Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Калекцыя

Гісторыя захаваная на фотаплёнцы

Спасылка на калекцыю:https://collections.lib.uwm.edu/digital/collection/agseurope
Спасылка на калекцыю

Цікавую калекцыю, якая ахоплівае больш за 600 лічбавых копій фотаздымкаў, зробленых вандроўніцай Луізай Арнэр Бойд падчас падарожжа па ўсходнім ваяводствам міжваеннай Польшчы, можна пабачыць на інтэрнэт-старонцы бібліятэкі ўніверсітэта Вісконсін у Злучаных Штатах.

У 1934 годзе амерыканская даследчыца прыняла ўдзел у працы міжнароднага кангрэса географаў у Варшаве. Тады ж яна здзейсніла навуковую экспедыцыю па ўсходнім ваяводствам тагачаснай Польшчы. Луіза Арнэр Бойд ажыццявіла падарожжа ад Перамышля да Вільні. Найбольш зацікавіла яе Заходняее Палессе. Менавіта таму пераважная большасць здымкаў была зроблена Бойд ў Пінску і наваколлі. Амерыканка рабіла здымкі архітэктурных помнікаў Пінска, сялянскіх хатаў, палешукоў у традыцыйных строях. Шмат фатаграфій прысвечаны палескай прыродзе: рэкам, азёрам, багнам, а таксама рыбакам і іх чоўнам на берагах ці на вадзе.

Далей Луіза Бойд рушыла на поўнач на Вільню. Сярод лічбавых копій, прадстаўленых на сайце бібліятэкі, ёсць копіі фотаздымкаў, зробленых амерыканкай у заходняй і паўночна-заходняй частцы сучаснай Беларусі. На іх можна пабачыць драўляныя лямусы, што знаходзіліся паміж Клецкам і Нясвіжам, Калоскую царкву і гарадзенскія краявіды, гандляроў на рынку ў Слоніме, манахаў з кляштара ў Жыровічах, а таксама знакаміты гроб Яна і Цэцыліі ў Багатырэвічах, апісаны ў рамане „Над Неманам” Элізы Ажэшкі. Найбольш паўночнай кропкай на тэрыторыі сучаснай Беларусі, дзе рабіла здымкі падарожніца, была Друя.

Усяго на старонцы бібліятэкі прадстаўлена 619 копій фатаздымкаў, што даюць уяўленне пра традыцыйную драўляную архітэктуру і заняткі беларусаў перад Другой сусветнай вайной

Сяргей Александровіч

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com