масты і падзямельныя пешыя пераходы. – Трэба іх узмоцніць, – сказаў дыктатар. – бо па вайне, калі ішлі такія будовы, магчыма работнікі кралі цэмент…
Лукашэнка абвясціў, што будзе будавацца хуткая чыгунка з Мінска ў Маскву. Дазволіць гэта даехаць у расійскую сталіцу за 3-4 гадзіны. Сказаў ён таксама, што Беларусь будзе будаваць другую атамную электрастанцыю. Прызнаўся, што хацеў, каб на гэты раз паставіць яе на ўсходзе краіны, аднак спецыялісты пераканалі яго, што значна танней будзе дабудаваць два блокі каля Астраўца.
Падчас сваіх папярэдніх пасланняў Лукашэнка заўсёды запэўняў аб росце зарплатаў. Цяпер гэта прамаўчаў, паколькі рэальныя даходы насельніцтва – у параўнанні з цэнамі тавараў і паслуг – увесь час зніжаюцца.
Гаворачы пра міжнародную сітуацыю выказаўся пра напружанасць у свеце вакол Украіны. Заракаўся, што Беларусь ваяваць з ёю ніколі не будзе. Сказаў, што адтуль яго карані, праўдападобна па дзеду.
Пасля выступлення Лукашэнка адказваў яшчэ на пытанні ад некаторых прысутных. Але гэта было рэжысераванае, бо – што можна было заўважыць – загадзя ведаў ён пытанні і меў на картачках падрыхтваныя адказы. Хтосьці запытаў, як разумець па-беларуску дэмакратыю. – Але ж я – дыктатар, – смяючыся адказаў Лукашэнка, – я ж супраць дэмакратыі… Але ўжо сур’ёзна паясніў, што ён прыхільнік простай дэфініцыі – хто не працуе, той не есць. – Вось і ўся дэмакратыя, – падсумаваў.
Заявіў, што ў наступных прэзідэнцкіх выбарах кандыдаваць ён ужо не будзе. Але калі трэба, ахвотна дапаможа парадамі і сваім досведам.

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • У красавіку

    – 9(21).04.1835 г. у Віцебску нар. Ялегі Пранціш Вуль (сапр. Элегі Францішак Карафа-Карыбут), беларускі паэт. Удзельнічаў у  студзенскім паўстаньні, за што быў сасланы ў Сібір. Апошнія гады жыцьця правёў у Варшаве, дзе з Вінцэсем Каратынскім і Адамам Плугам стварыў беларускі …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (162) – 26.04.1863 г. у Славенску каля Валожына ў сям’і праваслаўнага сьвятара нар. Яўстафій Арлоўскі, краязнавец, гісторык, пэдагог. Закончыў Пецярбурскі гісторыка-філялягічны інстытут (1885) і выкладаў гісторыю ў Гродзенскай гімназіі; дасьледаваў гісторыю Гродна і даказаў тоеснасьць яго з летапісным Городенем. Памёр 15.12.1913 г.
  • (142) – 26.04.1883 г. памёр Напалеон Орда, мастак і кампазытар (нар. 11.02.1807 г. у Варацэвічах на Піншчыне). Вучыўся ў студыі П. Жэрара ў Парыжы і ў Віленскім унівэрсытэце, удзельнічаў у паўстаньні 1830-1831 гг. Потым на эміграцыі ў Парыжы, з 1856 г. – у Варацэвічах, Гродне, на Валыні. Пакінуў па сабе архітэктурныя замалёўкі вёсак, маёнткаў, замкаў, палацаў, гарадоў Беларусі.
  • (39) – 26.04.1986 г. катастрофа на Чарнобыльскай Атамнай Электрастанцыі. Большасьць радыяцыі апала на тэрыторыі Беларусі – дзякуючы загаду савецкіх уладаў, самалёты савецкай арміі асадзілі хмары з атамным праменяваньням над беларускімі землямі.
  • (39) – 26.04.1986 г. наступіла трагічная катастрофа на Чарнобыльскай Атамнай Электрастанцыі, якая забрудзіля значную частку Беларусі.
  • (29) – 26.04.1996 г. у Менску адбылася масавая акцыя „Чарнобыльскі Шлях”, брутальна разагнаная АМОНам.

Новы нумар / Novy numer

Папярэднія нумары

Усе правы абаронены; 2025 Czasopis