1 верасня адбылася прэм’ера кліпу беларускага вакальнага калектыў Світанак, што дзейнічае пры дзіцячым садку н-р 14 у Беластоку. Выступаюць у ім у большасці яго настаўніцы. У Беластоку існуе калектыў Світанак / Заспяваем мы табе ў гэты ранак – так пачынаецца песня ў кліпе, словы якой напісала наша супрацоўніца Міра Лукша.
Калектыў пачаў сваю дзейнасць у 2009 г. Штогод выступае ён на фестывалі „Беларуская песня”, у якім заўсёды займае вядучыя месцы. Канцэртуе таксама на сцэне шматлікіх беларускіх фэстаў у рэгіёне.
Кліп зняты пры патрымцы горада Беласток сустрэўся з надта цёплым прыёмам. Ён змешчаны на канале ў YouTube, дзе аглянула яго ўжо каля дзвюх тысяч асоб.
