Pa prostu / Па-просту

  • Płacz zwanoŭ

    Za rasstreł kaniec kancoŭ nikoho nie abwinawacili

    Potym Jurczeniu na UB dapytwali jaszcze czatery razy. Na kaniec pry prysustwi prakuratara. Jurczenia szczacielno raskazwaŭ, jak zaŭdawaŭ Niemcam ludziej, jakich pośle rasstralali. Nadto nie piareczyŭ toża, kali pytali jaho, ci heto praŭda, szto świedczyli ludzi. Na kaniec 15 stycznia 1953 r. pryznaŭso da winy,…ЧЫТАЦЬ ДАЛЕЙ / CZYTAJ DALEJ

Po pudlaśki / По-пудляські

  • Kinoman

    14. Chto vpravo, chto vliêvo, chto v błudy

    Posłuchavšy v radivi 13 hrudnia 1981 promovu generała Jaruzelśkoho razy dva-try, my z Gienikom R. i Janom G. vyryšyli, što nam u Varšavi nema sensu zmahatisie ni za socijalizm, ni proti socijalizmu, i postanovili evakuovatisie na Biłostôčynu. Zreštoju, šče pered południom toho samoho dnia administracija domów studenta ohołosiła zarządzenie, što studenty povinny pokinuti akademiki i jiêchati dochaty. ЧЫТАЦЬ ДАЛЕЙ / CZYTAJ DALEJ

RSS і Facebook

Беластоцкі беларускі інтэрнет-музей і яго стваральнік

Аляксей Трубкін (Фота Міхала Сцепанюка/Polskie Radio Białystok)
Аляксей Трубкін
(Фота Міхала Сцепанюка/Polskie Radio Białystok)

З лета мінулага года ў Фейсбуку існуе асаблівая старонка, прысвечана беларускасці ў Беластоку ў мінулым. Пад адрасам „Беластоцкі беларускі музей” змешчаны архіўныя дакументы, фатаграфіі, выцінкі з даўніх беларускіх газетаў. Гэту вартасную і надта цікавую старонку стварыў і яе вядзе Аляксей Трубкін, журналіст Беларускага Радыё Рацыя. Ён родам з Новаполацка, але ўжо звыш дзесяці гадоў жыве ў Беластоку. Яго вельмі зацікавіла беларуская гісторыя нашага горада. У рамках гістарычна-краязнаўчага праекту „Беларускія сляды ў Беластоку” Трубкін стварыў мапу, на якой пазначаны месцы звязаныя з гісторыяй, культурай, асветай ды палітычнай дзейнасцю беларускага асяроддзя. Графічна мапу выканала беластоцкая мастачка Паўліна Гайда. А Трубкін як аўтар зрабіў яшчэ яе інтэрнэт-версію і пачаў ладзіць пешыя шпацыры-экскурсіі па пазначаных на ёй месцах.

Кім з’яўляецца стваральнік такога незвычвйнага і вартаснага „музея”? Аляксей Трубкін стаў цікавіцца польскімі беларусамі, асабліва беларускай мінуўшчынай Беластока, калі стаў студэнтам беларусістыкі ў тутэйшым універсітэце. У нейкім інтэрв’ю сказаў ён, што асабліва паўплывалі на гэта заняткі, якія вялі прафесары Алег Латышонак і Яўген Мірановіч.

Трубкін трапіў у Беласток па польскай праграме імя Каліноўскага. Ён быў моладзевым актывістам, сябрам Партыі БНФ. Напрыканцы снежня 2006 г. на мытні ў Гродне яму і трох яго сябрам-каліноўцам былі затрыманы ноўтбукі. Пасля паўгода беларускія службы зрабілі з гэтага вялікую афёру. На першым тэлеканале ў вечаровым эфіры было сказана, што ў ноўтбуках „чатырох маладых актывістаў апазіцыі, якія вучацца ў Польшчы” былі знойдзены… электронная энцыклапедыя мін і выбуховых матэрыялаў, „Настольная кніга тэрарыста”, матэрыялы па правядзенні тэрактаў і яшчэ кніга „100 спосабаў самазабойства”. Трубкін назваў гэта правакацыяй, бо як гаварыў тады журналістам, яго камп’ютар быў практычна чысты, „было ў ім толькі крыху музыкі і нейкіх там гульняў”. На яго думку, „за паўгода можна было туды „ўліць” чаго заўгодна”…

Летам 2011 г. Трубкін ноч правёў за кратамі ў родным Новаполацку за ўдзел у апазіцыянай акцыі маўклівага пратэсту.

Пасля такіх бурлівых здарэнняў і заканчэння ў 2012 г. беластоцкага ўніверсітэту Аляксей Трубкін, працуючы на Рацыі, поўнасцю аддаўся распрацоўцы гісторыі „беларускага Беластоку”. Цікава, што чагосьці такога не прыдумаў ніхто з тутэйшых беларусаў, а толькі прыезжы. Тым не менш гэта ёсць добры прыклад, каб такія старонкі ўзніклі ў іншых нашых гарадах ды мястэчках (гмінах). Але каб зберагчы нашу спадчыну ад забыцця, такія віртуальныя праекты недастатковыя. Патрэбныя яшчэ паралельна з імі трывалыя экспазіцыі і друкаваныя кніжкі. 

Пакінуць адказ

Ваш адрас электроннай пошты не будзе апублікаваны.

Календарыюм

Гадоў таму

  • У сакавіку

    – забойства язычнікамі ў 1250 г. ігумена Лаўрышаўскага манастыра, прападобнага Елісія, кананізаванага як сьвяты Беларусі. – 31.03.1785 г. у Варшаве памёр Антоні Тызэнгаўз (нар. у 1733 г. у Новаельні на Гродзеншчыне), палітычны і грамадзкі дзеяч ВКЛ, асьветнік, з 1765 г. …ЧЫТАЦЬ ДАЛЕЙ / CZYTAJ DALEJ

Календарыюм / Kalendarium

Сёньня

  • (79) – у сакавіку 1946 г. быў надрукаваны ў Ватэнштаце (Нямеччына) першы нумар выданьня Згуртаваньня Крывіцкіх Скаўтаў на Чыжыне „Скаўт”. Рэдагаваў Вацлаў Пануцэвіч (Папуцэвіч).
  • (46) – 14.03.1979 г. у Несьвіжы памёр Міхал Сеўрук, беларускі мастак. Нар. 27.02.1905 г. у Варшаве, закончыў Мастацкі факультэт Віленскага ўнівэрсытэта, быў вучнем Ф. Рушчыца і Л. Слендзінскага (1932), з 1939 г. жыў у Несьвіжы; зараз у яго доме дзейнічае музэй.
  • (36) – былі заснаваныя акадэміцкія гурткі Беларускага Аб’яднаньня Студэнтаў: 14.03.1989 г. ва Унівэрсытэце Марыі Кюры-Складоўскай і Сельскагаспадарчай Акадэміі ў Любліне (старшыня – Яраслаў Іванюк), 16.03.1989 г. на Беластоцкай Палітэхніцы (старшыня – Міраслаў Пякарскі), 18.03.1989 г. у Варшаўскім Унівэрсытэце (старшыня – Мікола Ваўранюк).

Новы нумар / Novy numer

Папярэднія нумары

Усе правы абаронены; 2025 Czasopis