Pa prostu / Па-просту

Po pudlaśki / По-пудляські

  • Waśkowa spowed’ (1)

    Nadworie Styczeń sioho roku buw tepły i niemorozny. W Ryhoruwciach uże po tradycji bołoto, zemla rozmerzła. W miastowych czerewykach rozmemłeny kaluży preskokowaty treba, kob bołotom botiki ne barzo pobrudyty. Abo wody w ich ne nabraty. Peredom ide mużczyna pożyły, zhorbiany, pałkoju podperajetsia i ide czerez… ЧЫТАЦЬ ДАЛЕЙ / CZYTAJ DALEJ

RSS, Facebook i Telegram

Беларускія народныя фэсты на Гайнаўшчыне

6 верасня Музей і асяродак беларускай культуры ў Гайнаўцы заінаўгураваў свой сёлетні цыкл беларускіх народных фэстаў „І там жывуць людзі”.

6 верасня ў Пасечніках Вялікіх Фота арганізатараў
6 верасня ў Пасечніках Вялікіх
Фота арганізатараў

Першае такое мерапрыемства, адкладзенае ў часе з увагі на пандэмію каранавіруса, прайшло ў Пасечніках Вялікіх, што ў Гайнаўскай гміне. На сцэне спярша выступілі калектывы Чыжавяне з Чыжоў, Жаваранкі з Махнатага, Ручаёк з Белавежы. Пасля былі танцы з гуртамі Мэтро і Давід Шымчук Банд з Гайнаўкі ды Родны Кут з Нарвы. На фэсце сабралася даволі шмат людзей, недзе за сотню (з увагі на санітарныя абмежаванні ўдзедьнікаў можа быць да 150-ці). Былі гэта мясцовыя жыхары ды з навакольных мясцовасцей. Пастаянныя, якіх ужо няшмат, таксама іх гарадскія сем’і ды тыя, якія пражываюць толькі часова. Усе вельмі добра гулялі.

Падчас фэсту можна было набыць беларускую літаратуру, рукадзелле, сувеніры і прыняць удзел у конкурсах з прызамі. Таксама прэзентавалася фотавыстава са здымкамі з такіх мерапрыемстваў у мінулых гадах, якіх адбылося ўжо каля 70-ці.

6 верасня ў Пасечніках Вялікіх Фота арганізатараў
6 верасня ў Пасечніках Вялікіх
Фота арганізатараў

Музей і асяродак беларускай культуры ў Гайнаўцы фэсты з цыкла „І там жывуць людзі” ладзіць у супрацоўніцтве з гміннымі самаўрадамі ды солтысамі. Фінансуюцца яны галоўным чынам дзякуючы датацыі Міністэрства Унутраных Спраў і Адміністрацыі. Іх галоўная ідэя – ладзіць канцэрты беларускай музыкі ў вёсках, дзе не было такіх мерапрыемстваў або няма ўжо каму іх там ладзіць.

20 верасня фэст „І там жывуць людзі” адбыўся яшчэ ў вёсцы Жукі, што ў гміне Кляшчэлі. Чарговы пройдзе 4 кастрычніка ў Грабаўцы, у гміне Дубічы-Царкоўныя.

Календарыюм

Гадоў таму

  • у лістападзе

    685 – у 1341 г. войскі Вялікага Княства Літоўскага акружылі крыжацкую цьвердзь Баербург і прыступілі да яе здабыцьця. Падчас атакі загінуў вялікі князь Гедымін. 210 – 4.11.1816 г. у мястэчку Кублічы каля Лепеля нар. Арцём Вярыга-Дарэўскі (пам. у ссылцы ў Сібіры …ЧЫТАЦЬ ДАЛЕЙ / CZYTAJ DALEJ

Новы нумар / Novy numer

Папярэднія нумары / Poprzednie numery

Усе правы абаронены; 2026 Czasopis
Social Media Auto Publish Powered By : XYZScripts.com